Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||
  • ଭୁବନେଶ୍ବର : DRDO ତଥ୍ୟ ଲିକ୍ ମାମଲାରେ କ୍ରାଇମବ୍ରାଞ୍ଚ ହାତରେ ନୂଆ ତଥ୍ୟ, ଦୁବାଇ ଲୁଲୁ ଇଣ୍ଟରନ୍ୟାସନାଲ୍ ଏଜେନ୍ସିରୁ ଆସିଥିଲା ଟଙ୍କା
  • ||

EC ଙ୍କ ନିର୍ଦ୍ଦେଶ ମାନିବନି ବିଜେପି ! ଦିଲ୍ଲୀରେ ପ୍ରଚାର କରିବେ ଅନୁରାଗ ଠାକୁର ଓ ପରବେଶ ବର୍ମା

29/01/2020 at 5:35 PM

ନୂଆଦିଲ୍ଲୀ ୨୯/୦୧ –  ଦିଲ୍ଲୀ ବିଧାନସଭା ନିର୍ବାଚନ ପ୍ରଚାରରେ ବିଜେପିର ଷ୍ଟାର କ୍ୟାମ୍ପେନର ତାଲିକାରୁ ଅନୁରାଗ ଠାକୁର ଏବଂ ପରବେଶ ବର୍ମାଙ୍କ ନାମ ବାଦ ଦେବାକୁ ନିର୍ବାଚନ କମିଶନ (EC) ନିର୍ଦ୍ଦେଶ ଦେଇଛନ୍ତି। କିନ୍ତୁ ତାକୁ ମାନିବନି ବିଜେପି । ଦିଲ୍ଲୀରେ ଦଳୀୟ ପ୍ରାର୍ଥୀଙ୍କ ସପକ୍ଷରେ ପ୍ରଚାର ଜାରି ରଖିବେ କେନ୍ଦ୍ରମନ୍ତ୍ରୀ ଅନୁରାଗ ଠାକୁର ଏବଂ ସାଂସଦ ପରବେଶ ବର୍ମା । ଦିଲ୍ଲୀର ବିଜେପି ମିଡିଆ ସେଲ୍ ମୁଖ୍ୟ ଅଶୋକ ଗୋଏଲ ଏହା କହିଛନ୍ତି ।

 ଇସିଙ୍କ ନିର୍ଦ୍ଦେଶର ତର୍ଜମା କରି ଅଶୋକ ଗୋଏଲ ଦଳୀୟ ନେତା ଅନୁରାଗ ଠାକୁର ଏବଂ ପରବେଶ ବର୍ମାଙ୍କ ସପକ୍ଷରେ ଯୁକ୍ତି ରଖିଛନ୍ତି । କହିଛନ୍ତି, ଇସି କେବଳ ଷ୍ଟାର କ୍ୟାମ୍ପେନର ତାଲିକାରୁ ଅନୁରାଗ ଠାକୁର ଏବଂ ପରବେଶ ବର୍ମାଙ୍କ ନାମ କାଟିଦେବାକୁ କହିଛନ୍ତି । ପ୍ରଚାରରୁ ବାଦ ପଡିବା କଥା କହିନାହାନ୍ତି କିମ୍ବା ତାଙ୍କ ଦଳୀୟ ପ୍ରାର୍ଥୀଙ୍କ ଲାଗି ସେମାନଙ୍କ ପ୍ରଚାର ଉପରେ ବ୍ରେକ୍ ଲଗାଇ ନାହାନ୍ତି ।

ନିର୍ବାଚନ କମିସନ ତାଙ୍କ ନିର୍ଦ୍ଦେଶ ଜାରି କରିବାର କିଛି ସମୟ ପରେ , ଦୁଇ ଷ୍ଟାର କ୍ୟାମ୍ପେନରଙ୍କ ପ୍ରଚାର ତରିକା ଉପରେ କହିଛନ୍ତି ଅଶୋକ ଗୋଏଲ । ସେ  କହିଛନ୍ତି, କ୍ଷମତାପ୍ରାପ୍ତ ବା ଘୋଷିତ ଷ୍ଟାର କ୍ୟାମ୍ପେନର ଏବଂ  ଅନ୍ୟ ପ୍ରଚାରକଙ୍କ ମଧ୍ୟରେ ନିର୍ବାଚନ ଖର୍ଚ୍ଚକୁ ନେଇ ଫରକ ରହିଛି । ଷ୍ଟାର କ୍ୟାମ୍ପେନରଙ୍କ ଯାତାୟତ ଖର୍ଚ୍ଚ, ବିମାନ ବା ହେଲିକପ୍ଟର ଖର୍ଚ୍ଚ ଆଦି ଦଳର ନିର୍ବାଚନକର୍ଚ୍ଚରେ ହିସାବ କରାଯାଇଥାଏ । କିନ୍ତୁ ଅନ୍ୟ ପ୍ରଚାରକଙ୍କ ଖର୍ଚ୍ଚ ନିର୍ଦ୍ଦିଷ୍ଟ ଆଧାରରେ ପ୍ରାର୍ଥୀଙ୍କ ପ୍ରଚାର ଖର୍ଚ୍ଚ ସହ ହିସାବ କରାଯାଇଥାଏ । ଏହି ଆଧାରର ବା ଯୁକ୍ତି ବଳରେ ଅନୁରାଗ ଏବଂ ପରବେଶଙ୍କୁ ଦଳୀୟ ପ୍ରାର୍ଥୀଙ୍କ ସପକ୍ଷରେ ପ୍ରଚାରରେ ଲଗାଇବ ବିଜେପି ।

.ଅନୁରାଗ ଠାକୁର ଏବଂ ପରବେଶ ବର୍ମା ସେମାନଙ୍କ ବିବାଦୀୟ ବୟାନ ଲାଗି ଇସିଙ୍କ ଆକ୍ସନର ସମ୍ମୁଖୀନ ହୋଇଛନ୍ତି । ଦିଲ୍ଲୀର ସାହୀନ ବାଗ୍‌ରେ ଆନ୍ଦୋଳନରେ ବସିଥିବା ସିଏଏ ବିରୋଧୀଙ୍କ ବିରୋଧରେ କଟୁ ମନ୍ତବ୍ୟ ଦେଇଥିଲେ ପରବେଶ ବର୍ମା । ସେ କହିଥିଲେ, ସେମାନେ ଘରେ ପଶି ଦୁଷ୍କର୍ମ ସହ ଲୋକଙ୍କୁ ହତ୍ୟା କରିବେ । କେବଳ ବିଜେପି ଫେବୃଆରୀ ୮ ନିର୍ବାଚନ ଜିତିବା ପରେ ହିଁ ସେମାନଙ୍କୁ ରୋକି ପାରିବ । ଏହି ମନ୍ତବ୍ୟ ଇସିଙ୍କୁ ଆକ୍ସନନେବାକୁ ବାଧ୍ୟ କରିଛି । ସେପଟେ ଅନୁରାଗ ଠାକୁର ତାଙ୍କ ଭାଷଣରେ …ଦେଶ ବିରୋଧୀଙ୍କୁ  ଗୁଳି ମାର ଭଳି କଥା କହିଥିଲେ । ଅଥିଲାଗି ଦୁଇ ନେତାଙ୍କୁ ଇସି ନୋଟିସ ମଧ୍ୟ କରିଥିଲେ  । ଏବେ ସେମାନଙ୍କୁ ବିଜେପିର ଷ୍ଟାର କ୍ୟାମ୍ପେନର ତାଲିକାରୁ ବାଦ ଦିଆଯାଇଛି ।

   Related Posts