Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଭୁବନେଶ୍ବରରେ ପହଞ୍ଚିଲା ଆଉ ୧ ଲକ୍ଷ ୪୯ ହଜାର ୭୬୦ ଡୋଜ୍ କୋଭାକ୍ସିନ୍ ଟିକା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୧୫୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ପାରାଦୀପ : ନକଲି ସାର୍ଟିଫିକେଟ୍ ରାକେଟ୍‌ର ପର୍ଦ୍ଦାଫାଶ : ମେଡିକାଲ୍ ସାର୍ଟିଫିକେଟ୍ ତିଆରି ଅଭିଯୋଗରେ ଯୁବକ ଗିରଫ
  • ||

ଭୁବନେଶ୍ୱରରେ ପହଁଚିଲେ ଅପରାଜିତା : ବିମାନ ବନ୍ଦରରେ ବିଜେପି କର୍ମୀଙ୍କ ସ୍ୱାଗତ ଓ ପଟୁଆର, ଯୋଗ ଦେଲେନି କୌଣସି ବଡ ନେତା

29/11/2018 at 1:15 PM

ଭୁବନେଶ୍ୱର ୨୯/୧୧ : ଆଇଏଏସ ପଦବୀ ଛାଡି ଦିଲ୍ଲୀ ଠାରେ ବିଜେପିରେ ଯୋଗ ଦେଇଥିବା ଅପରାଜିତା ଷଡ଼ଙ୍ଗୀ ଆଜି ଭୁବନେଶ୍ୱର ପହଂଚିଛନ୍ତି | ଭୁବନେଶ୍ୱର ବିମାନ ବନ୍ଦର ଠାରେ ଅପରାଜିତା ପହଂଚିବା ପରେ ତାଙ୍କୁ ୧୦୦ରୁ ଅଧିକ ବିଜେପି କର୍ମୀ ଓ କର୍ମକର୍ତ୍ତା ସ୍ୱାଗତ କରି ବିଜେପି କାର୍ଯ୍ୟାଳୟ ପର୍ଯ୍ୟନ୍ତ ଏକ ଶୋଭାଯାତ୍ରାରେ ପାଛୋଟି ନେଇଛନ୍ତି | ଲିଙ୍ଗରାଜ ମନ୍ଦିର ନିକଟରେ ଦଳର ଉପ-ସଭାପତି ସମୀର ମହାନ୍ତି ତାଙ୍କୁ ସ୍ୱାଗତ ଜଣାଇଥିଲେ | ବିମାନ ବନ୍ଦର ଠାରେ ପହଂଚିବା ପରେ ସାମ୍ବାଦିକଙ୍କ ସହ କଥାବାର୍ତ୍ତା କରି ଅପରାଜିତା କହିଛନ୍ତି ଯେ, ସ୍ୱଚ୍ଛ ରାଜନୀତିରେ ସେ ବିଶ୍ୱାସ କରନ୍ତି | ଜନସେବା ପାଇଁ ପ୍ରସନିକ କ୍ଷେତ୍ର ଠାରୁ ରାଜନୈତିକ କ୍ଷେତ୍ରର କାନଭାସ ଆହୁରି ବଡ | ସବୁବେଳେ ସେ ଲୋକସେବାକୁ ଗୁରୁତ୍ୱ ଦେଇ ଆସିଛନ୍ତି | ରାଜନୀତି ମାଧ୍ୟମରେ ଲୋକଙ୍କ ସେବା କରିବାର ଅଧିକ ସୁଯୋଗ ମିଳିବ ବୋଲି ସେ ରାଜନୀତିକୁ ଆସିଥିବା ପ୍ରକାଶ କରିଛନ୍ତି | ୨୦୧୯ ସାଧାରଣ ନିର୍ବାଚନରେ ଭୁବନେଶ୍ୱର ଆସନରୁ ସେ ପ୍ରାର୍ଥୀ ହୋଇପାରନ୍ତି ବୋଲି ଚାଲିଥିବା ଚର୍ଚ୍ଚା ସମ୍ପର୍କରେ ମଧ୍ୟ ଅପରାଜିତା ପ୍ରତିକ୍ରିୟା ରଖିଛନ୍ତି | ଏବେ ଦଳର ଜଣେ କର୍ମୀ ଭାବେ କେବଳ ସେ ଯୋଗ ଦେଇଛନ୍ତି | ଦଳ ଯାହା ନିଷ୍ପତ୍ତି ନେବ ତାକୁ ସେ ଗ୍ରହଣ କରିବେ ବୋଲି କହିଛନ୍ତି | ରାଜ୍ୟର ବିକାଶ ସମ୍ପର୍କିତ ଏକ ପ୍ରଶ୍ନକୁ ଚତୁରତାର ସହିତ ଉତ୍ତର ଦେଇଛନ୍ତି ଅପରାଜିତା | ରାଜ୍ୟରେ ବିକାଶ ହୋଇନାହିଁ ବୋଲି ସିଧାସଳଖ କହିପାରିନାହାନ୍ତି | ବରଂ ବିକାଶକୁ ଆହୁରି ଆଗକୁ ନେବା ଦରକାର ବୋଲି କହିବା ସହ ଏନେଇ ତାଙ୍କର ଉଦ୍ୟମ ରହିବ ବୋଲି କହିଛନ୍ତି |

ସୂଚନାଯୋଗ୍ୟ ଯେ, ଅପରାଜିତା ଭୁବନେଶ୍ୱରରେ ପହଂଚିବା ପରେ ତାଙ୍କୁ ଏକ ବଡ ଧରଣର ସ୍ୱାଗତ ସମ୍ବର୍ଧନା ପ୍ରଦାନ କରାଯିବ ବୋଲି ପୂର୍ବରୁ କୁହାଯାଉଥିଲା | ତେବେ ଅପରାଜିତା ଭୁବନେଶ୍ୱରରେ ପହଂଚିବା ପରେ ସେଭଳି ବଡ ଧରଣର ଆୟୋଜନ ଦେଖିବାକୁ ମିଳିନଥିଲା | ବିଜେପି ଭୁବନେଶ୍ୱର ଶାଖାର କିଛି କର୍ମକର୍ତ୍ତା ଓ କର୍ମୀ ବିମାନ ବନ୍ଦର ଠାରେ ଅପରାଜିତାଙ୍କୁ ସ୍ୱାଗତ ଜଣାଇଥିଲେ | ଦଳର କୌଣସି ବରିଷ୍ଠ ନେତା ସ୍ୱାଗତ ପର୍ବରେ ସାମିଲ ନଥିଲେ | ରାସ୍ତାରେ ଅପରାଜିତାଙ୍କୁ ସ୍ୱାଗତ କରୁଥିବା ଦଳର ଉପ ସଭାପତି ସମୀର ମହାନ୍ତି କହିଛନ୍ତି ଯେ, ଅପରାଜିତା କେବଳ ଜଣେ ସାଧାରଣ କର୍ମୀ ଭାବେ ଦଳରେ ଯୋଗ ଦେଇଛନ୍ତି | ତା’ଛଡା ଆସନ୍ତା ୧ ତାରିଖ ଦିନ ଦଳରେ ରାଜ୍ୟ କାର୍ଯ୍ୟାଳୟ ଠାରେ ତାଙ୍କ ପାଇଁ ସ୍ୱତନ୍ତ୍ର ସ୍ୱାଗତ ସମ୍ବର୍ଧନା ଉତ୍ସବ ଆୟୋଜନ କରାଯାଇଛି | ତେଣୁ ଅପରାଜିତାଙ୍କ ସ୍ୱାଗତରେ କୌଣସି ଅବହେଳା କରାଯାଇନାହିଁ ବୋଲି ସମୀର ମହାନ୍ତି କହିଛନ୍ତି | ତେବେ ଶୁଣିବାକୁ ମିଳୁଛି, ଦଳର ଜଣେ ତୁଙ୍ଗ ନେତା ଓ ପ୍ରଭାବଶାଳୀ ନେତାଙ୍କ ପ୍ରରୋଚନାରେ ଅପରାଜିତାଙ୍କ ସ୍ୱାଗତ ଉତ୍ସବକୁ କୌଣସି ବଡ ନେତା ଆସିନଥିଲେ |

   Related Posts