Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଭୁବନେଶ୍ବରରେ ପହଞ୍ଚିଲା ଆଉ ୧ ଲକ୍ଷ ୪୯ ହଜାର ୭୬୦ ଡୋଜ୍ କୋଭାକ୍ସିନ୍ ଟିକା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୧୫୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ପାରାଦୀପ : ନକଲି ସାର୍ଟିଫିକେଟ୍ ରାକେଟ୍‌ର ପର୍ଦ୍ଦାଫାଶ : ମେଡିକାଲ୍ ସାର୍ଟିଫିକେଟ୍ ତିଆରି ଅଭିଯୋଗରେ ଯୁବକ ଗିରଫ
  • ||

‘ନିଭାର’ ପରେ ଆଉ ଏକ ବାତ୍ୟାର ବିପଦ, ଚାରି ରାଜ୍ୟ ପାଇଁ ଚେତାବନୀ ଜାରି କଲା ଆଇଏମଡି

30/11/2020 at 8:47 PM

ନୂଆଦିଲ୍ଲୀ ୩୦।୧୧: ତାମିଲନାଡୁରେ ଗତ ସପ୍ତାହରେ ଘୂର୍ଣ୍ଣି ଝଡ ନିଭାର ଅନେକ କ୍ଷୟକ୍ଷତି ଘଟାଇଥିଲା। ଲୋକଙ୍କ ମନରୁ ଏହା ନଲିଭୁଣୁ ପୁଣି ଆଉ ଏକ ପ୍ରାକୃତିକ ବିପର୍ଯ୍ୟୟ ଆସିବାକୁ ଯାଉଛି। ଭାରତୀୟ ପାଣିପାଗ ବିଭାଗ(ଆଇଏମଡି) ସୋମବାର ବଙ୍ଗୋପସାଗରରେ ଆଉ ଏକ ଲଘୁଚାପ ଦାନା ବାନ୍ଧୁଥିବା ଆଶଙ୍କା ପ୍ରକାଶ କରିଛି। ଏହାକୁ ନେଇ ପାଣିପାଗ ବିଭାଗ ଚାରି ରାଜ୍ୟ ପାଇଁ ସତର୍କ ସୂଚନା ଜାରି କରିଛି।

ପାଣିପାଗ ବିଭାଗ ଆଶଙ୍କା ପ୍ରକାଶ କରିଛନ୍ତି ଯେ, ଆଗାମୀ ଚାରି ଦିନରେ ତାମିଲନାଡୁ ବ୍ୟତୀତ ପୁଡୁଚେରୀ, କେରଳ ଓ ଆନ୍ଧ୍ର ପ୍ରଦେଶର ଉପକୂଳବର୍ତ୍ତୀ ଅଞ୍ଚଳରେ ଏହାରି ପ୍ରଭାବରେ ବର୍ଷା ହୋଇପାରେ।

ପାଣିପାଗ ବିଭାଗ କହିଛନ୍ତି, ଏହି ସାମୁଦ୍ରିକ ଝଡ ଡିସେମ୍ବର ୨ରେ ଶ୍ରୀଲଙ୍କା ସମୁଦ୍ରକୂଳ ଅତିକ୍ରମ କରିବ। ଏହାରି ପ୍ରଭାବରେ ତାମିଲନାଡୁର ଓ  କେରଳରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ସମ୍ଭାବିତ ଝଡକୁ ଦୃଷ୍ଟିରେ ରଖି ଆଇଏମଡି ତାମିଲନାଡୁ ଓ କେରଳର ଦକ୍ଷିଣ ଅଞ୍ଚଳରେ ରେଡ୍‌ ଆଲର୍ଟ ଜାରି କରିଛନ୍ତି। ପାଣିପାଗ ବିଭାଗ ପ୍ରବଳ ବର୍ଷା ହେବାର ପୂର୍ବାନୁମାନ କରିବା ସହିତ ଭିନ୍ନ ଭିନ୍ନ ଅଞ୍ଚଳ ପାଇଁ ଅଲଗା ଅଲଗା ଆଲର୍ଟ ଜାରି କରିଛନ୍ତି। ଇଡୁକି ପାଇଁ ରେଡ୍ ଆଲର୍ଟ ଏବଂ ତିରୁଅନନ୍ତପୁରମ ଓ କୋଲ୍ଲମ ଜିଲ୍ଲା ପାଇଁ ଅରେଞ୍ଜ ଆଲର୍ଟ ଜାରି କରିଛି। ଏହା ବ୍ୟତୀତ ଅଲାପୁପ୍ପା, କୋଟ୍ଟାୟମ ଓ ଏର୍ଣ୍ଣାକୁଲମ ଜିଲ୍ଲା ପାଇଁ ୟଲୋ ଆଲର୍ଟ ଜାରି କରାଯାଇଛି।

ଏହି ସବୁ ଅଞ୍ଚଳରେ ପ୍ରବଳ ବର୍ଷା ହେବ ବୋଲି ଆଇଏମଡି ପୂର୍ବାନୁମାନ କରିଛି। ଏହି ସମୟରେ ମତ୍ସ୍ୟଜୀବୀଙ୍କୁ ଡିସେମ୍ବର ୧ ରାତିରୁ ସମୁଦ୍ର ଭିତରକୁ ନଯିବାକୁ ପରାମର୍ଶ ଦେଇଛି। ଯେଉଁ ଲୋକ ସମୁଦ୍ର ଭିତରକୁ ଯାଇଛନ୍ତି, ସେମାନେ ନଭେମ୍ବର ୩୦ ସୁଦ୍ଧା କୂଳକୁ ଫେରିବାକୁ କୁହାଯାଇଛି।

ଆଇଏମଡି ଅନୁଯାୟୀ ବଙ୍ଗୋପସାଗରରେ ସୃଷ୍ଟ ଲଘୁଚାପ ଆଗାମୀ ୨୪ ଘଣ୍ଟାରେ ଅଧିକ ଘନୀଭୁତ ହେବାର ସମ୍ଭାବନା ରହିଛି। ଏହା ଅବପାତର ରୂପ ମଧ୍ୟ ନେଇପାରେ। ଆଇଏମଡ ଅନୁଯାୟୀ ଏହି ଘୂର୍ଣ୍ଣିଝଡ ଡିସେମ୍ବର ୨ରେ ତାମିଲନାଡୁ ପହଞ୍ଚିପାରେ। ଏହାରି ପ୍ରଭାବରେ ତାମିଲନାଡୁ, ପୁଡୁଚେରୀ ଓ କରାଇକଲରେ ଡିସେମ୍ବର ୩ ପର୍ଯ୍ୟନ୍ତ ପ୍ରବଳ ବର୍ଷା ହୋଇପାରେ।

   Related Posts