କଟକ ୨୦।୮: ରାଜ୍ୟରେ ବଢି ବଢି ଚାଲିଛି କରୋନା ସଂକ୍ରମିତଙ୍କ ସଂଖ୍ୟା । ସେହିଭଳି କଟକରେ ମଧ୍ୟ ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । କମିଶନରେଟ୍ ପୋଲିସକୁ ଏବେ କରୋନା ଚିନ୍ତା ଘାରିଛି ।
କଟକ କମିଶନରେଟ୍ ପୋଲିସରେ ପୁଣି ୮ପୋଲିସ କର୍ମଚାରୀ ପଜିଟିଭ ଚିହ୍ନଟ ହୋଇଛନ୍ତି । କଟକରେ ମୋଟ୍ ୪୨ ପୋଲିସ କର୍ମଚାରୀ ପଜିଟିଭ୍ ହୋଇଥିବା ଜଣାପଡିଛି । ପଜିଟିଭ ଚିହ୍ନଟ ହୋଇଥିବା ସମସ୍ତ କର୍ମଚାରୀ କମିଶନରେଟ୍ ପୋଲିସର ବିଭିନ୍ନ ବାଟାଲିୟନର ବୋଲି କଟକ ଡିସିପି ପ୍ରତିକ ସିଂ ସୂଚନା ଦେଇଛନ୍ତି ।
ସୂଚନାଯୋଗ୍ୟ ଯେ, କଟକ ସହରରେ ମୋଟ୍ ସଂକ୍ରମିତଙ୍କ ସଂଖ୍ୟା ୪୪୬୯ରେ ପହଞ୍ଚିଥିବା ବେଳେ ୧୩୨୦ଟି ଆକ୍ଟିଭ୍ କେସ୍ ରହିଛି । ୩୧୨୭ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ସେହିଭଳି ୧୮ ସଂକ୍ରମିତଙ୍କ ମୃତ୍ୟୁ ହୋଇଥିବା ବେଳେ ୪ ଜଣଙ୍କର ଅନ୍ୟ ରୋଗ କାରଣରୁ ମୃତ୍ୟୁ ହୋଇଛି ।