Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ଶିଖଦଙ୍ଗା ଦୋଷୀ ପୂର୍ବତନ ବିଧାୟକଙ୍କ କରୋନାରେ ମୃତ୍ୟୁ, ଜୁଲାଇ ୧ରେ ଜାମିନ୍ ନିବେଦନ ଖାରଜ କରିଥିଲେ କୋର୍ଟ

5/07/2020 at 5:07 PM

ନୂଆଦିଲ୍ଲୀ ୫।୭:  ଦିଲ୍ଲୀ ଶିଖ ଦଙ୍ଗାରେ ଦୋଷୀ ସାବ୍ୟସ୍ତ ହୋଇ ସଜା ଭୋଗୁଥିବା ପୂର୍ବତନ ବିଧାୟକ ମହେନ୍ଦ୍ର ସିଂହ ଯାଦବଙ୍କର କରୋନାରେ ମୃତ୍ୟୁ ହୋଇଛି। ଯାଦବ ଦିଲ୍ଲୀ ମଣ୍ଡୋଲୀ ଜେଲରେ ଥିବା ବେଳେ କରୋନା ସଂକ୍ରମିତ ହୋଇଥିଲେ। ଗତ ଜୁଲାଇ ୧ ତାରିଖ ଦିନ ସେ ସୁପ୍ରିମକୋର୍ଟଙ୍କୁ ଜାମିନ୍ ନିବେଦନ କରିଥିବା ବେଳେ ତାହା ଖାରଜ ହୋଇଯାଇଥିଲା।

ଦଙ୍ଗା ମାମଲାରେ ପୂର୍ବତନ ବିଧାୟକଙ୍କୁ କୋର୍ଟ ୧୦ ବର୍ଷ ଜେଲଦଣ୍ଡାଦେଶ ଦେଇଛନ୍ତି। ସେ ଜେଲରେ  ସଜା କାଟୁଥିବା ବେଳେ କୋଭିଡ-୧୯ ସଂକ୍ରମିତ ହେବାରୁ ସୁପ୍ରିମକୋର୍ଟଙ୍କୁ ଜାମିନ୍ ଲାଗି ନିବେଦନ କରିଥିଲେ। ଜଷ୍ଟିସ୍‌ ଇନ୍ଦିରା ବାନାର୍ଜୀଙ୍କ ଇଜଲାସ୍‌ରେ ତାଙ୍କ ଜାମିନ ଶୁଣାଣି ହୋଇଥିଲା। ଦେଶରେ କୋଭିଡ-୧୯ ଚିକିତ୍ସାର ଯାହା ନିୟମ ରହିଛି ସେହି ଅନୁସାରେ ତାଙ୍କୁ ଚିକିତ୍ସା ଯୋଗାଇ ଦିଆଯାଉଥିବା କୋର୍ଟ କହିଥିଲେ।

ଏହା ଛଡା ବନ୍ଦୀଙ୍କର କୌଣସି ଅଭିଯୋଗ ନଥିବା ବେଳେ ଚିକିତ୍ସା ଅଭିଯୋଗକୁ ଜାମିନର ଆଧାର ବୁଝା ଯାଇ ପାରିବନି ବୋଲି କୋର୍ଟ ସ୍ପଷ୍ଟ କରିଦେଇଥିଲେ। ଆବେଦନକାରୀଙ୍କ ଚିକିତ୍ସା ନିମନ୍ତେ ସବୁ ପ୍ରକାର ଉଦ୍ୟମ ଜାରି ରହିଛି। ଏହା ଛଡା ତାଙ୍କ ଚିକିତ୍ସା ନେଇ ପରିବାରର ମଧ୍ୟ କୌଣସି ଅଭିଯୋଗ ନାହିଁ କି ପରିବାର ଲୋକେ କୌଣସି ସ୍ଥାନକୁ ନେଇ ତାଙ୍କର ଚିକିତ୍ସା କରିପାରିବେନି। ଏଣୁ ଜାମିନର କୌଣସି ଆବଶ୍ୟକତା ନଥିବାର କୋର୍ଟ ସଫାସଫା କହିଦେଇଥିଲେ।

ସୂଚନା ଯୋଗ୍ୟଯେ ୧୯୮୪ ଦିଲ୍ଲୀ ଶିଖ ଦଙ୍ଗା ମାମଲାରେ ମଣ୍ଡୋଲୀ ଜେଲରେ ସଜା କାଟୁଥିବା ପୂର୍ବତନ ବିଧାୟକ ମହେନ୍ଦ୍ର ଯାଦବ ପେଟରେ ଯନ୍ତ୍ରଣା ଅଭିଯୋଗ କରିଥିଲେ। ସେହି ଅନୁସାରେ ଜେଲ କର୍ତ୍ତୃପକ୍ଷ ତାଙ୍କୁ ଦିନଦୟାଲ ଉପାଧ୍ୟାୟ ହସ୍ପିଟାଲରେ ଭର୍ତ୍ତି କରିଥିଲେ। ସେଠାରେ ତାଙ୍କର କରୋନା ପରୀକ୍ଷଣ କରାଯିବା ବେଳେ ସେ କୋଭିଡ-୧୯ ପଜିଟିଭ ଚିହ୍ନଟ ହୋଇଥିଲେ। ଚିକିତ୍ସିତ ହେଉଥିବା ବେଳେ ତାଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ ତାଙ୍କୁ ଲୋକନାୟକ ହସ୍ପିଟାଲ ରେଫର କରାଯାଇଥିଲା। ସେଠାରେ ଚିକିତ୍ସିତ ହେଉଥିବା ବେଳେ ତାଙ୍କର ମୃତ୍ୟୁ ହୋଇଛି।

   Related Posts