ବଲାଙ୍ଗିର ,୧୬ ।୦୯: ବଲାଙ୍ଗିର ଏସ.ପି. ଅଫିସର କୋଭିଡ କଣ୍ଟ୍ରୋଲରୁମ ଇନଚାର୍ଜ ବିଜୟାନନ୍ଦ କରକରାଙ୍କ ପରଲୋକ ହୋଇଛି । ସେ କରୋନାରେ ଆକ୍ରାନ୍ତ ହୋଇ ଚିକିତ୍ସିତ ହେଉଥିଲେ ବୋଲି ସୂଚନା ମିଳିଛି ।
ପୋଲିସ ବିଭାଗର ଜଣେ ବଳିଷ୍ଠ ପୋଲିସ ଅଧିକାରୀ ବିଜୟାନନ୍ଦ କର୍କରାଙ୍କ ଦେହାନ୍ତ ହୋଇଥିବା ଖବର ମିଳିଛି । ବିଶାଖାପାଟଣାରେ ଚିକିତ୍ସାଧୀନ ଥିବା ବେଳେ ବୁଧବାର ଅପରାହ୍ନରେ ତାଙ୍କ ପରଲୋକ ହୋଇଯାଇଥିବା ଖବର ସାରା ଅଂଚଳରେ ଶୋକର ଛାୟା ଖେଳାଇ ଦେଇଛି । ଜଣେ ବଳିଷ୍ଠ ପୋଲିସ ଅଧିକାରୀ ଭାବେ ସେ ବେଶ ଜଣାଶୁଣା ଥିଲେ । ଟିଟିଲାଗଡ଼, କଂଟାବାଂଜି ତଥା ବଲାଙ୍ଗିରରେ ସେ ପୋଲିସ ଅଧିକାରୀ ଭାବେ କାର୍ଯ୍ୟ କରି ନିଜର ଦକ୍ଷତା ପ୍ରତିପାଦନ କରିଥିଲେ ।