Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୧୯୬୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୪୬ ଡିସଚାର୍ଜ
  • ||
  • ବଶବରାଜ ବୋମାଇ ହେବେ କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ, ପ୍ରସ୍ତାବ ଦେଲେ ୟେଦିୟୁରପ୍ପା
  • ||
  • ସିରିଜ୍ ଅଧାରୁ କୋଭିଡ୍ ସଂକ୍ରମିତ ହେଲେ ଭାରତୀୟ ଅଲରାଉଣ୍ଡର କ୍ରୁନାଲ ପାଣ୍ଡ୍ୟା, ଭାରତ-ଶ୍ରୀଲଙ୍କା ଦ୍ବିତୀୟ ଟ୍ବେଣ୍ଟି ଟ୍ବେଣ୍ଟି ବାତିଲ
  • ||
  • ଦେଶରେ କମୁଛି ସଂକ୍ରମଣ : ୨୪ ଘଣ୍ଟାରେ ବାହାରିଲେ ୨୯ ହଜାରରୁ ଅଧିକ ପଜିଟିଭ୍, ୪୧୫ ମୃତ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା, ରାଜ୍ୟରେ କରୋନା ନେଲା ୬୦ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ : ୨୪ ଘଣ୍ଟାରେ ରାଜ୍ୟରେ ବାହାରିଲେ ୧୬୨୯ କରୋନା ପଜିଟିଭ୍
  • ||
  • ମୟୂରଭଞ୍ଜ : ଗାଧୋଇବା ବେଳେ ଖସିଗଲା ଗୋଡ, ପୋଖରୀରେ ବୁଡି ୨ ଶିଶୁ ମୃତ
  • ||
  • ସମ୍ବଲପୁର : ଯୁବକଙ୍କୁ ନିର୍ମମ ଭାବେ ହତ୍ୟା, ଉଦ୍ଧାର ହେଲା ରକ୍ତ ଜୁଡୁବୁଡୁ ମୃତଦେହ
  • ||

ଲଘୁଚାପ ବର୍ଷା କାହାକୁ ଖୁସି, କାହାକୁ ଚିନ୍ତା : ୯ରୁ ପୁଣି ବର୍ଷା ଆଶଙ୍କାରେ ଚାଷୀଙ୍କୁ ଛନକା

7/08/2020 at 7:54 PM

ଭୁବନେଶ୍ୱର, ୦୭|୦୮: ଲଘୁଚାପ ଜନିତ ବର୍ଷା ଚାଷୀ ମନରେ ଖୁସି ଆଣିବା ବେଳେ ଆଉ କିଛି ଚାଷୀଙ୍କୁ ଦୁଃଖରେ ଭିଜାଇ ସାରିଲାଣି । ଗୋଟିଏ ପଟେ ମୌସୁମୀ ଉଭାନ ଯୋଗୁଁ ଚାଷୀ କାର୍ଯ୍ୟ ଆରମ୍ଭ କରିପାରି ନଥିଲେ ଉପକୂଳିଆ ଚାଷୀ । ଏବେ ଲଘୁଚାପ ବର୍ଷା  ଟିକେ ଆଶା ସଞ୍ଚାର କରିବାବେଳେ ପୁରୀ ଜିଲ୍ଲାରେ ଚାଷୀଙ୍କୁ ଭସାଇଲାଣି ଏହି ଲଘୁଚାପ ଚାପ ବର୍ଷା। ଧନୁଆ ନଦୀର ବନ୍ୟା ଆସି ଶହ ଶହ ଏକର ଜମିରେ ପାଣି ମାଡି ଯାଇଛି।  ଏପଟେ ପୁଣି ୯ ତାରିଖରେ ଆସୁଛି ଆଉ ଏକ ଲଘୁ ଚାପ ଯାହାକୁ ନେଇ ଚିନ୍ତାରେ ଚାଷୀ…

ଧନୁଆ ନଦୀ ଗରୀବ କରିଦେବ । ଚିନ୍ତାରେ ପଡ଼ିଛନ୍ତି ନଦୀକୂଳିଆ ଚାଷୀ।  ଲଘୁଚାପ ବର୍ଷାରେ ଧନୁଆ ନଦୀ ଉବୁଟୁବୁ ।  ନଦୀରେ ବନ୍ୟା ଆସି ବାଲିପାଟଣା ଓ ନିମାପଡା ବ୍ଲକର ଶହଶହ ଚାଷ ଜମିରେ ବନ୍ୟାଜଳ ମାଡିଯାଇଛି  । ବର୍ଷା ଆଭାବ ଯୋଗୁଁ ଚାଷ କାର୍ଯ୍ୟ କରିପାରିନଥିବା ଚାଷୀ ଏହି ଲଘୁଚାପ ବର୍ଷାରେ ଚାଷ କାର୍ଯ୍ୟ ଆରମ୍ଭ କରିବାକୁ ଚାହିଁ ବସିଥିଲେ ।  ​‌ହେଲେ ଏବେ ବନ୍ୟାଜଳରେ ଏସବୁ ବୁଡିଯାଇଛି । ଯଦି ଏହି ପାଣି ତିନି ଚାରିଦିନ ଭିତରେ ନଛାଡେ ସମସ୍ୟା ଉପୁଜିପାରେ ।

ଆସୁଛି ଆଉ ଏକ ଲଘୁଚାପ। ସାରା ଓଡିଶାରେ ଅଜାଡିବ । ଆସନ୍ତା ୯ ତାରିଖରେ ପଶ୍ଚିମ କେନ୍ଦ୍ରୀୟ ଓ ଉତ୍ତର ବଙ୍ଗୋପ ସାଗରରେ ସୃଷ୍ଟି ହେବ ଏହି ଲଘୁଚାପ। ଏହାର ପ୍ରଭାବରେ  ୯ ଓ ୧୦ ତାରିଖରେ ଦକ୍ଷିଣ ଓଡିଶାର ଜିଲ୍ଲାଗୁଡ଼ିକରେ ପ୍ରବଳରୁ ଅତି ପ୍ରବଳ ବର୍ଷା ହେବ। ବିଶେଷକରି କଳାହାଣ୍ତି, ବଲାଙ୍ଗୀର, ବୌଦ୍ଧ, ସୋନପୁର ଓ କନ୍ଧମାଳରେ ପ୍ରବଳରୁ ଅତି ପ୍ରବଳ ବର୍ଷା ହେବ । ଏହିପରି ନୂଆପଡା, ନବରଙ୍ଗପୁର, ସମ୍ବଲପୁର, କୋରାପୁଟ ଗଞ୍ଜାମ ଓ ନୟାଗଡ ଜିଲ୍ଲାରେ ପ୍ରବଳ ବର୍ଷା ହେବ । ୧୦ ତାରିଖରେ ଗଜପତି, ଗଞ୍ଜାମ, କନ୍ଧମାଳ, କାଳାହାଣ୍ତି, ବଲାଙ୍ଗୀର, ନୂଆପଡା, ଓ ନବରଙ୍ଗପୁରରେ ପ୍ରବଳରୁ ଅତିପ୍ରବଳ ବର୍ଷା ହେବ। କେରାପୁଟ ରାୟଗଡା ଓ ମାଲାକାନାଗିରିରେ ପ୍ରବଳ ବର୍ଷା ହେବା ସମ୍ଭାବନା ରହିଛି ।

୨୪ ଘଣ୍ଟା ଭିତରେ ନବରଙ୍ଗପୁର ଜିଲ୍ଲାର ଉମରକୋଟରେ ସର୍ବାଧିକ ୬୨.୨ ମିଲିମିଟର ବର୍ଷା  ହୋଇଛି । ଜୁନ ୧ ତାରିଖରୁ ଅଗଷ୍ଟ ୭ ତାରିଖ ଭିତରେ  ୬୫୪.୬ ମିଲିମିଟର ବର୍ଷା ହେବା ବଦଳରେ ୫୭୪.୨ ମିଲିମିଟର ବର୍ଷା ହୋଇଛି। ଯାହାକି ସ୍ବାଭାବିକ ବର୍ଷା ଠାରୁ ୧୨ ପ୍ରତିଶତ କମ ବର୍ଷା ହୋଇଛି।

   Related Posts