Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ଭାରତ ଇତିହାସରେ ପ୍ରଥମ ଘଟଣା: ସିବିଆଇ ଦ୍ବିତୀୟ ମୁଖ୍ୟଙ୍କ ବିରୋଧରେ ଦୁର୍ନୀତି ଅଭିଯୋଗ, ଜାଣନ୍ତୁ କେମିତି ହୋଇଥିଲା ଲାଂଚକାରବାର

22/10/2018 at 7:32 PM

ନୂଆଦିଲ୍ଲୀ;୨୨/୧୦- ସିବିଆଇ ଦ୍ଵିତୀୟ ମୁଖ୍ୟଙ୍କ ବିରୋଧରେ ଲାଂଚ ଅଭିଯୋଗ ଆସିବା ଭାରତ ଇତିହାସର ପ୍ରଥମ ଘଟଣା । ଏହି ଅଭିଯୋଗଟି ଉଠିଛି ସିବିଆଇର  ସ୍ବତନ୍ତ୍ର ନିର୍ଦ୍ଦେଶକ ରାକେଶ ଆସ୍ଥାନା ନାଁରେ , ଯାହା ଖୋଦ ସିବିଆଇ ଉଠାଇଛି ।

ସିବିଆଇର ଦ୍ବିତୀୟ ମୁଖ୍ୟ ରାକେଶ ଆସ୍ଥାନା ମାଂସ ରପ୍ତାନିକାରୀ ମୋଏନ କ୍ୟୁରେସି  ଘଟଣାର ତଦନ୍ତ କରୁଥିବା ବେଳେ ସତୀଶ ବାବୁ ସାନାଠାରୁ ଲାଂଚ ନେଇଥିବା ଅଭିଯୋଗ ହୋଇଛି । ଅଭିଯୋଗ ଖୋଦ ଲାଂଚ ଦେଇଥିବା ସତୀଶ ବାବୁ ସାନା ଅଭିଯୋଗ କରିଥିବାରୁ ଏହାକୁ ଗୁତ୍ବର ସହ ନିଆଯାଉଛି ।

୧୫ ଅକ୍ଟୋବର ୨୦୧୮ରେ ଭାରତୀୟ ପିଂଗଳ କୋଡ଼ର  ୧୨୦ବି , ସେକ୍ସନ ୭, ୧୩/୨ , ୧୩(୧)(ଡ଼ି) ଧାରା ଅନୁସାରେ  ଦାୟର କରାଯାଇଛି ।

ଅସ୍ଥାନା ଓ ଅନ୍ୟ ତିନିଜଣଙ୍କ ବିରୋଧରେ ଦାୟର ୧୧ ପୃଷ୍ଠା ସଂବଳିତ ଏତାଲାରେ  ଅଭିଯୋଗକାରୀ ସାନା ର ସମସ୍ତ ବୟାନ ଉଲ୍ଲେଖ କରାଯାଇଛି ।

ଆସ୍ଥାନଂକ ବ୍ୟତୀତ ଏହି ମାମଲାର ଅନ୍ୟ ୩ ଜଣ ଅଭିଯୁକ୍ତମାନେ ହେଲେ  ସିବିଆଇର ଉପ ଆରକ୍ଷୀ ଅଧିକ୍ଷକ ଦେବେନ୍ଦର କୁମାର  , ଅସ୍ଥାନହ୍କ ତରଫରୁ ଲାଂଚ ଗ୍ରହଣ କରିଥିବା ମଧ୍ୟସ୍ଥି ମନୋଜ ପ୍ରସାଦ ଓ ସୋମେଶ ପ୍ରସାଦ । ଡିଏସପି ଦେବେନ୍ଦ୍ର କୁମାରଙ୍କୁ ଆଜି ପୋଲିସ ଗିରଫ କରିଥିବାବେଳେ ୧୬ ଅକ୍ଟୋବରରେ ଏହି ଲାଂଚ ଦେବାନେବାର ମଧ୍ୟସ୍ଥି କାରବାର କରୁଥିବା  ମନୋଜ ପ୍ରସାଦଂକୁ ଦୁବାଇରୁ ଫେରୁଥିବା ବେଳେ ଗିରଫ କରାଯାଇଥିଲା ।  ରବିବାର ଦିନ ସିବିଆଇ ଦେବେନ୍ଦର କୁମାରଂକ ବାସଭବନରୁ ଚଢ଼ାଉ କରି ୮ଟି ମୋବାଇଲ ଓ ବହୁ ଗୁରୁତ୍ଵପୂର୍ଣ୍ଣ କାଗଜପତ୍ର ଜବତ କରିଛି ।

ଅନ୍ୟପଟେ ଗୋଟେ ସରକାରୀ ସୂତ୍ରରୁ ଜଣାଯାଇଛି ଯେ , ଅଗଷ୍ଟରେ ୨୪ ତାରିଖରେ କ୍ୟାବିନେଟ ସେକ୍ରେଟାରୀଂକ ପାଖକୁ ଆସ୍ଥାନା ଗୋଟେ ଚିଠି ଲେଖିଛନ୍ତି  । ଯେଉଁଥିରେ  ଲେଖିଛନ୍ତି , ସେଇ ସମାନ କେସ୍ ପାଇଁ ସତିଶ ସାନା ମଧ୍ୟ ସିବିଆଇ ଡ଼ାଇରେକ୍ଟର ଆଲୋକ ବର୍ମାଂକୁ ୨ କୋଟି ଟଂକା ଦେଇଛନ୍ତି ।

ଏଇଠି ଗୋଟେ ପ୍ରଶ୍ନ ଉଠୁଛି ,ସେଇ ଏକା ଲୋକ ଠାରୁ ଏକା କେସ୍ ପାଇଁ କିଭଳି ସିବିଆଇ ଡ଼ାଇରେକ୍ଟର ଓ ସ୍ପେଶାଲ ସିବିଆଇ ଡ଼ାଇରେକ୍ଟର ଲାଂଚ ନେଇପାରୁଛନ୍ତି ? ଏହା କଣ ସମ୍ଭବ କି ।

ଏତାଲା କପିରେ କଣ ଲେଖା ଥିଲା

ସତିଶ ସାନା କହିବା ଅନୁସାରେ ତାଙ୍କ କଂପାନି ପାର୍ଟନର କ୍ୟୁରେସିଂକ ବିରୋଧରେ ଚାଲିଥିବା ମାମଲା ପରିପ୍ରେକ୍ଷୀରେ ତଦନ୍ତକାରୀ ସିବିଆଇର ଅଧିକାରୀ ଦେବେନ୍ଦ୍ର କୁମାର ତାଙ୍କୁ ବାରମ୍ବାର ଡ଼ାକି ତାଂକ ବୟାନ ରେକର୍ଡ଼ କରିଥଲେ । ତଥାପି କ୍ୟୁରେସିଂକ ବିରୋଧରେ ଥିବା ଏଇ ମାମଲାଟିର ସମାଧନ ହୋଇପାରୁ ନ ଥିଲା ।ସାନା କହିଛନ୍ତି ସିବିଆଇ ଦ୍ଵାରା ବାରମ୍ବାର ତାଂକୁ ସମନ କରାଯାଉଥିଲା ଓ ଜେରା ବେଳେ ସେଇ ସମାନ  ପ୍ରଶ୍ନ ହିଁ ଦେବେନ୍ଦ୍ର କୁମାର ପଚାରୁଥିଲେ ।

ଇତି ମଧ୍ୟରେ ୨୦୧୭ ମସିହା ଡିସେମ୍ବର ମାସରେ ମନୋଜ ପ୍ରସାଦ ନାମକ ଜଣେ ବ୍ୟକ୍ତିଙ୍କ ସହ ସାନାଙ୍କର ଦେଖା ହୋଇଥିଲା । ମନୋଜ ପ୍ରସାଦଙ୍କୁ ସାନା ୧୦ ବର୍ଷ ତଳୁ ଜାଣିଥିଲା । ଏହି ସାକ୍ଷାତବେଳେ ସିବିଆଇରେ ଚାଲିଥିବା ମାମଲା ସମ୍ପର୍କରେ ମନୋଜଙ୍କୁ ସାନା ସୂଚନା ଦେଇଥିଲେ । ସିବିଆଇରେ ବେଶ ପ୍ରଭାବ ଥିବା ନିଜ ସାନଭାଇ ସୋମେଶଙ୍କ ଜରିଆରେ ଏହି ମାମଲାର ସମାଧାନ କରିଦେବ ବୋଲି ମନୋଜ ତାଙ୍କୁ ପ୍ରତିଶୃତି ଦେଇଥିଲା । ତା ପରେ ସାନା ,ମନୋଜ ଓ ସୋମେଶ ତିନି ଜଣ ମିଟିଂରେ ବସିଥିଲେ । ସାନା  କରିଥିବା ଅଭିଯୋଗ ଅନୁସାରେ ,ସୋମେଶ ମଧ୍ୟ ସେଇଠୁ ସିବିଆଇ ଅଫିସରଂକ ସହ ସିଧାସଳଖ ଟେଲିଫୋନରେ କଥା ହୋଇଥିଲେ । କଥା ହେବା ପରେ ସୋମେଶ ଆଶ୍ଵାସନା ଦେଇଥିଲା ଯେ , କିଛି ବ୍ୟସ୍ତ ହେବାର ନାହିଁ ସବୁ ସମାଧାନ ହେଇଯିବ ଓ କୌଣସି ନୋଟିସ ସିବିଆଇରୁ ଆଉ ଆସିବ ନାହିଁ । ତେବେ ସୋମେଶ କହିଥିଲେ ଏ ବାବଦକୁ ୫ କୋଟି ଦେବାକୁ ହେବ ।  ୩ କୋଟି ଆଗୁଆ ଦେବାକୁ ହେବ, ଆଉ ୨ କୋଟି ଚାର୍ଜସିଟ ପୂରଣ  ବେଳେ ଦେବାକୁ ହେବ ।

ସାନା ଯେତେବେଳେ  ସତ୍ୟତା ଜାଣିବାକୁ  ଚାହିଁଲା , ସୋମେଶ ମଧ୍ୟ ସବୁ ସତ କଥା କହିଥିଲା । ସେ ତା ଉପସ୍ଥିତିରେ ଯାହା ସହ କଥା ହେଉଥିଲା ସେ ହେଉଛି ସିବିଆଇ ଅଫିସର ରାକେଶ ଆସ୍ଥାନ , ଯାହାଂକ  ଫଟୋ ହ୍ଵାଟସଆପ ଡ଼ିପିରେ ଥିଲା ।

ପ୍ରଥମଥର ସେ ତା ଦୁବାଇ ଅଫିସରେ  ୧କୋଟି ଏବଂ ୧.୯୫ କୋଟି ଦିଲ୍ଲୀର ପ୍ରେସ କ୍ଲବ ଅଫ ଇଣ୍ଡିଆର ପାର୍କିଂ ଜାଗାରେ ଦେଇଛନ୍ତି ବୋଲି ସାନା କହିଛନ୍ତି ।

ଫେବୃଆରୀରୁ ସେପ୍ଟେମ୍ବର ମଧ୍ୟରେ ସାନା ବାରମ୍ବାର ସିବିଆଇରୁ ନୋଟିସ ପାଇଥିଲେ । ସେପ୍ଟେମ୍ବର ୨୮ରେ ଯେତେବେଳେ ସେ ପ୍ୟାରିସ ଯାଇଥିଲେ ,ତାଂକୁ ଏୟାରପୋର୍ଟରେ ଅଟକାଯାଇଥିଲା । ତାଂକ ବିରୋଧରେ ସିବିଆଇରୁ ସର୍କୁଲାର ଅଛି ବୋଲି ଏୟାରପୋର୍ଟ ତରଫରୁ ସୂଚନା ଦିଆଯାଇଥିଲା । ତା ପରେ ସେ ମନୋଜ କୁମାରକୁ ଫୋନ କରିଥଲେ । ମନୋଜ କୁମାର ଆଉ ୨ କୋଟି ଦେଇନାହାଁନ୍ତି ବୋଲି ଏ ସବୁ ଅସୁବିଧା ହେଇଛି ବୋଲି କହିଥିଲେ ।  ପରେ ସେ ପୁଣି୨୫ ଲକ୍ଷ ମନୋଜ କୁମାରଂକୁ ଦେଇଥିଲେ ।

ସାନା ବାରମ୍ବାର ଟଂକା ଦେଇଥିଲେ ସୁଦ୍ଧା ସିବିଆଇ ଦ୍ଵାରା ସବୁଥର ନୋଟିସ ଆସୁଥିଲା । ସେ ବାଧ୍ୟ ହୋଇ ଏତାଲାରେ ଲେଖିଥଲା ଯେ, ସିବିଆଇ ଅଫିସର ସମେତ ତିନିଜଣଂକୁ ମୁଁ ବହୁତ ଟଂକା ଗୋଟେ ସିବିଆଇ କେସ୍ ରେ ଦେଲିଣି । କୌଣସି ସମାଧାନ ହୋଇପାରୁନାହିଁ । ମୋର ଯଦିଓ ଏହି କେସ୍ ସହ କିଛି ସଂପୃକ୍ତି ନାହିଁ । ମୋତେ ନ୍ୟାୟ ଦିଆଯାଉ । ସମସ୍ତ ପ୍ରମାଣ ମୋ ହ୍ଵାଟସଆପ୍ ରେ ମେସେଜ ଓ ଭୟେସ ରେକର୍ଡ଼ିଂ ଅଛି । ଦରକାର ପଡ଼ିଲେ କୋର୍ଟରେ ଦାଖଲ କରିପାରିବି ।

ଏଇ ଏତାଲାକୁ ଭିତ୍ତିକରି ସମସ୍ତ ଅଭିଯୁକ୍ତ ମାନଂକୁ ଧରିବାକୁ ଯେଉଁ ଖୋଳତାଡ଼ ଚାଲିଥିଲା , ଆଜି ଗିରଫ ହେଲେ ସିବିଆଇର ଉପ ଆରକ୍ଷୀ ଅଧୀକ୍ଷକ ଦେବେନ୍ଦର କୁମାର ।ଆସ୍ଥାନା ଓ ସାନା ପ୍ରତ୍ୟକ୍ଷ ଭାବେ ଦେଖା ହୋଇ ନଥିଲେ ।

ସାନାର ଏତାଲାରେ ସେ ଆସ୍ଥାନାଂକ ସହ ସିଧାସଳଖ ଦେଖାହୋଇନାହିଁ ବୋଲି କହିଛି । ସମସ୍ତ ଡ଼ିଲ୍ କେବଳ ମନୋଜ ଓ ସୋମେଶ କରୁଥଲେ । କିନ୍ତୁ ଆସ୍ଥାନାଂକ ସହ ସବୁ ଯୋଗାଯୋଗ ଏମାନଂକର ଥିଲା ବୋଲି କହିଛି ।

ଆସ୍ଥାନା ହେଉଛନ୍ତି ଗୁଜୁରାଟର କ୍ୟାଡ଼ରର ଆଇଏସ ଅଫିସର । ସେ ବହୁତ ଗୁରୁତ୍ଵପୂର୍ଣ୍ଣ କେସ୍ ର ସେ ତଦନ୍ତ କରୁଥିଲେ । ଅଗଷ୍ଟାଓ୍ଵେଷ୍ଟଲ୍ୟାଣ୍ଡ ଚୋପର ସ୍କାମ ,ବ୍ୟାଂକ ଋଣ ଠକେଇରେ ବିଜୟ ମାଲ୍ୟା କେସ୍ ଓ ମୋଏନ କ୍ୟୁରେସି କେସ୍ ବି ଦେଖୁଥିଲେ ।

   Related Posts