Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରୁ ଶିଶୁଙ୍କ ସୁରକ୍ଷା ପାଇଁ କମିଟି ଗଠନ, ସବୁ କୋଭିଡ୍ ହସ୍ପିଟାଲ୍ରେ ହେଲ୍ପ ଡେସ୍କ ବାଧ୍ୟତାମୂଳକ
  • ||
  • ଜଟିଳ ହେବାରେ ଲାଗିଛି ଭୁବନେଶ୍ଵରରେ କରୋନା ସ୍ଥିତି, ଆଜି ୧୩୫୩ ପଜିଟିଭ୍ ଚିହ୍ନଟ
  • ||
  • ଜୁନ ୧୫ ଯାଏଁ ଶ୍ରୀମନ୍ଦିର ବନ୍ଦ, ସଂକ୍ରମଣକୁ ଦୃଷ୍ଟିରେ ରଖି ପ୍ରଶାସନର ବଡ ନିଷ୍ପତ୍ତି
  • ||
  • ଆଜି ସୁସ୍ଥରେ ରେକର୍ଡ, ସୁସ୍ଥ ହୋଇ ଘରକୁ ଫେଲେ ୧୨୦୭୭ ଆକ୍ରାନ୍ତ
  • ||
  • ୧୭ ମେ ସୋମବାର ଖୋଲିବ କେଦାରନାଥ ଧାମ କବାଟ ।। ତୀର୍ଥ ପୁରୋହିତ ସୀମିତ ସଂଖ୍ୟକ ଲୋକଙ୍କ ଉପସ୍ଥିତିରେ ବିଧିବିଧାନ ସହ କବାଟ ଖୋଲିବ ।। ପ୍ରଧାନମନ୍ତ୍ରୀଙ୍କ ପକ୍ଷରୁ ଜନତାଙ୍କ କଲ୍ୟାଣ ନିମନ୍ତେ ହେବ ପ୍ରଥମ ପୂଜା ।।
  • ||
  • ଆଗାମୀ ୩ ଦିନରେ ରାଜ୍ୟକୁ ମିଳିବ ଭ୍ୟାକସିନ୍‌ର ୫୧ ଲକ୍ଷ ଡୋଜ୍‌
  • ||
  • ୨୪ରେ ବଙ୍ଗୋପସାଗରରେ ଲଘୁଚାପ, ନେଇପାରେ ଅବପାତର ରୂପ
  • ||
  • ସଂକ୍ରମଣ ସାମାନ୍ୟ କମିଲା : ଦେଶରେ ୨୪ ଘଣ୍ଟାରେ ୩ ଲକ୍ଷ ୧୧ ହଜାରରୁ ଅଧିକ ପଜିଟିଭ୍, ୪୦୭୭ ମୃତ
  • ||
  • ୧୧ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୧୭୩୨ ପଜିଟିଭ୍
  • ||
  • ରାଜ୍ୟରେ କରୋନା ନେଲା ଆଉ ୧୯ଜଣଙ୍କ ଜୀବନ, ୨୩୧୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ବର୍ଷା-ଅନୁଭବ ମାମଲାରେ ନୂଆ ବିବାଦ : ଘର ମରାମତି ପାଇଁ ଘର ଛାଡିବାକୁ କହିଲେ ଶାଶୂ, ବୋହୂ କହୁଛନ୍ତି ଷଡଯନ୍ତ୍ର, ଉଭୟ ପକ୍ଷ ପୋଲିସର ଦ୍ୱାରସ୍ଥ

6/11/2020 at 5:19 PM

କଟକ, ୦୬।୧୧ : ବର୍ଷା ଓ ଅନୁଭବ ବିବାଦ ମାମଲାରେ ଆଜି ପୁଣି ଏକ ନୂଆ ବିବାଦ ସାମନାକୁ ଆସିଛି । ତେବେ ଏଥର ଏହି ଚର୍ଚ୍ଚିତ ଦମ୍ପତ୍ତି ସାଂସଦ ଅନୁଭବ ମହାନ୍ତି ଏବଂ  ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କୁ ନେଇ ଏହା ଘଟିନି । ଏହା ଶାଶୂ-ବୋହୂଙ୍କୁନେଇ ଘଟିଛି ।ବର୍ଷା ଏବଂ ତାଙ୍କ ଶାଶୂ ଶ୍ରୀମତି ମଧୁସ୍ମିତା ମହାନ୍ତି । ଶାଶୂ- ବୋହୂଙ୍କ ପରସ୍ପର ବିରୋଧୀ ମତ ମନ୍ତବ୍ୟ ଏବେ ପୁରୀଘାଟ ଥାନାରେ। ଫଳରେ, ବର୍ଷା ପ୍ରିୟଦର୍ଶିନୀ ଏବଂ ତାଙ୍କ ଶାଶୂ ତଥା ଅନୁଭବଙ୍କ ମାଆ ମଧୁସ୍ମିତା ମହାନ୍ତିଙ୍କ ମଧ୍ୟରେ ଏହି ଆରୋପ ପ୍ରତ୍ୟାରୋପର ଖବର ଚର୍ଚ୍ଚାକୁ ଆସିଛି। ଉଭୟ ଲିଖିତ ଅଭିଯୋଗ ନେଇ  ପୁରୀଘାଟ ଥାନାରେ ପହଁଚିଛନ୍ତି।

ବର୍ଷାଙ୍କ ଅଭିଯୋଗ ହେଲା, ଅନୁଭବଙ୍କ ପରିବାର ଲୋକେ ତାଙ୍କୁ  ଘରୁ ବାହାର କରି ଦେବାକୁ ଷଡଯନ୍ତ୍ର କରୁଛନ୍ତି। ଏବେ ତାଙ୍କୁ ଘରୁ ବହାରିଯିବା ପାଇଁ  ଚାପ ପ୍ରୟୋଗ କରୁଛନ୍ତି। ତାଙ୍କୁ ପାଇପ୍ କାମ ଏବଂ ସ୍ୱରେଜ୍ ଟାଙ୍କି କାମ ଭଳି  ଘରର କିଛି ମରାମତି କାମର ଆଳ ଦେଖାଇ ତାଙ୍କୁ ଶାଶୂ ଘର ଛାଡିବାକୁ କୁହାଯାଉଛି ବୋଲି ପୋଲିସକୁ ଅଭିଯୋଗରେ ଦର୍ଶାଇଛନ୍ତି ବର୍ଷା ।କିନ୍ତୁ  ଶାଶୂ ଘର ବ୍ୟତୀତ ତାଙ୍କର ଆଉ କେଉଁଠି ରହିବାର ବ୍ୟବସ୍ଥା ନାହିଁ ବୋଲି ବର୍ଷା ଦର୍ଶାଇବା ସହ କଟକ ଏସଡିଜେଏମଙ୍କ ନିର୍ଦ୍ଦେଶ ଅନୁଯାୟୀ ସେ ଶାଶୂଘରେ ରହିବା କଥା ବୋଲି ତାଙ୍କ ଅଭିଯୋଗରେ ଦର୍ଶାଇ ଯୁକ୍ତ ରଖିଛନ୍ତି ।ଏହାସହ ପୋଲିସକୁ ସୁରକ୍ଷା ମଧ୍ୟ ଲୋଡିଛନ୍ତି । ସାଂସଦଙ୍କ ପତ୍ନୀ ହିସାବରେ ସେ ତାଙ୍କର ରହଣୀର ବ୍ୟବସ୍ଥା କରିପାରୁ ନଥିବା ଯୁକ୍ତି ରଖିଛନ୍ତି । ଏଥିସହିତ ପୁରୀଘାଟ ଥାନାରେ ବର୍ଷାଙ୍କ ପକ୍ଷରୁ ଆଉ ଏକ ମାମଲା ରୁଜୁ ହୋଇଛି । ତାଙ୍କ ପାଖକୁ ଆସିଥିବା ଏକ ବେନାମୀ ଚିଠି କୁ ନେଇ ଏହି ମାମଲା ରୁଜୁ କରିଛନ୍ତି। ମିକିଥିବା ଚିଠିରେ ତାଙ୍କର ଚରିତ୍ର ସଂହାର ଏବଂ ଧମକ ଚମକ  ଦିଆଯାଇଛି ବୋଲି ଏତଲାରେ ସେ ଉଲେଖ କରିଛନ୍ତି ।

ଅନ୍ୟପଟେ ଅନୁଭବଙ୍କ ମାଆ ଶ୍ରୀମତି ମଧୁସ୍ମିତା ମହାନ୍ତି ପାଲଟା ଏତଲା କରି ଦର୍ଶାଇ ଛନ୍ତି କି ଘର ମରାମତି ପାଇଁ ବଡ ବୋହୂ ବର୍ଷାଙ୍କୁ ଘର ଛାଡିବାର  ଆବଶ୍ୟକକା ରହିଛି । ୬୦ ବର୍ଷର ପୁରୁଣା ଘରର ସ୍ୱରେଜ ଟାଙ୍କି ଏବଂ ପାଇପ୍ ଆଦି କାମ ପାଇଁ ୧୦ ଦିନ ବର୍ଷାଙ୍କୁ ଘର ଛାଡିବାକୁ ସେ ଅନୁରୋଧ କରିଛନ୍ତି ।କିନ୍ତୁ ସେ ଶୁଣୁ ନଥିବା ଅଭିଯୋଗ କରି ମଧୁସ୍ମିତା ମହାନ୍ତି ପୋଲିସକୁ ଘଟଣାସ୍ଥଳକୁ ଆସି ତାଙ୍କ ଅଭିଯୋଗର ଯଥାର୍ଥ ଯାଞ୍ଚ ସହ ଆବଶ୍ୟକୀୟ ପଦକ୍ଷେପ ନେବାକୁ ଅନୁରୋଧ କରିଛନ୍ତି । ତେବେ ଉଭୟ ପକ୍ଷରୁ ଏତଲା ଗ୍ରହଣ କରିବା ପରେ ପୁରୀଘାଟ ଥାନା ପୋଲିସ ତଦନ୍ତ ଆରମ୍ଭ କରିଛି।

   Related Posts