Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଲକଡାଉନ୍‌ରେ ଆଉ ଏକ କରୁଣ ଦୃଶ୍ୟ: ସାଙ୍ଗରେ ୧୫ ଦିନର ଶିଶୁକୁ ଧରି ପାଦରେ ଚାଲି ଚାଲି ଯାତ୍ରା ଆରମ୍ଭ କରିଛନ୍ତି ଜଣେ ମାଆ

27/05/2020 at 4:39 PM

ବାଲାଙ୍ଗୀର୨୭/୫: ଗୋଟିଏ ପରେ ଗୋଟିଏ କରୁଣ ଦୃଶ୍ୟ ସାମ୍ନାକୁ ଆସୁଛି। ରାଜ ରାସ୍ତାରେ ଚାଲି ଚାଲି ଆସୁଛନ୍ତି ଦାଦନ ଶ୍ରମିକ। କରୋନା ଯୋଗୁଁ ଦେଶରେ ଲକଡାଉନ ହେବା ପରେ ବିଭିନ୍ନ ରାଜ୍ୟରେ ଭିନ୍ନ ଭିନ୍ନ କରୁଣ ଦୃଶ୍ୟ ସୋସିଆଲ ମିଡିଆରେ ଘୂରି ବୁଲୁଛି। ସେହିପରି ଏକ ଦୃଶ୍ୟ ବଲାଙ୍ଗୀର ଜିଲ୍ଲାରେ ଦେଖିବାକୁ ମିଳିଛି। ଆନ୍ଧ୍ରଦେଶରୁ ବଲାଙ୍ଗୀର ଅଭିମୁଖେ ଜଣେ ମାଆ ୧୫ ଦିନର ଶିଶୁକୁ ନେଇ ଯାତ୍ରା ଆରମ୍ଭ କରିଛନ୍ତି।

ଗୋଟିଏ ଟ୍ରକ ସହାଯ୍ୟରେ ବଲାଙ୍ଗୀର ଦେଓଗାଁ ପର୍ଯ୍ୟନ୍ତ ପହଞ୍ଚିଥିବା ବେଳେ ୧୨ କିଲୋମିଟର ଚାଲିଚାଲି ଆସିଥିଲେ ଶତାଧିକ ଜଣ ଶ୍ରମିକ। ଏମାନଙ୍କ ସାଙ୍ଗରେ ଛୋଟ ଛୋଟ ପିଲାଥିବାରୁ ଆଗକୁ ବଢ଼ିବାକୁ ସାହାସ କରି ନଥିଲେ। ଶେଷରେ ଜଙ୍ଗଲ ଭିତରେ ରାସ୍ତା କଡରେ କାଟି ଥିଲେ କିଛି ସମୟ। ଏ ନେଇ ଆମ ନଜର ପଡିଥିଲା ସେମାନଙ୍କ ଉପରେ ।

କରୋନା କାଳ ସମସ୍ତଙ୍କୁ ଗ୍ରାସ କିରିଛି। ଛୋଟଠାରୁ ବଡ଼ ସମସ୍ତଙ୍କ ଉପରେ ଭାରି ପଡିଛି କରୋନାର ଲକଡାଉନ୍‌। କିଏ ରାସ୍ତାରେ ନିଜ ପିଲାକୁ ଟାଣି ଟାଣି ଆଣୁଛି ତ କିଏ ନ ଚାଲି ପାରି ରାସ୍ତା କଡ଼ରେ ଆଶ୍ରୟ ନେଉଛି। ଦେଶରେ ଲକ୍‌ଡାଉନ୍‌ ପରଠାରୁ ଏଭଳି କରୁଣ ଚିତ୍ର ବାରମ୍ବାର ସାମ୍ନାକୁ ଆସୁଛି।  

   Related Posts