Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ଟ୍ରାଭେଲ୍ସ ବିଲ୍ ମାମଲାରେ ପାଠକ ବାପା-ପୁଅଙ୍କୁ ହାଇକୋର୍ଟରୁ ମିଳିଲା ଜାମିନ
  • ||
  • ଚଣ୍ଡିଖୋଲ : ପେଟ୍ରୋଲ ପମ୍ପ୍ କର୍ମଚାରୀଙ୍କୁ ଗୁଳିମାଡ, ଦୁଇ ଆହତ
  • ||
  • ଚଣ୍ଡିଖୋଲ : ପୃଥକ ପୃଥକ ଦୁର୍ଘଟଣାରେ ଦୁଇ ମୃତ, ଜଣେ ଗୁରୁତର
  • ||
  • ଭୁବନେଶ୍ବର : ବିଧାନସଭା ବାଚସ୍ପତିଙ୍କ ସହ ମନ୍ତ୍ରୀ ଓ ବିଧାୟକ ନେଲେ କରୋନା ଟିକା
  • ||
  • କଟକ : ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା, CBI ତଦନ୍ତ ଶିଥିଳତା ମାମଲାରେ ପୂର୍ଣ୍ଣଚ୍ଛେଦ ଟାଣିଲେ ହାଇକୋର୍ଟ
  • ||
  • ବଲାଙ୍ଗୀର : ବସ୍ ଧକ୍କାରେ ଶିକ୍ଷକଙ୍କ ମୃତ୍ୟୁ, NH ଅବରୋଧ କଲେ ସ୍ଥାନୀୟ ଲୋକ
  • ||
  • ବୌଦ୍ଧ : ସମ୍ପତ୍ତି ପାଇଁ ଭାଇ ହେଲା ବଇରୀ, ରକ୍ତ ସମ୍ପର୍କକୁ ଭୁଲି ମାରି ପୋଡିଦେଲେ ସାନ ଭାଇକୁ
  • ||
  • ନୟାଗଡ : ଗ୍ରାମବାସୀଙ୍କ ମାଡରେ ଲୁଟେରା ମୃତ ! ଚେନ୍ ଲୁଟ୍ ଉଦ୍ୟମ ବେଳେ ଧରି ଛେଚିଥିଲେ ଲୋକେ
  • ||
  • ମଣ୍ଡିରେ ବିକ୍ରି ହେଉନି ଧାନ, ପ୍ରତିବାଦରେ ରାସ୍ତାରୋକ କଲେ ଚାଷୀ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୬ ଛୁଇଁଲା ମୃତକଙ୍କ ସଂଖ୍ୟା
  • ||

କଲିକତାରୁ ଆସୁଥିବା ବସ୍‌ରୁ ଜବତ ହୋଇଥିବା ୪୫ ବସ୍ତା କଏନ୍ ପ୍ରସଂଗ : ବ୍ଲେଡ୍ ଓ ଛୁଞ୍ଚି ତିଆରି ପାଇଁ ଚାଲାଣ ହେଉଥିଲା କଏନ୍ ?

16/01/2019 at 2:42 PM

ଭୁବନେଶ୍ବର ୧୬|୧: କଲିକତାରୁ ଭୁବନେଶ୍ବର ଆସୁଥିବା ଚକାଡୋଳା ଏବଂ ସାହିଲ ୨ଟି ବସ୍‌ରୁ ସମୁଦାୟ ୩୫ ବସ୍ତା କଏନ୍ ଜବତ ହୋଇଥିଲା । ଚକାଡୋଳା ବସ୍‌ରୁ ୩୦ ବସ୍ତା କଏନ ଜବତ ହୋଇଥିବାବେଳେ ସାହିଲ ବସ୍‌ରୁ ୧୫ବସ୍ତା କଏନ ଜବତ ହୋଇଥିଲା । ପ୍ରତି ବସ୍ତାରେ ୭୨ କେଜି ଓଜନର କଏନ ରହିଥିବା ବହିର୍ଶୁଳ୍କ ବିଭାଗର ଅତିରିକ୍ତ କମିଶନର ସୂଚନା ଦେଇଛନ୍ତି ।

ତେବେ ଏହି କଏନ୍ କିଏ ପଠାଉଥିଲା ଓ କାହା ପାଖକୁ ପଠାଉଥିଲା ତାହା ଆହୁରି ଜଣାପଡି ନାହିଁ । କେବଳ କଲକତାରେ କଏନ୍ ବସ୍ତା ବସ୍‌ରେ ଉଠାଉଥିବା ହକର ଓ ଭୁବନେଶ୍ବର ବରମୁଣ୍ଡା ବସଷ୍ଟାଣ୍ଡରେ ବସ୍‌ରୁ ଏହି ବସ୍ତା ଓହ୍ଲାଉଥିବା ହକରକୁ ପୋଲିସ ଠାବ କରିଛି । କଏନଗୁଡିକ ଆରବିଆଇରେ ଦାଖଲ କରାଯିବ ବୋଲି ସୂଚନା ମିଳିଛି ।

ଏବେ ପ୍ରଶ୍ନ ଉଠୁଛି ଏତେ ସଂଖ୍ୟା ଓ ପରିମାଣର କିଏ ଓ କାହିଁକି ଚାଲାଣ କରୁଥିଲା । କୁହାଯାଉଛି ଯେ, ଏହି କଏନରେ ଛୁଞ୍ଚି ଓ ବ୍ଲେଡ ତିଆରି ହୋଇଥାଏ । ଗୋଟିଏ ଟଙ୍କିକିଆ କଏନରୁ ୫ରୁ ୬ଟି ବ୍ଲେଡ ପ୍ରସ୍ତୁତ ହୋଇପାରେ । ଅର୍ଥାତ ଗୋଟିଏ ଟଙ୍କିକିଆ କଏନରୁ ୧୦ରୁ ୧୫ଟଙ୍କା ଲାଭ ମିଳିଥାଏ । ତେବେ ଭାରତୀୟ ମୁଦ୍ରାକୁ ତରଳାଇବା ବା ଜଳାଇବା ସମ୍ପୂର୍ଣ୍ଣ ବେଆଇନ କାର୍ଯ୍ୟ । ଯଦି କେହି ଏହା କରୁଥାଏ ତାହେଲେ ଏହା ଗର୍ହିତ ଅପରାଧ । ଗତ ୬ମାସ ହେଲା କଲିକତାରୁ ଏଭଳି କଏନ ଭୁବନେଶ୍ବରକୁ ପ୍ରତ୍ୟେକ ଦିନ ଆସୁଥିବା ଖବର ମିଳିଛି ।

ଏହା ପଛରେ ବଡ ଧରଣର ରାକେଟ କାମ କରୁଥିବା ମଧ୍ୟ ସନ୍ଦେହ କରିଯାଉଛି । ଭୁବନେଶ୍ବର ସତସଂଗ ବିହାରରେ ଥିବା କେନ୍ଦ୍ରୀୟ ବହିର୍ଶୁଳ୍କ ବିଭାଗ କାର୍ଯ୍ୟାଳୟରେ ଏହି କଏନ ବସ୍ତାଗୁଡିକ ଓଜନ କରାଯାଇଛି । ତେବେ ଏଥିରେ ସମୁଦାୟ କେତେ ଟଂକା ରହିଛି ତାହା ଜଣାପଡି ନାହିଁ ।ଆବଶ୍ୟକ ହେଲେ ଏକ ସ୍ବତନ୍ତ୍ର ଟିମ ଗଠନ କରି ଘଟମାର ଅନୁସଂଧାନ କରାଯିବ ବୋଲି ବିଭାଗ କହିଛି । ସୂଚନାଯୋଗ୍ୟ ଯେ, ଗତକାଲି ଉପରୋକ୍ତ ଦୁଇଟି ବସ୍ ଉପରେ ଚଢଉ କରି ଜିଏସଟି ବିଭାଗ ଏହି କଏନ ଜବତ କରିଥିଲେ ।

   Related Posts