ନୂଆଦିଲ୍ଲୀ: ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ ପୁରସ୍କାର-୨୦୨୦ର ମନୋନୟନ ଲାଗି କେନ୍ଦ୍ର ମହିଳା ଓ ଶିଶୁବିକାଶ ମନ୍ତ୍ରାଳୟ ପକ୍ଷରୁ ପ୍ରାର୍ଥୀପତ୍ର ଦାଖଲର ଶେଷ ତାରିଖକୁ ୩୦ ସେପ୍ଟେମ୍ବର ୨୦୧୯ ପର୍ଯ୍ୟନ୍ତ ସମ୍ପ୍ରସାରିତ କରାଯାଇଛି। ଅନଲାଇନ ମାଧ୍ୟମରେ ଡବ୍ଲୁଡବ୍ଲୁଡବ୍ଲୁ ଡଟ୍ ଏନସିଏ ହାଇପେନ ଡଟ୍ ଏନଆଇସି ଡଟ୍ ଇନ୍ ୱେବ୍ ପୋର୍ଟାଲ ଜରିଆରେ ମଧ୍ୟ ପ୍ରାର୍ଥୀମାନେ ଆବେଦନ କରିପାରିବେ।
{"id":156904}ଦେଶର ପ୍ରତିଭାବାନ ଶିଶୁ, ବ୍ୟକ୍ତିବିଶେଷ ଓ ପ୍ରତିଷ୍ଠାନମାନଙ୍କୁ ସମ୍ମାନୀତ କରିବା ଲାଗି ମହିଳା ଓ ଶିଶୁ ବିକାଶ ମନ୍ତ୍ରାଳୟ ପକ୍ଷରୁ ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଳ ପୁରସ୍କାର ଆରମ୍ଭ କରାଯାଇଛି। ବାଲ ଶକ୍ତି ଓ ବାଲ କଲ୍ୟାଣ ନାମକ ଦୁଇଟି ବିଭାଗରେ ଏହି ପୁରସ୍କାର ପ୍ରଦାନ କରାଯାଏ। ବାଲ ଶକ୍ତି ପୁରସ୍କାରର ଉଦ୍ଦେଶ୍ୟ ହେଉଛି ନବୋନ୍ମେଷ, ପାଠପଢା, କଳା, ସଂସ୍କୃତି ,ସମାଜ ସେବା ଓ ସାହସିକତା କ୍ଷେତ୍ରରେ ଅସାଧାରଣ ସଫଳତା ହାସଲ କରିଥିବା ପିଲାମାନଙ୍କୁ ସ୍ୱୀକୃତି ପ୍ରଦାନ କରିବା।
{"id":156906,"width":580,"height":346}ସେହିପରି ଶିଶୁ ବିକାଶ, ଶିଶୁ କଲ୍ୟାଣ ଓ ଶିଶୁ ସୁରକ୍ଷା କ୍ଷେତ୍ରରେ କାର୍ଯ୍ୟ କରୁଥିବା ବ୍ୟକ୍ତିବିଶେଷ ଓ ଅନୁଷ୍ଠାନଙ୍କ କାର୍ଯ୍ୟକୁ ସ୍ୱୀକୃତି ପ୍ରଦାନ ଲାଗି ବାଲ କଲ୍ୟାଣ ପୁରସ୍କାର ପ୍ରଦାନ କରାଯାଉଛି। ୱେବ୍ ପୋର୍ଟାଲରେ ପୁରସ୍କାର ସମ୍ପର୍କିତ ସମସ୍ତ ନିର୍ଦ୍ଦେଶାବଳୀ ରହିଛି। ଏହି ପୁରସ୍କାର ସାଧାରଣତନ୍ତ୍ର ଦିବସ ପୂର୍ବ ସପ୍ତାହରେ ରାଷ୍ଟ୍ରପତିଙ୍କ ଦ୍ୱାରା ପ୍ରଦାନ କରାଯାଇଥାଏ।