Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇପିଏଲ ୨୦୨୧ : ୪୦ ତମ ଲିଗ୍‌ ମୁକାବିଲାରେ ମୁହାଁମୁହିଁ ହେବେ ହାଇଦ୍ରାବାଦ ଓ ରାଜସ୍ଥାନ
  • ||
  • କେନ୍ଦୁଝର : ବଣୁଆ ହାତୀ ଆକ୍ରମଣରେ ଜଣଙ୍କର ମୃତ୍ୟୁ, ମଞ୍ଚାରୁ ଓହ୍ଲାଇ ଘରକୁ ଯିବାବେଳେ ଆକ୍ରମଣର ଶିକାର
  • ||
  • ଜୟପୁର : ଲଗାଣ ବର୍ଷା ଯୋଗୁଁ ଧସିଲା ମାଟି ଅତଡା, ଜାତୀୟ ରାଜପଥ ଅବରୋଧ
  • ||
  • ଭୁବନେଶ୍ବର : ବାତ୍ୟାରୁ ଗଭୀର ଅବପାତର ରୂପ ନେଲା ‘ଗୁଲାବ’, ଦକ୍ଷିଣ ଓଡ଼ିଶାର କିଛି ସ୍ଥାନରେ ଲାଗି ରହିଛି ବର୍ଷା
  • ||
  • କୋରାପୁଟ : କୋରାପୁଟ ଜିଲ୍ଲାରେ ‘ଗୁଲାବ’ ପ୍ରଭାବ : ଭାଙ୍ଗିଲା ଘର, ଗଛ ପଡି ରାସ୍ତା ଅବରୋଧ
  • ||
  • ବୈତରଣୀ ପଠାରେ ଚରୁଥିଲେ ମଇଁଷି, ପାଣି ଭିତରକୁ ଟାଣିନେଲା କୁମ୍ଭୀର : ଦେଖନ୍ତୁ ଭିଡିଓ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୫ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୪ କୋଭିଡ୍ ପଜିଟିଭ୍
  • ||
  • ଭଦ୍ରକରେ ସଂଯୁକ୍ତ କୃଷକ ମୋର୍ଚ୍ଚାର ବନ୍ଦ ପାଳନ, ଜାତୀୟ ବିଭିନ୍ନ ସଙ୍ଗଠନ ପକ୍ଷରୁ ରାଜପଥ ଅବରୋଧ
  • ||
  • ଲଗାଣ ବର୍ଷା ପରେ ସ୍ଥିତି ବେହାଲ, ଗେଙ୍ଗୁଟି ନଦୀ ବନ୍ଧରେ ୨୦୦ ଫୁଟର ଫାଟ
  • ||

ଭାରତରେ ୨ଟି କରୋନା ଔଷଧର ପରୀକ୍ଷଣକୁ ମଞ୍ଜୁରୀ : ଏହା କେତେ ସଫଳ, ଖୁବଶୀଘ୍ର ଆସିବ ରିପୋର୍ଟ

9/05/2020 at 11:05 AM

ନୂଆଦିଲ୍ଲୀ ୦୯।୦୫: କରୋନା ଭାଇରସ ସାରା ବିଶ୍ୱରେ ମହାମାରୀ ରୂପ ନେଇଛି । କରୋନା କୁ ପ୍ରତିରୋଧ କରିବା ଲାଗି ଅନେକ ଔଷଧ ପ୍ରୟୋଗ କରାଯାଉଛି । ସାରାବିଶ୍ୱର ଗବେଷତ, ଡାକ୍ତର, ବୈଜ୍ଞାନିକ ବିଭିନ୍ନ ଔଷଧକୁ ନେଇ ପରୀକ୍ଷଣ କରୁଛନ୍ତି । ତେବେ ଏହିଭଳି ସମୟରେ ଭାରତର CSIR (Council of Scientific and Research)ଦୁଇଟି ଔଷଧର ପରୀକ୍ଷା ପାଇଁ ଅନୁମୋଦନ ମିଳିଛି | ଏହା ବ୍ୟତୀତ ଆୟୁର୍ବେଦର 4 ଟି ଔଷଧର ମଧ୍ୟ ଟ୍ରାଏଲ୍‌ ପାଇଁ ପଠାଯାଉଛି |

ଭାରତରେ କରୋନାର ଦୁଇଟି ଔଷଧର ପରୀକ୍ଷା ପାଇଁ ଭାରତର CSIR (Council of Scientific and Research)କୁ ଡ୍ରଗ କଣ୍ଟ୍ରଲର ଜେନେରାଲ ମଞ୍ଜୁରୀ ପ୍ରଦାନ କରିଛନ୍ତି | ସେଥିମଧ୍ୟରୁ ପ୍ରଥମ ଔଷଧ ହେଉଛି ଫାଭିପିରାଭିର ଏବଂ ଦ୍ୱିତୀୟ ଔଷଧକୁ ଫାଇଟୋ-ଫାର୍ମାସ୍ୟୁଟିକାଲ୍ । ସ୍ୱାଇନ୍ ଫ୍ଲୁ ଚିକିତ୍ସା ପାଇଁ ଜାପାନ ଏବଂ ଚୀନ୍ ଭଳି ଦେଶରେ ଫାଭିପିରାଭିର ବ୍ୟବହୃତ କରିଥାନ୍ତି । ଏହି ଔଷଧ ଗୁଡିକ କରୋନା ବିରୋଧରେ ପ୍ରଭାବଶାଳୀ ହୋଇପାରେ । ଏହା ବ୍ୟତୀତ ଉଦ୍ଭିଦରୁ ଫାଇଟୋ-ଫାର୍ମାସ୍ୟୁଟିକାଲ୍ ନାମକ ଅନ୍ୟ ଏକ ଔଷଧ ବାହାର କରାଯାଇଛି। ଏହି ଉଭୟ ଔଷଧ କରୋନା ବିରୋଧ ଲଢେଇରେ ଏହା ଏକ ନୂତନ ଆଶାର କିରଣ ପାଲଟିଛି | ଆସନ୍ତା ଦେଢ଼ ମାସରେ ଫାଭିପିରାଭିର ପରୀକ୍ଷା ଶେଷ ହୋଇପାରେ ବୋଲି ଅନୁମାନ କରାଯାଉଛି ।

ଏହା ବ୍ୟତୀତ CSIR ଏବଂ ଆୟୁଷ ମନ୍ତ୍ରଣାଳୟ କିଛି ଆୟୁର୍ବେଦିକ ଔଷଧ ଉପରେ ଏକତ୍ର କାର୍ଯ୍ୟ କରୁଛନ୍ତି । ଯାହା କରୋନା ବିରୋଧୀ ଲଢେଇରେ ରୋଗ ପ୍ରତିରୋଧକ ଶକ୍ତି ବଢାଇଇବାରେ ସହଯୋଗ ହୋଇଥାଏ । ଏହି ଚାରୋଟି ଔଷଧ ହେଉଛି- ଅଶ୍ୱଗନ୍ଧା, ଯଶ୍ଟିମାଧୁ ଯଥା ମୁଲ୍ଲାଥୀ, ଗୁଦୁଚି ପିପାଲି ଯଥା ଗିଲୋଇ ଏବଂ ଆୟୁଷ -୬୪ । ଏହି ଚାରି ଔଷଧ ପରୀକ୍ଷା ସ୍ୱାସ୍ଥ୍ୟ କର୍ମୀ ଏବଂ ଯେଉଁମାନେ ଅଧିକ ବିପଦସଙ୍କୁଳ ଅବସ୍ଥାରେ ଅଛନ୍ତି ସେମାନଙ୍କ ଉପରେ କରାଯିବ। ଏହି ସମଗ୍ର ଅଧ୍ୟୟନରେ ICMR ର ବୈଷୟିକ ସହାୟତା ମଧ୍ୟ ରହିବ | ଦେଶର ବିଭିନ୍ନ ଅନୁଷ୍ଠାନ ଏହି ଚାରୋଟି ଔଷଧର ବ୍ୟବହାର ଏବଂ ସେମାନଙ୍କର ଫଳାଫଳ ଉପରେ ନଜର ରଖିବେ। ଏହାର ପରୀକ୍ଷା ସମାପ୍ତ ହେବାକୁ ଦୁଇରୁ ଚାରି ମାସ ସମୟ ଲାଗିପାରେ ।

CSIRର ମହାନିର୍ଦ୍ଦେଶକ ଶୁକ୍ରବାର ଦିନ କହିଛନ୍ତି ଯେ, ଆୟୁଷ, CSIR ଏବଂ ICMR ଏହି ତିନୋଟି ଏଜେନ୍ସି ସହିତ ମିଶି ଏହି କ୍ଲିନିକାଲ୍ ପରୀକ୍ଷା କରିବାକୁ ଯାଉଛନ୍ତି। ଦେଶର ପରମ୍ପରା ପାଇଁ ଆୟୁର୍ବେଦ ଅତ୍ୟନ୍ତ ଗର୍ବର ବିଷୟ | ଆୟୁର୍ବେଦ ଏବଂ ଆଧୁନିକ ବିଜ୍ଞାନ ଆଧାରରେ, କରୋନା ବିରୁଦ୍ଧରେ ଶୀଘ୍ର ଏକ ସମାଧାନ ମିଳିବା ଉଚିତ୍ |

   Related Posts