ବ୍ରହ୍ମପୁର ୨୩।୧୦- ଗଞ୍ଜାମରେ ଏକ ବିଦ୍ୟାଳୟରେ ଅଶରୀରଙ୍କ ଉତ୍ପାତ ବିଷୟରେ ଖବର ପ୍ରକାଶିତ ହୋଇଛି । ଭୂତ ପ୍ରେତଙ୍କ ପ୍ରଭାବରେ ଅନେକ ଅସୁସ୍ଥ ହୋଇଥିବା ଦାବି କରାଯାଇଛି । ଗଞ୍ଜାମରେ ଲୋକଙ୍କ ମନରେ ଭୂତ ଓ ପ୍ରେତଙ୍କ ପ୍ରତି ଭୟର ବାତାବରଣ ସୃଷ୍ଟି ହେଉଥିବାରୁ ଏହାକୁ ଦୂର କରିବା ପାଇଁ ଗଞ୍ଜାମ ଜିଲ୍ଲାପାଳ ଉଦ୍ୟମ ଆରମ୍ଭ କରିଛନ୍ତି ।
ବିଭିନ୍ନ ସମୟରେ ଲୋକ ଅନ୍ଧ ବିଶ୍ୱାସର ବଶବର୍ତ୍ତୀ ହୋଇ ଗୁଣିଆଙ୍କର ସାହାଯ୍ୟ ନେଇଥାଆନ୍ତି ଲୋକଙ୍କୁ ଏହି ଅନ୍ଧ ବିଶ୍ୱାସରୁ ଦୂରେଇବା ପାଇଁ ଗଞ୍ଜାମ ଜିଲ୍ଲାପାଳ ଏକ ଘୋଷଣା କରିଛନ୍ତି ।
ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ଯିଏ ଭୂତ ଦେଖାଇ ଦେଇ ପାରିବ ବା ତାହାର କିଛି ପ୍ରମାଣ ଦେଇ ପାରିବ ତାକୁ ୫୦ ହଜାର ଟଙ୍କା ପୁରସ୍କାର ଦେବେ ବୋଲି ଘୋଷଣା କରିଛନ୍ତି । ନିଶ୍ଚିତ ଭାବେ ଜିଲ୍ଲାପାଳଙ୍କର ଏହି ପଦକ୍ଷେପ ପ୍ରଶଂସନୀୟ ।
