Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗହଣା ଦୋକାନରୁ ଚୋରି, ଛାତ କଣା କରି ଲୁଟିନେଲେ ୨ କିଲୋର ସୁନା ଅଳଙ୍କାର
  • ||
  • ସାରୁଅ ଜମି କେଳେଙ୍କାରୀ : ଓଡିଶା ଇନଫ୍ରାଟେକ୍‌ର ଦୁଇ କର୍ମଚାରୀ ଗିରଫ, ଶ୍ରମିକଙ୍କୁ ଧମକ ଅଭିଯୋଗରେ ବାନ୍ଧିଲା ବାଘମାରୀ ପୋଲିସ
  • ||
  • IPL 2020: ବୁମରା ଓ ବୋଲ୍ଟଙ୍କ ଶାଣିତ ବୋଲିଂ ପରେ ଇଶାନଙ୍କ ଅର୍ଦ୍ଧଶତକ, ୯ ଓ୍ଵିକେଟ୍‌ରେ ଜିତିଲା ମୁମ୍ବାଇ ଇଣ୍ଡିଆନ୍ସ, ଦିଲ୍ଲୀର କ୍ରମାଗତ ଚତୁର୍ଥ ପରାଜୟ
  • ||
  • ଭୁବନେଶ୍ୱର : ଆସିଲା ଅନଲକ୍ ୬.୦ ଗାଇଡ଼ଲାଇନ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ୧୪୭୦ କରୋନା ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ୧୬ତାରିଖରେ ଖୋଲିବ ସ୍କୁଲ, ନବମରୁ ଦ୍ୱାଦଶ ଶ୍ରେଣୀ ଯାଏଁ ପିଲା ପଢିବାକୁ ଆସିବେ
  • ||
  • ଝରକା ତାଡ଼ି ବ୍ୟାଙ୍କରୁ ଲୁଟ୍ ! ପୋଲିସର ତଦନ୍ତ ଜାରି
  • ||
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||
  • ସାଲେପୁର : ଟ୍ରକକୁ ଧକ୍କାଦେଲା ଆଉ ଏକ ଟ୍ରକ, ଜଣେ ମୃତ
  • ||

ପୂର୍ବତନ ବିଧାୟକ ଅନୁପ ସାଏଙ୍କୁ ଜେଲ୍‌ ପଠାଇବା ପରେ ଏବେ ପୋଲିସ୍ କବଜାରେ ଅନୁପଙ୍କ ଡ୍ରାଇଭର

15/02/2020 at 5:37 PM

ରାୟଗଡ଼ ୧୫/୨: ୨୦୧୬ ଡବଲ ମର୍ଡ଼ର ଘଟଣାରେ ପୂର୍ବତନ ବିଧାୟକ ଅନୁପ ସାଏଙ୍କୁ ଜେଲ୍‌ ପଠାଇବା ପରେ ତାଙ୍କ ଡ୍ରାଇଭର ବର୍ଦ୍ଧନ ଟପ୍ପୋ କୁ ଉଠାଇ ନେଇଛି ଛତିଶଗଡ଼ ପୋଲିସ । ଗତକାଲି ବିଳମ୍ବିତ ରାତିରେ ବ୍ରଜରାଜ ନଗର ବଘରାଚକା ଘରୁ ବର୍ଦ୍ଧନକୁ ଛତିଶଗଡ଼ ଚକ୍ରଧରନଗର ଥାନାର ଏକ ୬ଜଣିଆ ପୋଲିସ ଟିମ୍‌ ଉଠାଇ ନେଇଛନ୍ତି । ଏହି ମାମଲାରେ ଅନୁପଙ୍କ ଡ୍ରାଇଭର ବର୍ଦ୍ଧନ ଅନ୍ୟତମ ଅଭିଯୁକ୍ତ ବୋଲି ପୋଲିସ କହିଥିବା ବେଳେ ସେପଟେ ବର୍ଦ୍ଧନର କହିବା କଥା ସେ ନିର୍ଦୋଷ । ସେପଟେ ଏଭଳି ଏକ ଘଟଣାରେ ଅନୁପଙ୍କ ଗିରଫଦାରିକୁ ନେଇ ତେଜିଛି ରାଜନୀତି । ….

ଅନୁପ ସାଏଙ୍କୁ ଜେଲ୍‌ ପଠାଇବା ପରେ ଡ୍ରାଇଭର ବର୍ଦ୍ଧନ ଟପ୍ପୋ ମୁଣ୍ଡରେ ପଞ୍ଝା ମାରିଛି ଛତିଶଗଡ଼ ପୋଲିସ । ଗତକାଲି ବିଳମ୍ବିତ ରାତିରେ ବ୍ରଜରାଜ ନଗର ବଘରାଚକା ଘରୁ ବର୍ଦ୍ଧନକୁ ଉଠାଇ ନେଇଛି ଛତିଶଗଡ଼ ଚକ୍ରଧରନଗର ଥାନାର ଏକ ୬ଜଣିଆ ପୋଲିସ ଟିମ୍‌ । ୨୦୧୬ ମେ’ ୬ରେ  ଖୋଦ୍‌ ଅନୁପ ସାଏ ଓ ତାଙ୍କ ଡ୍ରାଇଭର କଳ୍ପନା ଦାଶ ଓ ତାଙ୍କ ଝିଅ ପ୍ରଭାତୀ ଦାଶଙ୍କୁ ଲୁହାରଡ଼ରେ ପିଟି ନିର୍ମମ ହତ୍ୟା କରିବା ପରେ ଗାଡ଼ି ଚଢ଼ାଇ ପରିଚୟ ନଷ୍ଟ କରିବାକୁ ଚେଷ୍ଟା କରିଥିଲେ ବୋଲି ପୋଲିସ କହିଥିବା ବେଳେ ସେପଟେ ବର୍ଦ୍ଧନ କହୁଛି ସେ କୁଆଡ଼େ ନିର୍ଦୋଷ ।

ପୋଲିସ ବର୍ଦ୍ଧନ ଟପ୍ପୋକୁ ପଚରା ଉଚରା ଚଳାଇଛି । ସେପଟେ ଏହି ମାମଲାରେ ସଂଦେହ ଘେରକୁ ଆସିଛନ୍ତି ମୃତ କଳ୍ପନା ଦାଶଙ୍କ ବାପା ରୁଦ୍ରାକ୍ଷ ଦାଶ । ଜଣେ ବାପା ହିସାବରେ ୨୦୧୬ ମେ’ ରୁ ସେ ଦୀର୍ଗ ଦିନ ଧରି  ଝିଅ ଓ ନାତୁଣୀର ଖୋଜଖବର କାହିଁକି ନେଇନଥିଲେ ଏବଂ ସେମାନଙ୍କ ନିଖୋଜ୍‌ ସମ୍ପର୍କରେ କାହିଁକି ଥାନାରେ ଅଭିଯୋଗ କରିନଥିଲେ ତାକୁ ନେଇ ଉଠିଛି ପ୍ରଶ୍ନ । ଅନୁପ ସାଏଙ୍କ ଗରିଫଦାରୀ ପରେ ଆମେ କଳ୍ପନାଙ୍କ ବାପାଙ୍କୁ ଖୋଜିବାକୁ ଚେଷ୍ଟା କରିଥିଲୁ । ହେଲେ ରାଜପୁରରେ ରୁଦ୍ରାକ୍ଷ ଦାଶଙ୍କ ଘରେ ତାଲା ପଡ଼ିଥିଲା ।  ପାଖ ପଡ଼ୋଶୀଙ୍କୁ ପଚାରିବାରୁ ଜଣାପଡ଼ିଥିଲା ଗଲା ବୁଧବାର ଠାରୁ  ରୁଦ୍ରାକ୍ଷ ଘରକୁ ଫେରି ନାହାନ୍ତି । ତେବେ ଏଠି ଆଉ ଗୋଟେ ଗୁରୁତ୍ବପୂର୍ଣ୍ଣ କଥା ହେଲା ରାଜପୁରରେ ରୁଦ୍ରାକ୍ଷ ରହୁଥିବା ଏହି ଘର କୁଆଡ଼େ କଳ୍ପନାଙ୍କ ହତ୍ୟାପରେ ତିଆରି ହୋଇଛି ତାହା ପୁଣି ପୂର୍ବତନ ବିଧାୟକ ଅନୁପ ସାଏଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ । ଏଭଳି ପରିସ୍ଥିତିରେ କଳ୍ପନାଙ୍କ ବାପା ରୁଦ୍ରାକ୍ଷ ଦାଶଙ୍କ ଭୂମିକା ବି ସଂଦେହ ଘେରକୁ ଆସୁଛି ।

ପୂର୍ବତନ ବିଧାୟକ ଅନୁପ ସାଏଙ୍କ କଳା କାରନାମାକୁ ନେଇ ଝାରସୁଗଡ଼ାରୁ ଛତିଶଗଡ଼ କମ୍ପୁଥିବା ବେଳେ ଏପଟେ ରାଜଧାନୀରେ ଥୟ ଧରୁନାହାନ୍ତି ନେତା । ନିଜ ନିଜ ଢ଼ଙ୍ଗରେ ବିଜେପି ଓ କଂଗ୍ରେସ ନେତା ନାନା ପ୍ରଶ୍ନ ଉଠାଇ ନିଶାନା ପାଇଁ ତୀର ତୟାରିରେ ମାତିଥିବା ବେଳେ ବିଜେଡି ନେତା ବି ନଛୋଡ଼ ବନ୍ଧା ନୀତିକୁ ଆପଣାଇଛନ୍ତି ।

୪ବର୍ଷର କସରତ ପରେ ଯେତେବେଳେ ଏହି ଡବଲମର୍ଡ଼ର ଘଟଣାରେ ପୂର୍ବତନ ବିଧାୟକ ଅନୁପ ସାଏଙ୍କୁ ଗିରଫ କରିଛି ସେତେବେଳେ ଏହି ଘଟଣାରେ ସବୁ ଅଛିଣ୍ଡା ଗଣିତର ସମାଧାନ ପାଇଁ ମଧ୍ୟ ଆଶା ରଖିଛି ଛତିଶଗଡ଼ ପୋଲିସ । ଏବେ ଅନୁପଙ୍କ ଡ୍ରାଇଭର ପୋଲିସ ପଞ୍ଝାକୁ ଆସିବା ପରେ ତଦନ୍ତ ଆହୁରି ଆଗକୁ ବଢ଼ିବ ବୋଲି କହିପାରିବା ।

   Related Posts