Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

ଇନ୍ଦୋରରେ କରୋନା ନେଲା ଆଉ ଜଣେ ଡାକ୍ତରଙ୍କ ଜୀବନ, ଦେଶରେ ପ୍ରାଣ ହରାଇଲେଣି ଦୁଇ ଡାକ୍ତର

11/04/2020 at 12:03 PM

ଇନ୍ଦୋର ୧୧।୪: ମଧ୍ୟପ୍ରଦେଶର ଇନ୍ଦୋର ସହର କରୋନା ଭାଇରସ୍ ରେ ଅନ୍ୟ ଜଣେ ଡାକ୍ତର ମୃତ୍ୟୁ ବରଣ ହୋଇଛି । କୋରାନା ଭାଇରସ୍ ରେ ଡାକ୍ତରଙ୍କ ମୃତ୍ୟୁରେ ଏହା ହେଉଛି ଦ୍ବିତୀୟ ଘଟଣା । ମୃତ ଡାକ୍ତରଙ୍କ ନାମ ହେଉଛି ଓମ ପ୍ରକାଶ ଚୌହାନ। ସେ ବ୍ରହ୍ମାବାଗ କଲୋନୀରେ ଏକ ଘରୋଇ କ୍ଲିନିକ୍ ଚଳାଉଥିଲେ ।

ଡାକ୍ତରଙ୍କଠାରେ କରୋନା ସଂକ୍ରମଣ ଚିହ୍ନଟ ହେବା ପରେ ତାଙ୍କୁ ପ୍ରଥମେ ସୁୟଶ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ସ୍ଥିତିରେ ସୁଧାର ନ ଥିବାରୁ ଅରବିନ୍ଦୋ ଡାକ୍ତରଖାନାରେ ଭର୍ତ୍ତି କରାଯାଇଥିଲା । କିନ୍ତୁ ତାଙ୍କ ଜୀବନ ରକ୍ଷା କରାଯାଇପାରିଲାନାହିଁ । ଡାକ୍ତର ଓମପ୍ରକାଶ ଚୌହାନ ଡାଇବେଟିସ୍ ଏବଂ ବିପି ରୋଗୀ ଥିଲେ । କୁହାଯାଉଛି ଯେ ଲକ୍ ଡାଉନ୍ ସମୟରେ ମଧ୍ୟ ସେ ତାଙ୍କ କ୍ଲିନିକ୍ ଚଳାଉଥିଲେ ।

ଇନ୍ଦୋରରେ ଗତ ୯ତାରିଖ ଦିନ କରୋନା ଭାଇରସ୍ ସଂକ୍ରମଣରେ ଜଣେ ଡାକ୍ତରଙ୍କ ମୃତ୍ୟୁ ହୋଇଥିବା ବେଲେ ୧୦ତାରିଖ ଦିନ ଓମପ୍ରକାଶ ମୃତ୍ୟୁ ହୋଇଛି । ଦୁଇ ଦିନରେ ଦୁଇ ଦୁଇ ଜଣ ଡାକ୍ତରଙ୍କ ମୃତ୍ୟୁ ଘଟିଛି । ଉଭୟ କ୍ଲିନିକ୍ ଚଳାଉଥିଲେ । ସେମାନଙ୍କ ନିକଟରେ କିପରି କରୋନା ସଂକ୍ରମଣ ହେଲା ତାହାର ଯାଞ୍ଚ କରାଯାଉଛି ।

ପୂର୍ବରୁ କରୋନା ପଜିଟିଭ ଚିହ୍ନଟ ପରେ ଦେହାନ୍ତ ହୋଇଥିବା ଡାକ୍ତର ହେଉଛନ୍ତି ଶତ୍ରୁଘ୍ନ ପଞ୍ଜୱାନୀ । ସ୍ବାସ୍ଥ୍ୟ ବିଭାଗର ସିଏମଏଚଓ ଡକ୍ଟର ପ୍ରବୀଣ ଜାଡିଆ କହିଛନ୍ତି ଯେ, ଅତୀତରେ ଡକ୍ଟର ଶତ୍ରୁଘ୍ନ ପଞ୍ଜୱାନୀ କରୋନା ପଜିଟିଭ ବୋଲି ଜଣାପଡିଥିଲା । ତାଙ୍କୁ ପ୍ରଥମେ ଗୋକୁଲଦାସରେ ଏବଂ ପରେ CHLରେ ଚିକିତ୍ସା କରାଯାଉଥିଲା । ଏହାପରେ ତାଙ୍କୁ ଅରବିନ୍ଦୋ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । କିନ୍ତୁ ଅପ୍ରେଲ ୯ ତାରିଖ ସକାଳେ ତାଙ୍କର ମୃତ୍ୟୁ ହୋଇଥିଲା ।

ଡକ୍ଟର ଶତ୍ରୁଘ୍ନ ଇନ୍ଦୋରର ରୂପରାମ ନଗରରେ ରହୁଥିଲେ । ସେ ନିଜର ଏକ ଘରୋଇ କ୍ଲିନିକ୍ ଚଳାଉଥିଲେ । ସୋସିଆଲ ମିଡିଆରେ ଡାକ୍ତରଙ୍କ ଏକ ଭିଡିଓ ଭାଇରାଲ୍ ହୋଇଥିଲା ଯେଉଁଥିରେ ସେ ତାଙ୍କ ପରିବାର ସଦସ୍ୟଙ୍କ ସହ ବସି କହୁଥିଲେ ଯେ ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି । କିନ୍ତୁ କରୋନା ସଂକ୍ରମିତ ହୋଇ ଚିକିତ୍ସା ସମୟରେ ତାଙ୍କର ମୃତ୍ୟୁ ହୋଇଥିଲା ।

ବର୍ତ୍ତମାନ ପର୍ଯ୍ୟନ୍ତ କରୋନା ସଂକ୍ରମଣରେ ଇନ୍ଦୋରରେ ୨୭ ଜଣଙ୍କର ମୃତ୍ୟୁ ହୋଇଥିବାବେଳେ ୨୩୫ ଜଣ ସଂକ୍ରମିତ ହୋଇଥିବା ଜଣାପଡିଛି । ଶୁକ୍ରବାର ଏଠାରେ ୪ଜଣ କରୋନା ରୋଗୀଙ୍କ ମୃତ୍ୟୁ ହୋଇଥିଲା ।

   Related Posts