ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜେଲରୁ ମୁକୁଳିବେ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ହତ୍ୟାକାରୀ, ସୁପ୍ରିମକୋର୍ଟ ଦେଲେ ନିର୍ଦ୍ଦେଶ
  • ||
  • ରାଜ୍ୟରେ ଖସୁଛି କରୋନା, ୨୪ ଘଣ୍ଟାରେ ବାହାରିଲେ ୧୩ ପଜିଟିଭ୍
  • ||
  • ଦେବଗଡ଼ : ଭୁଲିଗଲା ସଂପର୍କ, ମଦ୍ୟପ ବାପାର କଟୁରୀ ଚୋଟରେ ପୁଅ ମୃତ
  • ||
  • ଗଞ୍ଜାମ: ତାରାତାରିଣୀଙ୍କ ପୀଠରେ ନୂତନ ମନ୍ଦିର ପ୍ରତିଷ୍ଠା ଉତ୍ସବ, ଯୋଗଦେବେ ମୁଖ୍ୟମନ୍ତ୍ରୀ
  • ||
  • ପୁରୀ : ରଥଯାତ୍ରା ପାଇଁ ଚଳଚଞ୍ଚଳ ରଥଖଳା, ଚକ ନିର୍ମାଣରେ ବ୍ୟସ୍ତ ମୁଖ୍ୟ ବିଶ୍ୱକର୍ମା
  • ||
  • ଉଦଳା: ପ୍ରେମିକାକୁ ଦେଖାକରିବାକୁ ଯାଇଥିଲେ ପ୍ରେମିକ ଧରାପଡିଗଲେ, ଦେଖାଇଲେ ବନ୍ଧୁକ
  • ||

ଅନୁଷ୍କା-ଆୟଶାଙ୍କ ମଧ୍ୟରେ ଝଗଡା ଯୋଗୁଁ ଟିମ୍‌ରୁ ବାହାରିଲେ ଶିଖର ଧାଓ୍ବନ ?

6/10/2018 at 1:13 PM

ମୁମ୍ବାଇ ୬|୧୦:  ଇଂଲଣ୍ଡରେ ଟେଷ୍ଟ ସିରିଜ୍ ହାରିବା ପରେ ଭାରତୀୟ କ୍ରିକେଟ୍ ଟିମ୍ ଏବେ ଘରୋଇ ମାଟିରେ ଓ୍ବେଷ୍ଟଇଣ୍ଡିଜ୍ ସହ ମୁକାବିଲା କରୁଛି । କିଛି ଦିନ ହେବ ଏମିତି ଖବର ଶୁଣିବାକୁ ମିଳୁଛି ଯେ, ଭାରତୀୟ କ୍ରିକେଟ୍ ଟିମ୍ ରେ ଖେଳାଳୀମାନଙ୍କ ମଧ୍ୟରେ ବିବାଦ ଲାଗିରହିଛି । କେତେବେଳେ କୋଚ୍-ଅଧିନାୟକ ବିବାଦ ତ କେତେବେଳେ ଅଧିନାୟକ ପଦକୁ ନେଇ ବିବାଦ ।ପୁଣି ଆଉ କେତେବେଳେ ଖେଳାଳି ଚୟନକୁ ନେଇ ବିବାଦ ଥିବା ଖବର ଜୋର୍ ଧରୁଛି ।

ଏକ ଖବର ଅନୁସାରେ ଭାରତୀୟ ଦଳର କେତେକ ସିନିୟର ଖେଳାଳୀ ବିରାଟ କୋହଲି ଏବଂ ଟିମ୍ ମ୍ୟାନେଜମେଣ୍ଟକୁ ନେଇ ଖୁସି ନାହାନ୍ତି । ପୂର୍ବରୁ ରୋହିତ ଶର୍ମା ଇନଷ୍ଟାଗ୍ରାମ ଏବଂ ଟ୍ବିଟରରେ ବିରାଟ କୋହଲିଙ୍କୁ ଅନଫଲୋ କରିବା ଏବଂ ଏବେ ଶିଖର ଧାଓ୍ବନଙ୍କୁ ଟିମ୍ ରୁ ବାହାର କରିବା ଏହି ଖବରକୁ ଆହୁରି ସ୍ପଷ୍ଟ କରୁଛି ।

ଖବର ଅନୁସାରେ ଇଂଲଣ୍ଡ ଗସ୍ତ ବେଳେ ବିରାଟଙ୍କ ପତ୍ନୀ ଅନୁଷ୍କା ଶର୍ମା ଏବଂ ଶିଖରଙ୍କ ପତ୍ନୀ ଆୟଶା ମୁଖାର୍ଜୀଙ୍କ ମଧ୍ୟରେ ପାଟିତୁଣ୍ଡ ହୋଇଯାଇଥିଲା । ଅନୁଷ୍କା ଆୟଶାଙ୍କୁ ତାଙ୍କ ପରିବାରକୁ ନେଇ କିଛି କଥା କହିଥିଲେ । ସେଠାରୁ ହିଁ ଉଭୟଙ୍କ ମଧ୍ୟରେ ଝଗଡା ଆରମ୍ଭ ହୋଇଥିଲା । ଏହା ପରେ ପରେ ହିଁ ଶିଖର ଦଳରୁ ବାଦ ପଡିବା ନେଇ ଚର୍ଚ୍ଚା ଆରମ୍ଭ ହୋଇଥିଲା । ଯଦିଓ ଇଂଲଣ୍ଡ ଟେଷ୍ଟ ସିରିଜ୍ ବ୍ୟତୀତ ଏସିଆ କପ୍ ରେ ଶିଖରଙ୍କ ପ୍ରଦର୍ଶନ ଭଲ କରିଥିଲେ । ଅପରପକ୍ଷରେ ଏସିଆ କପ୍ ରେ ବିରାଟ କୋହଲି ଖେଳି ନଥିଲେ ।

ଟିମ୍ ର ବିଭିନ୍ନ ବୈଠକ ଏବଂ କାର୍ଯ୍ୟକ୍ରମରେ ଅନୁଷ୍କା ଶର୍ମା ସାମିଲ ହେଉଥିବା ଦେଖିବାକୁ ମିଳୁଛି। ଏମିତି ମଧ୍ୟ ଶୁଣିବାକୁ ମିଳୁଛି ଯେ ଏହାକୁ କେତେକ ଖେଳାଳୀ ପସନ୍ଦ କରୁନାହାନ୍ତି । କିଛି ଦିନ ହେବ ବିରାଟ କୋହଲିଙ୍କୁ ନେଇ ଟିମ୍ ରେ ବିବାଦ ଲାଗିରହିଥିବା ଖବର ଶୁଣିବାରୁ ମିଳୁଛି ।  ଏହାର ପ୍ରତିଫଳନ ସୋସିଆଲ ମିଡିଆରେ ମଧ୍ୟ ଦେଖିବାକୁ ମିଳୁଛି । ଏବେ ଏମିତି ମଧ୍ୟ ଶୁଣିବାକୁ ମିଳୁଛି ଯେ ଅନୁଷ୍କା ଏବଂ ଆୟଶା ଦୁହେଁ ଦୁହିଁଙ୍କୁ ଇନଷ୍ଟାଗ୍ରାମରେ ଫଲୋ କରିବା ବନ୍ଦ କରିଦେଇଛନ୍ତି ।

   Related Posts