Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ଅଙ୍କିତ ଶର୍ମାଙ୍କ ହତ୍ୟାକାରୀ ଗିରଫ: ଶବ ବ୍ୟବଚ୍ଛେଦ ରିପୋର୍ଟରେ ହୋଇଥିଲା ସ୍ପଷ୍ଟ

13/03/2020 at 9:10 AM

ନୂଆଦିଲ୍ଲୀ୧୩/୩: ସିଏଏକୁ ନେଇ ଉତ୍ତର-ପୂର୍ବ ଦିଲ୍ଲୀରେ ହୋଇଥିବା ହିଂସା ସମୟରେ ଆଇବି (ଇଣ୍ଟେଲିଜେନ୍ସ ବ୍ୟୁରୋ) ଅଧିକାରୀ ଅଙ୍କିତ ଶର୍ମାଙ୍କୁ ହତ୍ୟା କରାଯାଇଥିଲା । ଦିଲ୍ଲୀ ପୁଲିସର ସ୍ୱତନ୍ତ୍ର ପୁଲିସ ଟିମ୍‌ ଗୁରୁବାର ଅଙ୍କିତଙ୍କ ହତ୍ୟାକାଣ୍ଡରେ ସମ୍ପୃକ୍ତ ସଲମାନ ଓରଫ ମୋମିନକୁ ଗିରଫ କରିଛି । ଏହା ପୂର୍ବରୁ ଅଙ୍କିତଙ୍କ ହତ୍ୟା ମାମଲାରେ ପୁଲିସ ଆପ୍‌ରୁ ବହିଷ୍କୃତ ବିଧାୟକ ତାହିର ହୁସେନଙ୍କୁ ମଧ୍ୟ ଗିରଫ କରିଥିଲା ।

ସଲମାନ ହିଁ ଅଙ୍କିତକୁ ବାରମ୍ବାର ଛୁରାରେ ଆକ୍ରମଣ କରି ହତ୍ୟା କରିଥିବା ପୁଲିସ ପ୍ରକାଶ କରିଛି । ସୂଚନା ମୁତାବକ, ହିଂସା ସମୟରେ ସଲମାନ ଅଙ୍କିତଙ୍କୁ ତାହିର ହୁସେନଙ୍କ ଘର ମଧ୍ୟକୁ ନେଇଯାଇଥିଲା । ସେଠାରେ ତାଙ୍କୁ ନିବସ୍ତ୍ର କରାଯାଇ ଅତ୍ୟନ୍ତ ନୃଶଂସ ଭାବେ ହତ୍ୟା କରାଯାଇଥିଲା । ତାଙ୍କ ଶରୀରର ପ୍ରତ୍ୟେକ ଭାଗକୁ ଛୁରାରେ ଆକ୍ରମଣ କରାଯିବା ସହ ତାଙ୍କର ଅନ୍ତନାଳୀ କାଢ଼ି ନିଆଯାଇଥିବା ପୋଷ୍ଟମର୍ଟମ ରିପୋର୍ଟରୁ ଜଣାପଡ଼ିଥିଲା । ତେବେ ଏହି ସମୟରେ ତାହିର ହୁସେନ ଘରେ ଥିଲେ କି ନାହିଁ ଏହା ବର୍ତ୍ତମାନସୁଦ୍ଧା ସ୍ପଷ୍ଟ ହୋଇନାହିଁ ।

ଦିଲ୍ଲୀ ହିଂସା ସମୟରେ ହେଡ୍‌ କନଷ୍ଟେବଳ ରତନଲାଲଙ୍କୁ ମଧ୍ୟ ହତ୍ୟା କରାଯାଇଥିଲା । ଏହି ମାମଲାରେ ମଧ୍ୟ ଦିଲ୍ଲୀ ପୁଲିସକୁ ଗୁରୁବାର ବଡ଼ ସଫଳତା ମିଳିଛି। ରତନଲାଲଙ୍କ ହତ୍ୟାରେ ସମ୍ପୃକ୍ତ ଥିବା ୭ ଜଣଙ୍କୁ ପୁଲିସ ଗିରଫ କରିଛି । ସେମାନେ ହେଲେ ସଲୀମ ମଲ୍ଲିକ, ମହମ୍ମଦ ଜଲାଲୁଦ୍ଦିନ, ମହମ୍ମଦ ଅୟୁବ, ମହମ୍ମଦ ୟୁନୁସ, ମହମ୍ମଦ ଦାନିଶ ଏବଂ ମହମ୍ମଦ ସଲିମ ଖାନ । ବର୍ତ୍ତମାନ ସୁଦ୍ଧା ଦିଲ୍ଲୀ ହିଂସା ମାମଲାରେ ପୁଲିସ ୭୧୨ଟି ମାମଲା ରୁଜୁ କରିଥିବା ବେଳେ ୨୦୦ରୁ ଊଦ୍ଧ୍ୱର୍ ଲୋକଙ୍କୁ ଗିରଫ କରିଛି ।

   Related Posts