Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆସୁଛି ବାତ୍ୟା ‘ନିଭାର୍’: ୨୫ରୁ ପ୍ରବଳ ବର୍ଷା, ଜିଲ୍ଲାପାଳଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ
  • ||
  • ଚିନ୍ତା ବଢାଇଲାଣି କରୋନାର ୨ୟ ଲହର : ଆଜି PM-CM ଆଲୋଚନା, କୋଭିଡ -19 ର ସ୍ଥିତି ଏବଂ ଟିକା ବିତରଣ ନେଇ ସମୀକ୍ଷା
  • ||
  • ଚିନ୍ତା ଘାରୁଛି କରୋନା ମୃତ୍ୟୁ, ସେପଟେ ଆଜି ସୁସ୍ଥ ହୋଇ ଘରକୁ ଫେରିଲେ ଆଉ ୯୧୩ ସଂକ୍ରମିତ
  • ||
  • ଚାଷୀଙ୍କୁ କେନ୍ଦ୍ର ସରକାରଙ୍କ ସହାୟତା ନେଇ କେନ୍ଦ୍ରମନ୍ତ୍ରୀଙ୍କ ଟ୍ୱିଟ୍: ଲେଖିଲେ, ଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ୬୦ ହଜାର ୮୩୬ କୋଟି ଟଙ୍କା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟର ୬ ବିଶ୍ବବିଦ୍ୟାଳୟରେ ନୂଆ କୁଳପତି ନିଯୁକ୍ତି: ଜାଣନ୍ତୁ କିଏ, କେଉଁଠି
  • ||
  • ନାବାଳିକାକୁ ଦୁଷ୍କର୍ମ ପରେ ବିଷ ଦେଇ ହତ୍ୟା କରିଥିଲା ସଂପର୍କୀୟ କକା: ଏମିତି ଅଭିଯୋଗ ନେଇ ଜିଲ୍ଲାପାଳଙ୍କୁ ଘେରିଲେ ମହିଳା
  • ||
  • ଭୁବନେଶ୍ବର : ଓଟିଭିରୁ ଇସ୍ତଫା ଦେଲେ ନିହାର ରଞ୍ଜନ ଭୂୟାଁ
  • ||

ସୁସ୍ଥ ହେଲା ପରେ ପୁଣି କରୋନାରେ ଆକ୍ରାନ୍ତ ହେଉଛନ୍ତି କି ଲୋକେ ? କଣ କହୁଛନ୍ତି ବୈଜ୍ଞାନିକ ଜାଣନ୍ତୁ

17/04/2020 at 11:16 AM

ନୂଆଦିଲ୍ଲୀ ୧୭/୦୪ : ଆପଣ ଶୁଣିବାକୁ ପାଉଥିବେ ଯେ କରୋନାରେ ଆକ୍ରାନ୍ତ ହୋଇଥିବା ରୋଗୀ ସୁସ୍ଥ ହେଲା ପରେ ପୁଣିଥରେ ସଂକ୍ରମଣର ଶିକାର ହେଉଛନ୍ତି | ଦକ୍ଷିଣ କୋରିଆରେ ନିକଟରେ ୧୪୧ ଲୋକ ସୁସ୍ଥ ହେବାପରେ ପୁଣିଥରେ ଆକ୍ରାନ୍ତ ହୋଇଛନ୍ତି | ତେବେ ସୁସ୍ଥ ହେଲା ପରେ ଲୋକେ ପୁଣି କାହିଁକି ସଂକ୍ରମିତ ହେଉଛନ୍ତି ? ଏହି ପ୍ରଶ୍ନ ସମସ୍ତଙ୍କ ମନରେ ଉଠୁଛି | ଏହି ପ୍ରଶ୍ନର ଉତ୍ତର ଖୋଜ ଚାଲିଛି | ଦକ୍ଷିଣ କୋରିଆର ଡାକ୍ତର ଓ ବୈଜ୍ଞାନିକ ଏହାର ପତା ଲଗାଇଛନ୍ତି ଯେ କାହିଁକି ଲୋକେ ପୁଣି ସଂକ୍ରମିତ ହେଉଛନ୍ତି |

ଦକ୍ଷିଣ କୋରିଆରେ ପୁଣି ସଂକ୍ରମିତ ହୋଇଥିବା ୧୪୧ ଜଣଙ୍କ ଉପରେ ଅଧ୍ୟୟନ ଚାଲିଛି | କୋରିଆ ସେଣ୍ଟର ଫ୍ର ଡିଜିଜ କଣ୍ଟ୍ରୋଲ ଆଣ୍ଡ ପ୍ରିଭେନସନ ଲ୍ୟାବରେ ବୈଜ୍ଞାନିକ ଓ ଡାକ୍ତର ଏ ସମ୍ପର୍କରେ ଅଧ୍ୟୟନ କରୁଛନ୍ତି | ବୈଜ୍ଞାନିକଙ୍କ କହିବାନୁଯାୟୀ, ଭାଇରସ ମାନବ ଶରୀରରେ ଉପସ୍ଥିତ ରୋଗ ପ୍ରତିରୋଧକ କୋଷ ଟି-ଲିମ୍ଫୋସାଇଟ୍ସ (T-Lymphocytes) ଉପରେ ହମଲା କରି ତାକୁ ନିଷ୍କ୍ରିୟ କରି ଦେଉଛନ୍ତି | ଟି-ଲିମ୍ଫୋସାଇଟ୍ସ ନିଷ୍କ୍ରିୟ ହେବା ଯୋଗୁଁ ପୁଣି ସଂକ୍ରମଣ ଆଶଙ୍କା ବଢିଯାଉଛି | ଯଦି ଥରେ କୌଣସି ମଣିଷର ରୋଗ ପ୍ରତିରୋଧକ କ୍ଷମତା ନଷ୍ଟ ହୋଇଯାଏ କିମ୍ବା ହ୍ରାସ ପାଏ ତାହେଲେ ତାକୁ ପୁଣି ଶକ୍ତିଶାଳୀ କରିବା ପାଇଁ ବହୁତ ସମୟ ଲାଗିଥାଏ |

ବୈଜ୍ଞାନିକଙ୍କ କହିବାନୁଯାୟୀ, କରୋନା ଭାଇରସ ଥରେ ଶରୀରରେ ହମଲା କଲା ପରେ ଶରୀର ମଧ୍ୟରେ ରହିଯାଇଥାଏ | ଅର୍ଥାତ ଭାଇରସ ଶରୀର ମଧ୍ୟରେ ଶୋଇରହିଥାଏ | କହିବାକୁ ଗଲେ ଭାଇରସ କିଛି ଦିନ ପର୍ଯ୍ୟନ୍ତ ନିଜର କାର୍ଯ୍ୟକଳାପ ବନ୍ଦ ରଖିଥାଏ |

ଯେତେବେଳେ ଭାଇରସ ଦେଖେ ଶରୀରର ପ୍ରତିରୋଧକ କ୍ଷମତା ହ୍ରାସ ପାଇଛି ସେତେବେଳେ ସେ ପୁଣି ହମଲା କରିବା ଆରମ୍ଭ କରିଥାଏ | ସେତେବେଳେ କରୋନା ସଂକ୍ରମଣ ପୁଣି ଦେଖାଦେଇଥାଏ |କୋରିଆ ୟୁନିଭର୍ସିଟି କଲେଜ ଅଫ ଫର୍ମାସୀର ଵାୟରୋଲୋଜିଷ୍ଟ କିଂ ଜୀୟୋଙ୍ଗ କହିଛନ୍ତି ଯେ, ପାଖାପାଖି ମାସେ ପୂର୍ବରୁ ସେମାନେ ଯେଉଁ ରୋଗୀଙ୍କୁ ଭଲ କରିଥିଲେ ସେମାନେ ପୁଣିଥରେ ସଂକ୍ରମିତ ହୋଇଛନ୍ତି | ଯେତେବେଳେ ସେମାନଙ୍କ ପ୍ରତିରୋଧକ କ୍ଷମତା ଯାଞ୍ଚ କରାଯାଇଥିଲା ସେତେବେଳେ ଜଣାପଡିଥିଲା ତାହା ବହୁତ ଦୁର୍ବଳ ହୋଇପଡିଛି | ଭାଇରସ ଏହାର ଫାଇଦା ଉଠାଇ ପୁଣି ସେହି ଲୋକଙ୍କୁ ଆକ୍ରାନ୍ତ କରୁଛନ୍ତି |

ଦକ୍ଷିଣ କୋରିଆ, ଆମେରିକା ଓ ଚୀନରେ ଏକାସଙ୍ଗେ ହୋଇଥିବା ଅଧ୍ୟୟନରେ ସ୍ପଷ୍ଟ ହୋଇଥିଲା ଯେ କରୋନା ଭାଇରସ ଶରୀରର ଟି-ଲିମ୍ଫୋସାଇଟ୍ସ ଉପରେ ସିଧାସଳଖ ହମଲା କରୁଛି | ଯାହାଫଳରେ ମଣିଷ ଶରୀରର ପ୍ରତିରୋଧକ କ୍ଷମତା ହ୍ରାସ ପାଉଛି | ଟି-ଲିମ୍ଫୋସାଇଟ୍ସ ଶରୀରରେ ଯେକୌଣସି ରୋଗ ସହ ଲଢ଼ିବାରେ ସାହାଯ୍ୟ କରିଥାଏ | ଯଦି ଭାଇରସ ଏହାକୁ ଦୁର୍ବଳ କରିଦିଅ ତାହେଲେ ପୁଣି ସଂକ୍ରମଣ ହେବା ନିଶ୍ଚିତ | ତେବେ ଟି-ଲିମ୍ଫୋସାଇଟ୍ସ କୁ ସୁଦୃଢ କରିବା ନିହାତି ଆବଶ୍ୟକ ଯାହାଫଳରେ କରୋନା ସଂକ୍ରମଣକୁ ନିଜକୁ ରକ୍ଷା କରାଯାଇପାରିବ |

   Related Posts