Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ସେଓ ଭର୍ତ୍ତି ଟ୍ରକକୁ ପୁଣି ଥରେ ଟାର୍ଗେଟ କଲେ ଆତଙ୍କବାଦୀ : ୨ଟ୍ରକ୍ ଚାଳକଙ୍କ ହତ୍ୟା,ଜଣେ ଗୁରୁତର

25/10/2019 at 1:17 PM

ଶ୍ରୀନଗର ୨୫/୧୦: ଦକ୍ଷିଣ କାଶ୍ମୀରର ଆତଙ୍କବାଦୀ ପ୍ରଭାବିତ ଜିଲ୍ଲାର ଚିତ୍ରଗାମ ଜୈନାପୋରା ଅଞ୍ଚଳରେ ଆତଙ୍କବାଦୀମାନେ ଗତକାଲି ରାତିରେ ୩ଟି ଟ୍ରକକୁ ଟାର୍ଗେଟ କରି ଗୁଳିମାଡ଼ କରିଛନ୍ତି। ଏହି ଗୁଳିମାଡ଼ରେ ଅଣ କାଶ୍ମିରୀ ଦୁଇ ଟ୍ରକ୍ ଚାଳକଙ୍କ ମୃତ୍ୟୁ ହୋଇଛି। ଜଣେ ଚାଳକ ଗୁରୁତର ଆହତ ହୋଇଛନ୍ତି। ଏହି ଟ୍ରକ୍ ଗୁଡ଼ିକ ପୋଡ଼ିଯାଇଛି। ଘଟଣା ପରେ ସୁରକ୍ଷା ବାହିନୀ ସମଗ୍ର ଅଞ୍ଚଳକୁ ଘେରି ସର୍ଚ୍ଚ ଅପରେସନ୍ ଚଳାଇଛନ୍ତି।

ଡିଜିପିଙ୍କ କହିବା ଅନୁସାରେ ଆତଙ୍କବାଦୀମାନେ ହରିୟାଣା,ରାଜସ୍ଥାନ ଏବଂ ପଞ୍ଜାବ ଗାଡ଼ିଗୁଡ଼ିକୁ ଚିତ୍ରଗାମରେ ଅଟକାଇ ଦେଇଥିଲେ। ଏହା ପରେ ଗୁଳି ବର୍ଷଣ କରିଥିଲେ। ଏଥିରେ ଦୁଇ ଟ୍ରକ୍ ଚାଳକଙ୍କ ମୃତ୍ୟୁ ହୋଇଯାଇଥିଲା। ଏଥିରୁ ଜଣେ ଚାଳକଙ୍କ ପରିଚୟ ରାଜସ୍ଥାନର ଅଲଓ୍ବର ବାସିନ୍ଦା ମହମ୍ମଦ ଇଲିୟାସ ବୋଲି ଜଣାପଡ଼ିଛି।

ଅନ୍ୟ ଜଣେ ମୃତ ଚାଳକଙ୍କ ପରିଚୟ ଜଣାପଡ଼ିନାହିଁ। ଆହତ ଚାଳକ ପଞ୍ଜାବର ହୋଶିୟାରପୁରର ଜୀବନ ବୋଲି ଜଣାପଡ଼ିଛି। ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।

ଏହା ପୂର୍ବରୁ ଅକ୍ଟୋବର ୧୪ତାରିଖରେ ଆତଙ୍କବାଦୀମାନେ ଶୋପିୟାଁରେ ସେଓ ଭର୍ତ୍ତି ରାଜସ୍ଥାନର ଟ୍ରକ୍ ଚାଳକ ଶରୀଫ ଖାନଙ୍କୁ ହତ୍ୟା କରିଥିଲେ।

ଏହା ସହିତ ବଗିଚାର ମାଲିକଙ୍କୁ ପିଟିଥିଲେ। ଅକ୍ଟୋବର ୧୬ତାରିଖରେ ଶୋପିୟାଁରେ ପଞ୍ଜାବର ଦୁଇ ଜଣ ସେଓ ବ୍ୟବସାୟୀଙ୍କୁ ଆକ୍ରମଣ କରିଥିଲେ। ଏଥିରେ ଚରଣଜିତ ସିଂହଙ୍କର ମୃତ୍ୟୁ ହୋଇଯାଇଥିଲା,ଅନ୍ୟ ଜଣେ ବ୍ୟବସାୟୀ ସଞ୍ଜିବ ଆହତ ହୋଇଥିଲେ।

   Related Posts