Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୮ କରୋନା ସଂକ୍ରମିତଙ୍କ ମୃତ୍ୟୁ, ୧୨ଶହ ଅତିକ୍ରମ କଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୭୯୩ କରୋନା ସଂକ୍ରମିତ, ୨୭୭୮୮୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • କେନ୍ଦ୍ରାପଡାରେ ଘରେ ପଶି ଲୁଟିଲେ, କଟୁରୀରେ ହାଣି ଖସିଗଲେ, ସ୍ବାମୀ-ସ୍ତ୍ରୀ ଗୁରୁତର
  • ||
  • ବାଲେଶ୍ବର ମୁଖ୍ୟ ଯୋଗାଣ ଅଧିକାରୀଙ୍କ ଅଫିସ୍‌ରୁ ଜବତ ହେଲା ୯ଟି ଟଙ୍କା ଭର୍ତ୍ତି ଲଫାପା, ବାନ୍ଧିନେଲା ଭିଜିଲାନ୍ସ
  • ||
  • ପାଟଣାରେ ଭାରସାମ୍ୟ ହରାଇ ପଥରରେ ପିଟି ହେଲା ବାଇକ୍, ଘଟଣାସ୍ଥଳରେ ଚାଳକଙ୍କ ମୃତ୍ୟୁ
  • ||
  • ବାଲିଅନ୍ତାରେ ଜୁଆ ଆଡ୍ଡା ଉପରେ ଚଢାଉ, ୩ ଗିରଫ
  • ||
  • ଚାନ୍ଦବାଲିରେ ଟ୍ରେନ୍ ଲାଇନ୍‌ରୁ ମିଳିଲା ନାବାଳକଙ୍କ ମୃତଦେହ
  • ||
  • ପୁରୀରେ ୪ ବ୍ରାଉନସୁଗାର ବେପାରୀ ଗିରଫ, ୫.୩୨ ଗ୍ରାମ୍ ବ୍ରାଉନସୁଗାର ଜବତ
  • ||
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଷ୍ଟାଫ୍‌ନର୍ସ ମୌସୁମୀ ମିଶ୍ରଙ୍କ ସନ୍ଦେହଜନକ ମୃତ୍ୟୁ, ସହକର୍ମୀ କହିଲେ, ‘ତାଙ୍କୁ ହତ୍ୟା କରାଯାଛି’
  • ||

ଅନୁଷ୍କା ଶର୍ମାଙ୍କୁ ଲିଗାଲ ନୋଟିସ : ୱେବ୍ ସିରିଜ ‘ପାତାଲଲୋକ’ରେ ଜାତିବାଦକୁ ଗାଳି କରିଥିବା ଅଭିଯୋଗ

21/05/2020 at 12:33 PM

ମୁମ୍ବାଇ ୨୧/୦୫ : ଏକ ପ୍ରମୁଖ ଓଟିଟି ପ୍ଲାଟଫର୍ମରେ ଷ୍ଟ୍ରିମ ହୋଇଥିବା ୱେବ୍ ସିରିଜ ‘ପାତାଲଲୋକ’ କୁ ନେଇ ବିବାଦ ସୃଷ୍ଟି ହୋଇଛି | ବିବାଦ ପରେ ଶୋ’ର ନିର୍ମାତା ଅନୁଷ୍କା ଶର୍ମାଙ୍କୁ ଆଇନଗତ ନୋଟିସ ଜାରି କରାଯାଇଛି | ୱେବ୍ସ ସିରିଜରେ ବ୍ୟବହାର ହୋଇଥିବା ଏକ ଶବ୍ଦକୁ ନେଇ ବିବାଦ ଆରମ୍ଭ ହୋଇଛି | ଏହାକୁ ନେପାଳୀ ସମ୍ପ୍ରଦାୟ ନିଜ ପାଇଁ ଅପମାନଜନକ ବୋଲି ଦର୍ଶାଇଛନ୍ତି |

ମେ ୧୮ ତାରିଖରେ ଲୟର୍ସ ଗିଲଡ଼ଙ୍କ ଜଣେ ସଦସ୍ୟ ବୀରେନଶ୍ରୀ ଅନୁଷ୍କାଙ୍କୁ ଏହି ନୋଟିସ ପଠାଇଥିଲେ | ତାଙ୍କ କହିବାନୁଯାୟୀ, ଶୋ’ରେ ଏକ ଦୃଶ୍ୟରେ ମହିଳା ପୋଲିସକର୍ମୀ ଥାନାରେ ନେପାଳୀ ବ୍ୟକ୍ତିଙ୍କୁ ପଚରାଉଚୁରା କରୁଥିବା ସମୟରେ ଜାତିସୁଚକ ଶବ୍ଦ ସହ ଅସଭ୍ୟ ଭାଷାରେ ଗାଳିଗୁଲଜ କରିଥିଲେ | ଏହା ସମ୍ପୂର୍ଣ ଭୁଲ | 

ବୀରେନଶ୍ରୀ କହିଛନ୍ତି ଯେ, ନେପାଳୀ ଶବ୍ଦକୁ ନେଇ ତାଙ୍କର କୌଣସି ଆପତ୍ତି ନାହିଁ କିନ୍ତୁ ଏହାପରେ ଯେଉଁ ଅସଭ୍ୟ ଭାଷା ବ୍ୟବହାର କରାଯାଇଛି ତାହା ସ୍ୱୀକାର ଯୋଗ୍ୟ ନୁହେଁ | ସେଥିପାଇଁ ଶୋ’ର ୪ ଜଣ ପ୍ରଯୋଜକଙ୍କ ମଧ୍ୟରୁ ଜଣେ ଅନୁଷ୍କାଙ୍କୁ ସେ ନୋଟିସ ପଠାଇଛନ୍ତି | ତେବେ ଏ ପର୍ଯ୍ୟନ୍ତ ଅନୁଷ୍କା କିମ୍ବା ତାଙ୍କ ଟିମ ତରଫରୁ କୌଣସି ଜବାବ ଆସିନଥିବା ସେ କହିଛନ୍ତି | ସେଥିପାଇଁ ଏହି ମାମଲାକୁ ନେଇ ସେ ବର୍ତ୍ତମାନ ଅମାଜନ ସହ କଥାବାର୍ତ୍ତା ହେବେ ବୋଲି କହିଛନ୍ତି |

ଏହି ମାମଲାରେ ଗୋର୍ଖା ସମ୍ପ୍ରଦାୟ ମଧ୍ୟ କେନ୍ଦ୍ରୀୟ ସୂଚନା ଓ ପ୍ରସାରଣ ମନ୍ତ୍ରାଳୟ ତରଫରୁ ଏବଂ ଏହି ବିଭାଗର ମନ୍ତ୍ରୀ ପ୍ରକାଶ ଜାଭେଡ଼କର, ଅମାଜନ ପ୍ରାଇମ ଭିଡିଓ ଓ ଅନୁଷ୍କା ଶର୍ମାଙ୍କ ନାଁରେ ଏକ ଅନଲାଇନ ଆବେଦନ ଆରମ୍ଭ କରି ସେହି ଆପତ୍ତିଜଣଙ୍କ ଶବ୍ଦକୁ ମ୍ୟୁଟ କରିବାକୁ, ସବଟାଇଟଲକୁ ବ୍ଲର କରିବାକୁ ଏବଂ ଏକ ମାଫିନାମା ଜାରି କରିବାକୁ ଦାବି କରିଛନ୍ତି | ଏହାସହ ସେହି ଏପିସୋଡକୁ ହଟାଇ ସଂଶୋଧନ ଏପିସୋଡ ଅପଲୋଡ଼ କରିବାକୁ ମଧ୍ୟ ଦାବି କରିଛନ୍ତି |

ପାତାଲଲୋକ ପ୍ରମୁଖ ଓଟିଟି ପ୍ଲାଟଫର୍ମରେ ଅମାଜନ ପ୍ରାଇମରେ ଗତ ମେ ୧୫ ତାରିଖରେ ଷ୍ଟ୍ରିମ ହୋଇଥିଲା | ଏହି ୱେବ୍ ସିରିଜରେ ଜୟଦୀପ ଅହଲାଵଟ, ଗୁଲ ପନାଗ, ନିରାଜ କାବି, ଅଭିଷେକ ବାନାର୍ଜୀ, ସ୍ୱସ୍ତିକା ମୁଖାର୍ଜୀ ମୁଖ୍ୟ ଭୂମିକାରେ ଅଭିନୟ କରିଛନ୍ତି |

   Related Posts