Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ୟୁପିଏସସିରେ ଡକ୍ଟର ଆପାଲାଙ୍କ ରେକର୍ଡ : ଇଣ୍ଟରଭ୍ୟୁ ରାଉଣ୍ଡରେ ଆଗରୁ କେହି ରଖିନଥିଲେ ୨୧୫ ମାର୍କ, ଗାଜିଆବାଦର ଝିଅ ରେକର୍ଡ ସହ ସାରା ଦେଶରେ ନବମ

30/09/2021 at 1:19 PM

ନୂଆଦିଲ୍ଲୀ, ୩୦।୦୯ :  ଉତ୍ତର ପ୍ରଦେଶ ଗାଜିଆବାଦର ଡାକ୍ତରାଣୀ ଆପାଲା ମିଶ୍ର ୟୁପିଏସସି ସିଭିଲ ସର୍ଭିସ ପରୀକ୍ଷାରେ ନବମ ରାଙ୍କ୍ ହାସଲ କରିଛନ୍ତି । ଦୃଢ ଆତ୍ମବିଶ୍ୱାସ ଥିଲେ କିପରି ସଫଳତା ହାସଲ କରିହୁଏ ତାହା ଆପାଲା ପ୍ରମାଣ କରି ଦେଖାଇଛନ୍ତି । ଏହାସହ ସେ ଏକ ରେକର୍ଡ ମଧ୍ୟ ପ୍ରତିଷ୍ଠା କରିଛନ୍ତି. ।

ମଙ୍ଗଳବାର ୟୁପିଏସସି ପରୀକ୍ଷାର ମାର୍କ ପ୍ରକାଶ ପାଇଛି । ତେବେ ଆପାଲା  ସାକ୍ଷାତକାର ରାଉଣ୍ଡରେ ସର୍ବାଧିକ ମାର୍କ ରଖିଥିବା ଜଣାପଡିଛି । ପୂର୍ବରୁ ସାକ୍ଷାତାକାରରେ ସର୍ବାଧିକ ମାର୍କ ଥିଲା ୨୧୨ । ଯାହା ଏବେ ଭାଙ୍ଗିଛି । ଆପଲା ଏହି ରେକର୍ଡ ଭାଙ୍ଗିବା ସହ ୨୧୫ ମାର୍କ ସ୍କୋର କରିଛନ୍ତି । ଏହାସହ ନୂଆ ମାଇଲ ଖୁଣ୍ଟ ହାସଲ କରିଛନ୍ତି ।

ଆପାଲା କହିଛନ୍ତି ଯେ, ସାକ୍ଷାତକାର ପ୍ରାୟ ୪୦ ମିନିଟ ଥିଲା । ସେ ପ୍ରାୟ ସବୁ ପ୍ରଶ୍ନର ଉତ୍ତର ଦେଇଥିଲେ । ପ୍ରଥମେ ସେ ଅଳ୍ପ ନର୍ଭସ ବା ବ୍ୟସ୍ତ ଥିଲେ । କିନ୍ତୁ ଯେହେତୁ ତାଙ୍କର ଦୃଢ ଆତ୍ମବିଶ୍ୱାସ ଥିଲା, ସେ ସାକ୍ଷାତକାରର ସାମ୍ନା କରିଥିଲେ । ସେ ଆହୁରି କହିଛନ୍ତି ଯେ, ସାକ୍ଷାତକାର ପ୍ରକ୍ରିୟା ସବୁଠୁ ଜରୁରୀ । ଏଥିରେ ଆଶାୟୀଙ୍କ ବ୍ୟକ୍ତିତ୍ୱ ପରୀକ୍ଷା କରାଯାଏ ।

ସେ ଆହୁରି କହିଛନ୍ତି ଯେ. ତାଙ୍କ ପିତା ସେନାବାହିନୀରେ କାର୍ଯ୍ୟ କରୁଥିଲେ । ୟୁପିଏସସି ପରୀକ୍ଷାରେ କିପରି ସଫଳତା ଲାଭ କରିହେବ ସେନେଇ ସେ ଟିପ୍ସ ଦେଇଛନ୍ତି । ସେ କହିଛନ୍ତି ଯେ, ଅଭ୍ୟାସ ଉପରେ ସମସ୍ତେ ଗୁରୁତ୍ୱ ଦିଅନ୍ତୁ । ନିଜ ଉପରେ ବିଶ୍ୱାସ ରଖିବା ବହୁତ ଜରୁରୀ ଅଟେ । ପରୀକ୍ଷା ଦେବା ସମୟରେ ସେ ନିଜ ମାଆଙ୍କଠୁ ଅନେକ ପରାମର୍ଶ ନେଉଥିଲେ । ତାଙ୍କ ମାଆ ଦିଲ୍ଲୀ ବିଶ୍ୱବିଦ୍ୟାଳୟରେ ହିନ୍ଦୀ ଅଧ୍ୟାପିକା ଭାବେ କାର୍ଯ୍ୟ କରନ୍ତି । ପରୀକ୍ଷା ପୂର୍ବରୁ ଦୈନିକ ସେ ୮ରୁ ୧୦ ଘଣ୍ଟା ପରିଶ୍ରମ କରୁଥିଲେ । ଏହାସହ ୩୦ରୁ ୪୦ ମିନିଟ ଟେବୁଲ ଟେନିସ ଖେଳୁଥିଲେ । ତେବେ ସେ ଦ୍ୱିତୀୟ ଥର ବିଫଳ ହେବା ପରେ ତୃତୀୟ ପ୍ରୟାସରେ ୟୁପିଏସସିରେ କୃତକାର୍ଯ୍ୟ ହୋଇଥିବାରୁ ଖୁସି ଲାଗୁଥିବା କହିଛନ୍ତି ।  

ସୂଚନାଯୋଗ୍ୟ, ଆପାଲାଙ୍କ ପିତା ଅମିତାଭ ମିଶ୍ର ଭାରତୀୟ ସେନା ବାହିନୀରେ କାର୍ଯ୍ୟ କରନ୍ତି । ତାଙ୍କ ଭାଇ ଅରିକ ଜଣେ ମେଜର ।  ସେହିପରି ତାଙ୍କ ମାଆ ଆଲପାନା ମିଶ୍ର ଦିଲ୍ଲୀ ବିଶ୍ୱବିଦ୍ୟାଳୟରେ ଅଧ୍ୟାପିକା ଭାବେ କାର୍ଯ୍ୟରତ୍ତ । ଆପାଲା ଡେରାଡୁନରେ ସ୍କୁଲ ଶିକ୍ଷା ସମାପ୍ତ କରିବା ପରେ ଦିଲ୍ଲୀରେ ଏକାଦଶ ଓ ଦ୍ୱାଦଶ ପଢିଥିଲେ । ଏହାପରେ ସେ ବିଡିଏସ ପାଠ୍ୟକ୍ରମରେ ନାମ ଲେଖାଇଥିଲେ । ଏହାସହ ସିଭିଲ ସର୍ଭିସ ପାଇଁ ପ୍ରସ୍ତୁତ ହେଉଥିଲେ ।

   Related Posts