Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ହାଇଓ୍ୱାକୁ ପିଟିଲା ଅଟୋ, ୭ ଗୁରୁତର
  • ||
  • ପଶ୍ଚିମବଙ୍ଗ : ଆଜି ପଞ୍ଚମ ପର୍ଯ୍ୟାୟ ନିର୍ବାଚନ, ଭାଗ୍ୟ ନିର୍ଦ୍ଧାରଣ କରିବେ ୩୪୨ ପ୍ରାର୍ଥୀ
  • ||
  • ରାଜ୍ୟରେ ଏଥର କମ୍ ବର୍ଷା, ବଙ୍ଗୋପସାଗରରେ ସୃଷ୍ଟି ହେବ ଅଧିକ ଲଘୁଚାପ
  • ||
  • ଲମତାପୁଟ : ଗଞ୍ଜେଇ ବୋଝେଇ କାର୍‌ ଜବତ, ୨ଗିରଫ
  • ||
  • ଗ୍ୟାଙ୍ଗଷ୍ଟର ହାଇଦର କରୋନା ପଜିଟିଭ୍‌, ଅଡୁଆରେ ପୋଲିସ
  • ||

ବିଜେପି ରାଜ୍ୟ କାର୍ଯ୍ୟାଳୟରେ ଅପରାଜିତାଙ୍କୁ ସ୍ୱାଗତ ସମ୍ବର୍ଦ୍ଧନା; ଯୋଗଦେଲେ ଧର୍ମେନ୍ଦ୍ରଙ୍କ ସମେତ ବହୁ ରାଜ୍ୟ ସ୍ଥରୀୟ ନେତା

1/12/2018 at 6:54 PM

ଭୁବନେଶ୍ୱର ୧/୧୨ : ଅପରାଜିତା ଷଡ଼ଙ୍ଗୀଙ୍କୁ ବିଜେପି ରାଜ୍ୟ କାର୍ଯ୍ୟାଳୟରେ ଆଜି ବିଧିବଦ୍ଧ ଭାବେ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି | କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଜେପି ବିଧାୟକ ଦଳର ନେତା କନକ ବର୍ଦ୍ଧନ ସିଂହଦେଓ, ବିଜେପି ରାଜ୍ୟ ସଭାପତି ବସନ୍ତ ପଣ୍ଡା, ବିଜେପି ଉପସଭାପତି ସମୀର ମହାନ୍ତି, ବିଜେପି ମହିଳା ମୋର୍ଚ୍ଚାର ସଭାନେତ୍ରୀ ପ୍ରଭାତୀ ପରିଡା ପ୍ରମୁଖ ବହୁ ରାଜ୍ୟ ସ୍ଥରୀୟ ନେତା ଏହି ସମ୍ବର୍ଧନା ଉତ୍ସବରେ ଯୋଗ ଦେଇଥିଲେ | ବିଜେପି ଏକ ମାତ୍ର ବିକଳ୍ପ ବୋଲି ସମ୍ବର୍ଧନା ଉତ୍ସବରେ ଅପରାଜିତା କହିଛନ୍ତି | ସେ କହିଛନ୍ତି ଯେ, ବର୍ତ୍ତମାନ ପରିବର୍ତନର ସମୟ ଆସିଛି ଆଉ ସେ ଏହି ପରିବର୍ତ୍ତନର ସୁଅରେ ସେ ନିଜେ ସାମିଲ ହୋଇଛନ୍ତି |

ସୂଚନାଯୋଗ୍ୟ ଯେ, ଗତ ୨୭ ତାରିଖ ଦିନ ଅପରାଜିତା ଦିଲ୍ଲୀ ଠାରେ ବିଜେପି ରାଷ୍ଟ୍ରୀୟ ଅମିତ ଶାହଙ୍କ ବାସଭବନରେ ବିଜେପିରେ ଯୋଗ ଦେଇଥିଲେ | ୨୯ ତାରିଖରେ ସେ ଭୁବନେଶ୍ୱର ଆସିଥିଲେ | ବିମାନବନ୍ଦରରୁ ତାଙ୍କୁ ଏକ ପଟୁଆରରେ ବିଜେପି କାର୍ଯ୍ୟାଳୟକୁ ନିଆଯାଇଥିଲା | ତେବେ ବିମାନବନ୍ଦର ଠାରେ ତାଙ୍କୁ କୌଣସି ରାଜ୍ୟ ସ୍ଥରୀୟ ନେତା ସ୍ୱାଗତ କରିବା ପାଇଁ ନଥିଲେ | ଏହାକୁ ନେଇ ବିଭିନ୍ନ ମହଲରେ ସମାଲୋଚନା ଓ କଳ୍ପନା ଜଳ୍ପନା ପ୍ରକାଶ ପାଇଥିଲା | ବିଜେପିର ଏକ ପ୍ରଭାବଶାଳୀ ଗୋଷ୍ଠୀ ଅପରାଜିତା ବିଜେପିରେ ଯୋଗ ଦେବା ନେଇ ଅସନ୍ତୁଷ୍ଟ ଥିବା କୁହାଯାଇଥିଲା | ଏପରିକି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଖୁସି ନଥିବା ଆଲୋଚନା ହେଉଥିଲା | ତେବେ ଆଜିର ସମ୍ବର୍ଧନା ଉତ୍ସବରେ ଧର୍ମେନ୍ଦ୍ରଙ୍କ ସମେତ ସବୁ ରାଜ୍ୟ ସ୍ଥରୀୟ ନେତାଙ୍କ ଯୋଗଦାନ ଏହି ଆଲୋଚନା ଓ ସମାଲୋଚନାର ଅବସାନ ଘଟାଇବା ବୋଲି ଆକଳନ କରାଯାଉଛି |

   Related Posts