ଭୁବନେଶ୍ବର ୧|୬: ସାଂସଦ ଭାବେ ଶପଥ ନେଇ ଦିଲ୍ଲୀରୁ ଫେରିଛନ୍ତି ସାଂସଦ ଅପରାଜିତା ଷଢଙ୍ଗୀ । ଆଜି ଭୁବନେଶ୍ବରରେ ପହଁଚିବା ପରେ ବିମାନ ବନ୍ଦରରେ ବିଜେପି କର୍ମୀ ଓ ତାଙ୍କ ସମର୍ଥକ ମାନେ ତାଙ୍କୁ ସ୍ବାଗତ କରିବା ସହ ବିପୁଳ ସମ୍ବର୍ଧନା ଦେଇଥିଲେ । ସେପଟେ ଅପରାଜିତା କହିଛନ୍ତି ନିର୍ବାଚନ ପୂର୍ବରୁ ଯେମିତି ଲୋକଙ୍କ ସଂପର୍କରେ ଥିଲି ଏବେ ବି ସେମିତି ରହିବି ସବୁ ଗାଁ ଓ ସବୁ ଓ୍ବାଡ ବୁଲିବେ । ଏହା ସହ ସଂସଦୀୟ କ୍ଷେତ୍ରରେ ଥିବା ସବୁ ବିଧାନସଭା ନିର୍ବାଚନ ମଣ୍ଡଳୀରେ କୃତଜ୍ଞତା ସଭା ଆୟୋଜନ କରି ଲୋକଙ୍କୁ ଧନ୍ୟ ବାଦ ଜଣାଇବେ । ଏଥିସହ ସବୁ ବିଧାନସଭା କ୍ଷେତ୍ରରେ ଗୋଟିଏ ଗୋଟିଏ ଅଭିଯୋଗ ଶୁଣାଣି ଶିବିର କରିବେ ବୋଲି ମଧ୍ୟ କହିଛନ୍ତି ଅପରାଜିତା ।
{"id":118501}ସାଂସଦ ଅପରାଜିତା ଷଢଙ୍ଗୀଙ୍କୁ ସ୍ବାଗତ ସମ୍ବର୍ଧନା । ସାଂସଦ ଭାବେ ଦିଲ୍ଲୀରୁ ଶପଥ ନେଇ ଫେରିବା ପରେ ବିମାନ ବନ୍ଦରରେ ବିପୁଳ ସମ୍ବର୍ଦ୍ଧନା । ଭୁବନେଶ୍ବର ସାଂସଦ ଭାବେ ବିଜୟୀ ହୋଇ ଦିଲ୍ଲୀ ଯାଇଥିବା ପୂର୍ବତନ ଆଇଏଏସ ଅପରାଜିତା ଷଢଙ୍ଗୀ ଦିଲ୍ଲୀରୁ ଭୁବନେଶ୍ବର ଫେରିବା ପରେ ବିମାନ ବନ୍ଦରରେ ବିଜେପି କର୍ମୀ ଓ ତାଙ୍କ ସମର୍ଥକ ତାଙ୍କୁ ଫୁଳ ତୋଡା ଦେଇ ସ୍ବାଗତ କରିଥିଲେ ।
{"id":118504}ଭୁବନେଶ୍ବରରେ ପହଁଚିବା ପରେ ଅପରାଜିତା କହିଛନ୍ତି ଭୁବନେଶ୍ବର ସବୁ ବିଧାନସଭା କ୍ଷେତ୍ରର ଭୋଟର ତାଙ୍କୁ ଯେଉଁ ସମର୍ଥନ ଦେଇଛନ୍ତି ସେ ସେଥିପାଇଁ ସେମାନଙ୍କୁ କୃତଜ୍ଞତା ଜଣାଇବେ । ଏଥିପାଇଁ ସବୁ ବିଧାନସଭା ନିର୍ବାଚନ ମଣ୍ଡଳୀରେ ଆୟୋଜନ ହେବ କୃତଜ୍ଞତା ସଭା ।
{"id":118502}କେବଳ ଲୋକଙ୍କୁ ଧନ୍ୟ ବାଦ ଦେବେ ନାହିଁ ଅପରାଜିତା । ଭୋଟ ପୂର୍ବରୁ ଯେମିତି ଲୋକଙ୍କ ସହ ଥିଲେ ଏବେ ବି ସେମିତି ଲୋକଙ୍କ ସହ ରହିବେ । ପ୍ରତି ଗାଁ ଓ ପ୍ରତି ଓ୍ବାଡକୁ ବୁଲି ବୁଲି ଲୋକଙ୍କ ପାଖରେ ପୁଣି ପହଁଚିବେ । ସମସ୍ତଙ୍କ ସହଯୋଗରେ ପିପୁଲ୍ସ ଓ୍ବେଲଫେୟାର ଫଣ୍ଡ ଗଠନ କରିବେ ଓ ସାଂସଦ ପାଣ୍ଠି କିପରି ସଠିକ ଭାବେ ଖର୍ଚ୍ଚ ହେବ ସେନେଇ ଜିଲ୍ଲା ପାଳଙ୍କ ସହ ଆଲୋଚନା କରି କାମ କରିବେ ବୋଲି କହିଛନ୍ତି । ସେପଟେ ସାଂସଦ ଭାବେ ଜିତିବା ପରେ ତାଙ୍କୁ ମୋଦିଙ୍କ ମନ୍ତ୍ରିମଣ୍ଡଳରେ ସ୍ଥାନ ପାଇବେ ବୋଲି ଚର୍ଚ୍ଚା ହେଉଥିଲା । ଆଉ ଏବେ ସେ ତାର ପତିକ୍ରିୟାରେ କହିଛନ୍ତି ସେ ରାଜନୀତିରେ ନୂଆ । ମନ୍ତ୍ରୀ ହେବା ଆଶା ତାଙ୍କର ନାହିଁ ଲୋକଙ୍କ ପାଇଁ କାମ କରିବା ତାଙ୍କର ପ୍ରାଥମିକତା ।
{"id":118503}ଆଇଏଏସ ଚାକିରୀ ଛାଡି ବିଜେପିରେ ଯୋଗ ଦେଇ ଭୁବନେଶ୍ବର ସଂସଦୀୟ କ୍ଷେତ୍ରରେ ସାଂସଦ ଭାବେ ଲଢି ବିଜୟୀ ହୋଇଛନ୍ତି ଅପରାଜିତା ।