Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନକଲି ଘିଅ କାରଖାନାରେ ରେଡ୍‌, ମାଲିକ ଫେରାର
  • ||
  • ବିଧାନସଭା ଆଗରେ ମାଆ ଓ ପୁଅଙ୍କ ଆତ୍ମାହୁତି ଉଦ୍ୟମ ଘଟଣା: ସ୍ପଷ୍ଟୀକରଣ ରଖିଲା ଜଗତସିଂହପୁର ପୋଲିସ
  • ||
  • ଲିଭର ପ୍ରତ୍ୟାରୋପଣ ପାଇଁ ସମ୍‌ ହସ୍ପିଟାଲ ଓ ଏସିଆନ ଇନ୍‌ଷ୍ଟିଚ୍ୟୁଟ୍‌ ଅଫ ଗ୍ୟାଷ୍ଟ୍ରୋଏନଟେରୋଲୋଜି (ଏଆଇଜି ) ମଧ୍ୟରେ ବୁଝାମଣା ସ୍ଵାକ୍ଷରିତ
  • ||
  • ଆନ୍ଦୋଳନରତ କୃଷକଙ୍କୁ ଗୃହ ମନ୍ତ୍ରୀ ଶାହାଙ୍କ ସନ୍ଦେଶ, ସରକାର ଆପଣଙ୍କ ଦାବି ଓ ସମସ୍ୟା ଉପରେ ଆଲୋଚନା କରିବାକୁ ପ୍ରସ୍ତୁତ
  • ||
  • ଡିସେମ୍ବର ମାସ ପାଇଁ ଗାଇଡ୍‌ ଲାଇନ୍ ଜାରି କଲେ ରାଜ୍ୟ ସରକାର
  • ||
  • ଭାଇ ହେଲା ଭଗାରୀ: ଜମିବାଡି ଲୋଭରେ ନିଜ ରକ୍ତ ସଂପର୍କର ଭାଇ-ପୁତୁରାକୁ ଦେଲା ହାଣି
  • ||
  • ଅଭୟକାନ୍ତଙ୍କ ଲିଙ୍କ୍‌ର ଖୋଳତାଡ଼: ସମସ୍ତଙ୍କୁ ଯିବ ନୋଟିସ୍, କିଏ ବଫାଦାର- କିଏ ଗଡ଼ ଫାଦର?
  • ||
  • ପରୀ ହତ୍ୟା ମାମଲା: ଅରୁଣ ବୋଥ୍ରାଙ୍କ ନେତୃତ୍ବରେ ୫ ଜଣିଆ ଏସ୍‌ଆଇଟି ଟିମ୍‌ ଗଠିତ, ହାଇକୋର୍ଟଙ୍କୁ ଅବଗତ କଲେ ସରକାର
  • ||
  • ସୋର : ବେଙ୍ଗାଲୁରୁରୁ ଲୁଟ୍ ହୋଇଥିବା ୪ଲକ୍ଷ ଟଙ୍କା ମିଳିଲା ଚାଉଳ ଡବାରୁ
  • ||
  • ତେଲକୋଇ : ମଞ୍ଚାରେ ଶୋଇଥିବା ବେଳେ ଲାଗିଗଲା ନିଆଁ, ପୋଡି ହୋଇ ମହିଳା ଗୁରୁତର
  • ||

ଓଡ଼ିଶାରେ ଦ୍ବିତୀୟ -ଚୀନ୍‌ ଫେରିଥିବା ଜଣେ ଛାତ୍ରୀଙ୍କୁ କରୋନା ଭାଇରସ୍‌ରେ ଆକ୍ରାନ୍ତ ହୋଇଥିବା ସନ୍ଦେହ

2/02/2020 at 5:32 PM

ଭୁବନେଶ୍ୱର/କଟକ ୦୨।୦୨-   ଓଡ଼ିଶାରେ ଦ୍ବିତୀୟ କରୋନା ସନ୍ଦିଗ୍ଧ ।ଆଜି କଟକ ଏସ୍‌ସିବିରେ କରୋନା ଭାଇରସ୍‌ ଆକ୍ରାନ୍ତ ସନ୍ଦେହରେ ଜଣେ ଛାତ୍ରୀଙ୍କୁ ଭର୍ତ୍ତି କରାଯାଇଛି ।ସେ ଚାଇନାର ୟୁହାନ୍‌ ୟୁନିଭର୍ସିଟିରେ ପଢୁଥିଲେ । ପୂର୍ବରୁ ମଧ୍ୟ କନ୍ଧମାଳ ଜିଲ୍ଲାର ଜଣେ ଡାକ୍ତରୀ ଛାତ୍ର ଚୀନ୍‌ରୁ ଫେରି କଟକ ଏସ୍‌ସିବିରେ ଚିକିତ୍ସିତ ହେଉଛନ୍ତି । କେରଳରେ ଆଜି ଭାରତରେ ଦ୍ବିତୀୟ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଚୀନ୍‌ରୁ ଆଜି ଦ୍ବିତୀୟ ପର୍ଯ୍ୟାୟରେ ୩୨୩ ଜଣ ଭାରତୀୟ ଏୟାର ଇଣ୍ଡିଆର ଏକ ସ୍ବତନ୍ତ୍ର ବିମାନରେ ଫେରିଛନ୍ତି ।…

ଓଡ଼ିଶାରେ ଦ୍ବିତୀୟ । ଚୀନ୍‌ ଫେରିଥିବା ଜଣେ ଛାତ୍ରୀଙ୍କୁ କରୋନା ଭାଇରସ୍‌ରେ ଆକ୍ରାନ୍ତ ହୋଇଥିବା ସନ୍ଦେହରେ କଟକ ଏସ୍‌ସିବିର ଆଇସୋଲେସନ୍‌ ୱାର୍ଡରେ ଭର୍ତ୍ତି କରାଯାଇଛି  ।ଛାତ୍ରୀ ଜଣକ କରୋନା ଭାଇରସ୍‌ର କେନ୍ଦ୍ରସ୍ଥଳ ଚୀନ୍‌ର ୟୁହାନ ୟୁନିଭର୍ସିଟିରେ ପଢୁଛନ୍ତି । ପୂର୍ବରୁ କନ୍ଧମାଳ ଜିଲ୍ଲାର ଜଣେ ଡାକ୍ତରୀ ଛାତ୍ରଙ୍କୁ ମଧ୍ୟ ସନ୍ଦେହରେ ଏଠାରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ସେ ମଧ୍ୟ ଚୀନ୍‌ରେ ପଢୁଥିଲେ । ଏପର୍ଯ୍ୟନ୍ତ ଓଡ଼ିଶାର ୫ ଜଣଙ୍କ ରକ୍ତ ନମୁନା ପରୀକ୍ଷା ପାଇଁ ପୁନେ ସ୍ଥିତ ଏନ୍‌ଆଇଭିକୁ ପଠାଯାଇଥିଲା ।ସେଥିମଧ୍ୟରୁ ୪ ଜଣଙ୍କ ରିପୋର୍ଟ ନେଗେଟିଭ୍ ଆସିଛି । କନ୍ଧମାଳର ଡାକ୍ତରୀ ଛାତ୍ରଙ୍କର ରିପୋର୍ଟ ବୁଧବାର କିମ୍ବା ଗୁରୁବାର ଆସିବ ।

ଭାରତରେ ଦ୍ବିତୀୟ କରୋନା ଆକ୍ରାନ୍ତ କେରଳରେ ଚିହ୍ନଟ ହୋଇଛନ୍ତି ।ତାଙ୍କୁ ଆଲ୍ଲାପୁଜା ମେଡିକାଲ କଲେଜରେ ସ୍ବତନ୍ତ୍ର ୱାର୍ଡରେ ରଖି ଚିକିତ୍ସା କରାଯାଉଥିବା କେରଳ ସ୍ବାସ୍ଥ୍ୟମନ୍ତ୍ରୀ କେ.କେ. ଶୈଲଜା କହିଛନ୍ତି।  ସେହିପରି ଚୀନରେ ରହୁଥିବା ଭାରତୀୟଙ୍କୁ ନେଇ ଏୟାର ଇଣ୍ଡିଆର ଦ୍ବିତୀୟ ବିମାନ ଆଜି ଫେରିଛି। ଏଥିରେ ୩୨୩ ଜଣ ଭାରତୀୟ ଏବଂ ୭ ଜଣ ମାଳଦ୍ବୀପ ନାଗରିକ ଅଛନ୍ତି। ସମସ୍ତଙ୍କୁ ଡାକ୍ତରୀ ଟିମ୍ ପରୀକ୍ଷା କରିବା ପରେ ITBPର ସ୍ବତନ୍ତ୍ର କ୍ୟାମ୍ପରେ ରଖାଯାଇଛି।

ଏହି କ୍ୟାମ୍ପରେ ସେମାନଙ୍କୁ ୧୪ ଦିନ ରହିବାକୁ ପଡ଼ିବ। ଚୀନରେ ଏବେ କରୋନାରେ ଆକ୍ରାନ୍ତ ହୋଇ ୩ ଶହରୁ ଅଧିକ ଲୋକଙ୍କ ମୃତ୍ୟୁ ଘଟିଛି, ୧୪ ହଜାରରୁ ଅଧିକ ଲୋକ ଆକ୍ରାନ୍ତ ହୋଇଛନ୍ତି। ଚୀନ୍‌ରୁ ଥାଇଲାଣ୍ଡ ଓ ଫିଲିପାଇନ୍ସ ଯାଇଥିବା ନାଗରିକ ମାନେ ସେଠାରେ ପ୍ରାଣ ହରାଇଛନ୍ତି ।…

ଚୀନ୍‌ରେ ସ୍ଥିତି ସାଂଘାତିକ ହୋଇପଡ଼ିଛି ।କରୋନା ଆକ୍ରାନ୍ତ ହୋଇ ପ୍ରାଣ ହରାଇଥିବା ବ୍ୟକ୍ତିଙ୍କ ଶେଷକୃତ୍ୟ ତାଙ୍କ ପରିବାର ଲୋକେ କରିପାରିବେ ନାହିଁ ବୋଲି ଚୀନ୍ ସରକାର ନିର୍ଦ୍ଦେଶ ଜାରି କରିଛନ୍ତି । କରୋନାର କେନ୍ଦ୍ରସ୍ଥଳ ୟୁହାନ୍‌ରେ ୧୦ ଦିନ ଭିତରେ ଏକ ୧୦୦୦ ବେଡ୍‌ ବିଶିଷ୍ଟ ହସ୍ପିଟାଲ ନିର୍ମାଣ କରାଯାଇଛି । ଯୁଦ୍ଧ କାଳୀନ ଭିତ୍ତିରେ ଏହାର ନିର୍ମାଣ କରାଯାଇଛି ।ସୋମବାର ଠାରୁ ଏଠାରେ ରୋଗୀଙ୍କୁ ଭର୍ତ୍ତି କରାଯିବ ।ସେପଟେ ୟୁଏଇରେ କରୋନା ଭାଇରସ୍‌ ଆକ୍ରାନ୍ତ ପଞ୍ଚମ ରୋଗୀଙ୍କୁ ଚିହ୍ନଟ କରାଯାଇଛି ।ସେପଟେ ଚୀନ୍‌ର ୟୁହାନ୍‌ରେ ଥିବା ପାକିସ୍ତାନୀ ମାନଙ୍କୁ ପାକିସ୍ତାନ ସରକାର ନେଉନଥିବାରୁ ସେ ବିକଳ ହୋଇ ସୋସିଆଲ ମିଡିଆରେ ତାଙ୍କୁ ଉଦ୍ଧାର କରିବା ପାଇଁ ଅନୁରୋଧ କରିଛନ୍ତି ।ଯାହାର ଭିଡିଓ ଭାଇରାଲ୍‌ ହୋଇଛି ।…

   Related Posts