ଭୁବନେଶ୍ୱର ୨୮।୧୧ କଟକରେ ନିର୍ମିତ ହେବ ଆଉ ଏକ ଅତ୍ୟାଧୁନିକ ଷ୍ଟାଡିୟମ । ମହାନଦୀର ହାଡିଆ ପଠାରେ ପ୍ରସ୍ତାବିତ ଷ୍ଟାଡିୟମ ନିର୍ମାଣ ଲାଗି ଆରମ୍ଭ ହୋଇଛି ପ୍ରସ୍ତୁତି । ଏବେ ମହାନଦୀର ଶଯ୍ୟାରେ ଚାଲିଛି ଖନନ । ଆଉ ସେଠାରୁ ବାହାରୁଥିବା ସମସ୍ତ ବାଲିକୁ ହାଡିଆ ପଠା ଏବଂ ତାର ଆଖପାଖ ଅଞ୍ଚଳରେ ବିଛାଯାଉଛି । ଏଇଠାରେ ହିଁ ସାଟେଲାଇଟ୍ ଷ୍ଟାଡିଅମ ନିର୍ମାଣ କରାଯିବାକୁ ଲକ୍ଷ୍ୟ ରହିଛି ।
{"id":191330,"sizeSlug":"large"}ବାଲି ସ୍ତୁପରେ ପରିଣତ ହୋଇଛି କଟକ ହାଡିଆ ପଠା । ମହାନଦୀରେ ଡ୍ରେଜିଂ କାମ ଚାଲିଥିବା ବେଳେ ନଦୀ ଶଯ୍ୟାରୁ ବାହାରୁ ଥିବା ସମସ୍ତ ବାଲିକୁ ହାଡିଆ ପଠା ଓ ତାର ଆଖପାଖ ଅଞ୍ଚଳରେ ବିଛାଯାଉଛି । ଆଗକୁ ଏହି ସ୍ଥାନରେ ଏକ ବୃହତ ଷ୍ଟାଡିଅମ ନିର୍ମାଣ କରିବାର ଲକ୍ଷ୍ୟ ରଖିଛନ୍ତି ରାଜ୍ୟ ସରକାର । ଆମକୁ ମିଳିଥିବା ତଥ୍ୟ ଅନୁସାରେ ଏହି ଅଂଚଳରେ ନିର୍ମାଣ ହେବ ସାଲେଲାଇଟ୍ ଷ୍ଟାଡିୟମ ।
{"id":191331,"sizeSlug":"large"}ହାଇକୋର୍ଟଙ୍କ ନିର୍ଦ୍ଦେଶ ଅନୁସାରେ ଯୋବ୍ରା ବ୍ୟାରେଜ ଠାରୁ ନରାଜ ପଥର ବନ୍ଧ ପର୍ଯ୍ୟନ୍ତ ମହାନଦୀ ଶଯ୍ୟାରେ ଚାଲିଛି ଖନନ କାର୍ଯ୍ୟ । ଏହା ଦ୍ବାରା ମହାନଦୀର ଜଳଧାରଣ ଶକ୍ତି ବଢିବ । ଏଥି ସହ ନଦୀ ଶଯ୍ୟାରୁ ବାହାରୁ ଥିବା ବାଲି ବନ୍ଧ କଡରେ ପକାଯିବ । ହେଲେ ମହାନଦୀରୁ ଯେତିକି ପରିମାଣରେ ବାଲି ବାହାରୁଛି, ତାକୁ ଅନ୍ୟ କେଉଁଠାରେ ପକାଇବାର ସୁଯୋଗ ନାହିଁ । ସେଥିଲାଗି ସେଗୁଡ଼ିକୁ ଏବେ ହାଡିଆ ପଠାରେ ପକାଯାଉଛି । ଏହି ସ୍ଥାନରେ ସାଟେଲାଇଟ୍ ଷ୍ଟାଡିୟମ ନିର୍ମାଣ ହେବାର ସମ୍ଭାବନା ଥିବା ବେଳେ ଜିଲ୍ଲା ପ୍ରଶାସନର କହିବା କଥା ପ୍ରସ୍ତାବିତ ଷ୍ଟାଡିୟମ ସମ୍ପର୍କରେ ଜଳସମ୍ପଦ ବିଭାଗ ସହ ଆଲୋଚନା କରାଯିବ ।
{"id":191332,"sizeSlug":"large"}୨୦୧୨ ମସିହାରେ ପାରାଦ୍ବୀପ ତୈଳ ବିଶୋଧନାଗାରକୁ ପାଣି ଯୋଗାଇ ଦେବାଲାଗି କଟକ ହାଡିଆରେ ନିର୍ମାଣ ହୋଇଥିଲା ଇନଟେକ ଓ୍ବେଲ । କିନ୍ତୁ ଏହା ଜନସ୍ବାର୍ଥ ବିରୋଧୀ ବୋଲି ଅଭିଯୋଗ କରି ନ୍ୟାସନାଲିଷ୍ଟ ଲୟର୍ସ ଫୋରମ ହାଇକୋର୍ଟରେ ମାମଲା କରିଥିଲା । ଯାହା ଉପରେ ଶୁଣାଣି କରି ହାଇକୋର୍ଟ କଟକ ସହର ବିକାଶ ଲାଗି IOCL କମ୍ପାନୀକୁ ୩୫୦ କୋଟି ଟଙ୍କାର ପ୍ୟାକେଜ ଦେବା ପାଇଁ ନିର୍ଦ୍ଦେଶ ଦେଇଥିଲେ ।