Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • JEE ମେନ୍ ରେଜଲ୍ଟ ପ୍ରକାଶିତ
  • ||
  • ଦେଶର ୪ଟି ସ୍ଥାନରେ ପ୍ରତିଷ୍ଠା ହେବ ଜାତୀୟ ଭୂତାଣୁ ବିଜ୍ଞାନ ସଂସ୍ଥାନ, ଭୁବନେଶ୍ଵରରେ ପ୍ରତିଷ୍ଠା କରିବାକୁ ସ୍ଵାସ୍ଥ୍ୟ ମନ୍ତ୍ରୀଙ୍କୁ ଚିଠି ଲେଖିଲେ ଧର୍ମେନ୍ଦ୍ର
  • ||
  • ବଦଳିଲେ ପୋଲିସ କମିଶନର, ସୁଧାଂଶୁଙ୍କ ଜାଗା ନେଲେ ସୌମେନ୍ଦ୍ର ପ୍ରିୟଦର୍ଶୀ
  • ||
  • ବ୍ରହ୍ମପୁର : ଜମିଜମା ବିବାଦରୁ ବିଧବା ମହିଳାଙ୍କୁ ବୀଭତ୍ସ ହତ୍ୟା
  • ||
  • କଟକ : SCBରେ ମହିଳା ରୋଗୀଙ୍କ ଉପରେ ଖସିପଡିଲା ଫ୍ୟାନ୍, ଆଇସିୟୁରେ ଭର୍ତ୍ତି
  • ||
  • ଭୁବନେଶ୍ବର : ଆନ୍ତର୍ଜାତୀୟ ମହିଳା ଦିବସରେ ବିଜେଡିର ମହିଳା ସମାବେଶ, ମୁଖ୍ୟମନ୍ତ୍ରୀ କହିଲେ ମା’ମାନେ ଆଜନ୍ମ ନେତ୍ରୀ
  • ||
  • ଭୁବନେଶ୍ବର : ଗଠନ ହେଲା ୯ଜଣିଆ ଟାସ୍କ ଫୋର୍ସ, ଆୟତ୍ତ କରିବେ ନିଆଁ
  • ||
  • ବଲାଙ୍ଗିର : ରକ୍ତ ପାଇଁ ଗଲା ଜୀବନ ! ରୋଗୀ ମୃତ୍ୟୁକୁ ନେଇ ମେଡିକାଲରେ ଉତ୍ତେଜନା
  • ||
  • ସମ୍ବଲପୁର : ଜଙ୍ଗଲକୁ ଗଲେ ଠିକଣା ରଖିବ ବନ ବିଭାଗ, ନିଆଁ ଲଗାଇଥିବା ବ୍ୟକ୍ତିଙ୍କ ସମ୍ପର୍କରେ ସୂଚନା ଦେଲେ ମିଳିବ ୫ହଜାର
  • ||
  • ସୁନ୍ଦରଗଡ : ବାଲି ଗଦାରୁ ମହିଳାଙ୍କ ମୃତଦେହ ଉଦ୍ଧାର, ହତ୍ୟା କରି ଫିଙ୍ଗି ଦେଇଥିବା ସନ୍ଦେହ
  • ||

ଦେଶରେ ବଢୁଛି କରୋନା ସଂକ୍ରମିତଙ୍କ ସଂଖ୍ୟା, କ୍ଲଷ୍ଟର-ହଟ୍‌ସ୍ପଟ୍ ଅଞ୍ଚଳରେ ଆଣ୍ଟିବଡି ବ୍ଲଡ୍ ଟେଷ୍ଟ ପାଇଁ ପ୍ରସ୍ତୁତି

5/04/2020 at 9:10 AM

ନୂଆଦିଲ୍ଲୀ ୫।୪: ଦେଶରେ କରୋନା ଭାଇରସ୍ ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି । ଏହି ସମୟରେ ଇଣ୍ଡିଆନ କାଉନସିଲ ଅଫ୍ ମେଡିକାଲ ରିସର୍ଚ୍ଚ (ଆଇସିଏମଆର) ଏକ ଆଡଭାଇଜରି ଜାରି କରିଛି । ଏଥିରେ କୋଭିଡ-୧୯ ପାଇଁ କ୍ଲଷ୍ଟର ଜୋନ୍ ଏବଂ ବୃହତ ସ୍ଥାନାନ୍ତରଣ କେନ୍ଦ୍ରରେ ଦ୍ରୁତ ଆଣ୍ଟିବଡି ଆଧାରିତ ରକ୍ତ ପରୀକ୍ଷା ପାଇଁ କୁହାଯାଇଛି ।

ଏକ ରିପୋର୍ଟ ଅନୁସାରେ ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମଆର) ସେହି କ୍ଲଷ୍ଟର କିମ୍ବା ହଟସ୍ପଟ୍ ଅଞ୍ଚଳରେ ଏହି ପରୀକ୍ଷା କରିବାକୁ ପରାମର୍ଶ ଦେଇଛି ଯେଉଁଠାରେ କରୋନା ଭାଇରସ୍ ସଂକ୍ରମଣର ଅଧିକ ମାମଲା ସାମ୍ନାକୁ ଆସିଛି । ଯେଉଁମାନଙ୍କଠାରେ ଫ୍ଲୁ ଭଳି ଲକ୍ଷଣ ଯେମିତି କାଶ, ଜ୍ବର କିମ୍ବା ଥଣ୍ଡା ଅଛି ସେହି ରୋଗୀଙ୍କୁ ୧୪ ଦିନ ହୋମ୍ କ୍ବାରେଣ୍ଟାଇନ୍ ପାଇଁ କୁହାଯାଇଛି । ଏହାପରେ ଦ୍ରୁତ ଆଣ୍ଟିବଡି ଆଧାରିତ ରକ୍ତ ପରୀକ୍ଷା କରାଯିବ ବୋଲି କୁହାଯାଇଛି ।

ଯଦି ରକ୍ତ ପରୀକ୍ଷଣ ଫଳାଫଳ ପଜେଟିଭ ଆସେ, ତେବେ ରୋଗୀଙ୍କୁ ଚିକିତ୍ସା ସୁବିଧା ଏବଂ ହୋମ୍ କ୍ବାରେଣ୍ଟାଇନ୍ କରାଯିବାକୁ ପରାମର୍ଶ ଦିଆଯାଇଛି । ତଥାପି ରକ୍ତ ପରୀକ୍ଷାରୁ ଜଣାପଡିବନାହିଁ ଯେ, ଜଣେ ବ୍ୟକ୍ତି କରୋନା ଭାଇରସ୍ ଦ୍ବାରା ସଂକ୍ରମିତ ଅଛନ୍ତି କି ନାହିଁ । ଏହା ମାଧ୍ୟମରେ ଏହା ନିଶ୍ଚିତ ଭାବରେ ଜଣା ପଡିବ ଯେ କେଉଁ ବ୍ୟକ୍ତି ଭାଇରସ୍ ସଂସ୍ପର୍ଶରେ ଆସିଥିଲେ ।

ଅନ୍ୟପଟେ, ରାପିଡ୍ ଆଣ୍ଟିବଡି ବ୍ଲଡ୍ ଟେଷ୍ଟ ନେଗେଟିଭ ଅସିଲେ ମଧ୍ୟ ଲୋକଙ୍କୁ ହୋମ୍ କ୍ବାରେଣ୍ଟାଇନ୍ ରେ ରହିବାକୁ ପଡିବ । ଆଣ୍ଟିବଡି ବ୍ଲଡ୍ ଟେଷ୍ଟ ପଜିଟିଭ୍ ଆସିଲେ ଗଳା କିମ୍ବା ନାକରୁ ନିଆଯାଇଥିବା ନମୁନାଗୁଡିକର RT-PCR ଦ୍ବାରା କରୋନା ଭାଇରସ୍ ସଂକ୍ରମିତ କି ନାହିଁ ନିଶ୍ଚିତ ହେବ । କରୋନା ଭାଇରସ୍ ସଂକ୍ରମଣର ସଠିକ୍ ସୂଚନା ପାଇଁ ସ୍ବାବ୍ ମାଧ୍ୟମରେ RT-PCR ପରୀକ୍ଷା କରାଯାଏ । ଏହା ଗଳା କିମ୍ବା ନାକରୁ ନିଆଯାଇଥାଏ ।

ସୂଚନାଯୋଗ୍ୟ ଯେ, ଦେଶରେ କରୋନା ଭାଇରସ୍ ସଂକ୍ରମଣ କ୍ରମାଗତ ଭାବେ ବୃଦ୍ଧି ପାଉଛି । ଦେଶରେ କରୋନା ଭାଇରସ୍ ସଂକ୍ରମିତ ରୋଗୀଙ୍କ ସଂଖ୍ୟା ୩ ହଜାର ଅତିକ୍ରମ କରିଛି । ଏଥି ସହିତ କରୋନା ଭାଇରସ୍ ଯୋଗୁଁ ମୃତ୍ୟୁ ବରଣ କରୁଥିବା ଲୋକଙ୍କ ସଂଖ୍ୟା ମଧ୍ୟ କ୍ରମାଗତ ଭାବେ ବୃଦ୍ଧି ପାଉଛି ।

   Related Posts