Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉଦଳା : ଖାକି ଉପରେ ଖାକିର ଜୁଲମ୍, ବିଚ୍ ରାସ୍ତାରେ ଏସଆଇଙ୍କୁ ଆକ୍ରମଣ କଲେ ଜେଲ୍ ଓ୍ୱାର୍ଡର
  • ||
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ, ୩୪୩୨ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୫୩୫ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଗାଜା ଉପରେ ଇସ୍ରାଏଲର ପୁଣି ରକେଟ୍ ଆକ୍ରମଣ, ଭାଙ୍ଗିଲା ଅସ୍ତ୍ରବିରତି ରାଜିନାମା
  • ||
  • ମର୍ମନ୍ତୁଦ ଦୁର୍ଘଟଣା : ଟ୍ରଲରକୁ ପଛପଟୁ ପିଟିଲା ପିକ୍‌ଅପ୍‌ ଭ୍ୟାନ୍‌, ୨ ମୃତ
  • ||

ଅଜଣା ନମ୍ବରରୁ ଫୋନ ଆସିଲା , ମ୍ୟାନେଜରଙ୍କ ନାଁ କହି ଛାତ୍ର ଠାରୁ ନେଲେ ବ୍ୟାଙ୍କ ଖାତାର ବିବରଣୀ, ଉଠାଇନେଲେ ୯୦ ହଜାର ଟଂକା

30/12/2018 at 7:58 PM

ଡ଼େରାଡ଼ୁନ ୩୦/୧୨- ବ୍ୟାଙ୍କରେ ଖାତା ଅଛି କି ? ତା ହେଲେ ଧ୍ୟାନ ଦିଅନ୍ତୁ ଏହିସବୁ କଥାପ୍ରତି । ଆପଣଙ୍କୁ କେହି ଅଜଣା ନମ୍ବରରୁ ଫୋନ କରି ବ୍ୟାଙ୍କଖାତାର ବିବରଣୀ ମାଗୁଛନ୍ତି କି  ? ଯଦି କେହି ମାଗୁଛନ୍ତି , ତାହେଲେ ସତର୍କଥାନ୍ତୁ , ନ ହେଲେ ଖାତାରୁ ବି ଚୋରି ହୋଇପାରେ ଆପଣଙ୍କ ଜମାରାଶି ।

ଏହିଭଳି ଘଟଣା ଘଟିଛି ଜଣେ ଛାତ୍ରଙ୍କ କ୍ଷେତ୍ରରେ । ଡ଼େରାଡ଼ୁନର କାଲସା ଅଂଚଳରେ ଜଣେ ସ୍ନାତକ ଛାତ୍ରଙ୍କ ଠାରୁ ହୋଇଛି ଠକେଇ ।

ଡ଼େରାଡ଼ୁନର ତିମୁର ଏକାଡ଼େମୀରେ ସ୍ନାତକ ପଢ଼ୁଥିଲା ସ୍ଵରାଜ । ଡ଼ିସେମ୍ବର ୨୧ ତାରିଖରେ ଅଜଣା ଫୋନ କଲ୍ ଆସିଥିଲା । ସେ ବ୍ୟାଙ୍କ ମ୍ୟାନେଜର ଅମିତ ମିଶ୍ରା କହୁଛନ୍ତି ବୋଲି କହିଥିଲା । ସେ ବ୍ୟବହାର କରୁଥିବା ଏଟିମ କାର୍ଡ଼ର ବୈଧତା ୨୦୧୯ ମସିହା ମାର୍ଚ୍ଚମାସରେ ସରିଯାଉଥିବା କଥା କହିଥିଲେ । ତେଣୁ ତାଙ୍କର ବ୍ୟାଙ୍କ ଖାତାର ସଂପୂର୍ଣ୍ଣ ବିବରଣୀ ମାଗିଥିଲେ । ସ୍ଵରାଜ ଏହିକଥାକୁ ବିଶ୍ଵାସ କରି ନିଜର ବ୍ୟାଙ୍କ ଖାତାର ବିବରଣୀ ପ୍ରଦାନ କରିଥିଲା । ହଠାତ ଘଣ୍ଟାଏ ପରେ  ମୋବାଇଲକୁ ମେସେଜ ଆସିଲା ୯୦ ହଜାର ଟଂକା ତା ବ୍ୟାଙ୍କଖାତାରୁ କଟିଯାଇଛି ।

ପୋଲିସକୁ ଏତାଲା ଦେବା ସମୟରେ ସ୍ଵରାଜ କହିଛନ୍ତି- ଅମିତ ମିଶ୍ରା ନାମକ ବ୍ୟକ୍ତି ତାଙ୍କୁ ବାରମ୍ବାର ଫୋନ କରୁଥିଲା । ବ୍ୟାଙ୍କଖାତାର ବିବରଣୀ ପାଇବାପରେ ଫୋନ ଆଉ ଲାଗୁନାହିଁ । ପୋଲିସ ଏହି ମାମଲାକୁ ବିଚାରକୁ ନେଇ ତଦନ୍ତ ଚଲାଇଛି ।

ଯଦି ଆପଣଙ୍କ ପାଖକୁ କେଉଁ ଅଜଣା ନମ୍ବରରୁ ଫୋନ ଆସୁଛି ଓ ଅଜଣାବ୍ୟକ୍ତି ବ୍ୟାଙ୍କର ସଂପୂର୍ଣ୍ଣ ବିବରଣୀ ମାଗୁଛି । ତା ହେଲେ ଆଦୌ ଏଭଳି ଭୁଲ କରନ୍ତୁ ନାହିଁ ।

   Related Posts