Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ବିପଦରେ ଶିଶୁଙ୍କ ଭବିଷ୍ୟତ : ଶିଶୁ ଶ୍ରମିକର ଗଡ ପାଲଟିଛି ଏହି ସବୁ ରାଜ୍ୟ

14/06/2019 at 4:17 PM

ଜୁନ ୧୨ ତାରିଖରେ ସାରା ଦୁନିଆ ପାଳନ କରିଥିଲା ଶିଶୁ ଶ୍ରମିକ ନିଷେଧ ଦିବସ । ୨୦୦୨ ମସିହାରୁ ଏହି ଦିବସ ଆରମ୍ଭ ହୋଇଥିଲା । ଶ୍ରମିକ ଭାବେ କାମ କରୁଥିବା ୧୪ ବର୍ଷରୁ କମ୍ ବୟସ ପିଲାଙ୍କୁ ଶିକ୍ଷା ଦେବା ଉଦ୍ଦେଶ୍ୟରେ ଅନ୍ତରାଷ୍ଟ୍ରୀୟ ଶ୍ରମିକ ସଂସ୍ଥା ଏହି ଦିବସର ପ୍ରାରମ୍ଭ କରିଥିଲା । ୧୭ ବର୍ଷ ବିତିଗଲାଣି, ତଥାପି ଦେଶରେ ଶିଶୁ ଶ୍ରମିକ ଉପରେ ଲଗାମ ଲାଗିପାରିନାହିଁ ।

ଭାରତରେ କେତେ ଶିଶୁ ଶ୍ରମିକ ଭାବେ କାମ କରୁଛନ୍ତି ତାର ସ୍ପଷ୍ଟ ସୂଚନା ନାହିଁ । କିନ୍ତୁ ୨୦୧୧ ଜନଗଣନା ଅନୁଯାୟୀ, ଭାରତରେ ୫ ବର୍ଷରୁ ୧୪ ବର୍ଷ ବୟସ ମଧ୍ୟରେ ଏକ କୋଟିରୁ ଅଧିକ ଶିଶୁ ଶ୍ରମିକ ଭାବେ କାମ କରୁଛନ୍ତି । ଅନ୍ତରାଷ୍ଟ୍ରୀୟ ଶ୍ରମ ସଂଗଠନର ଏକ ରିପୋର୍ଟ ଅନୁଯାୟୀ, ସାରା ଦୁନିଆରେ ପାଖାପାଖି ୧୫.୨ କୋଟି ଶିଶୁ ଶ୍ରମିକ ଭାବେ କାମ କରୁଛନ୍ତି ।

ଭାରତର ଗ୍ରାମୀଣ ଅଞ୍ଚଳରେ ଅଧିକ ମାତ୍ରାରେ ଶିଶୁ ଶ୍ରମିକ କାମ କରୁଛନ୍ତି । ରିପୋର୍ଟ ଅନୁଯାୟୀ, ପାଖାପାଖି ୮୦ ପ୍ରତିଶତ ଶିଶୁ ଶ୍ରମିକ ଗ୍ରାମୀଣ ଅଞ୍ଚଳରେ ଅଛନ୍ତି । ପାଖାପାଖି ୩୩ ଲକ୍ଷ ଶିଶୁ ଚାଷ କାମରେ ଲାଗିଥିବାବେଳେ ୨୭ ଲକ୍ଷ ଶିଶୁ ଅନ୍ୟାନ୍ୟ ସେକ୍ଟରରେ ଶ୍ରମିକ ଭାବେ କାମ କରୁଛନ୍ତି ।

ଭାରତର ୫ଟି ବଡ ବଡ ରାଜ୍ୟରେ ସବୁଠାରୁ ଅଧିକ ଶିଶୁ ଶ୍ରମିକ ଅଛନ୍ତି । ସେହି ରାଜ୍ୟଗୁଡିକ ହେଲା ଉତ୍ତର ପ୍ରଦେଶ, ବିହାର, ରାଜସ୍ଥାନ, ମହାରାଷ୍ଟ୍ର ଓ ମଧ୍ୟ ପ୍ରଦେଶ । ମୋଟ ୫୫ ପ୍ରତିଶତ ଶିଶୁ ଶ୍ରମିକ ଏହିସବୁ ରାଜ୍ୟରେ ଅଛନ୍ତି ।

ଉତ୍ତର ପ୍ରଦେଶରେ ୨୧.୫ ପ୍ରତିଶତ ଶିଶୁ ଶ୍ରମିକ ଥିବାବେଳେ ବିହାରରେ ୧୦.୭ ପ୍ରତିଶତ ଶିଶୁ ଶ୍ରମିକ ଅଛନ୍ତି । ରାଜସ୍ଥାନରେ ପାଖାପାଖି ୮.୫ ଲକ୍ଷ ଶିଶୁ ଶ୍ରମିକ ଅଛନ୍ତି । 

ପୁରା ଦୁନିଆରେ ସବୁଠାରୁ ଅଧିକ ଶିଶୁ ଶ୍ରମିକ ଆଫ୍ରିକାରେ ଅଛନ୍ତି । ଆଫ୍ରିକାରେ ୭.୨୧ କୋଟି ଶିଶୁ ଶ୍ରମିକ ଭାବେ କାମ କରୁଛନ୍ତି । ଦୁନିଆର ସବୁଠାରୁ ବିକଶିତ ଦେଶ ଆମେରିକାରେ ଶିଶୁ ଶ୍ରମିକ ସଂଖ୍ୟା କୋଟିଏ ଉପରକୁ ରହିଛି ।

   Related Posts