Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||

ହରିୟାଣାର ସ୍ୱାସ୍ଥ୍ୟ ମନ୍ତ୍ରୀ କୋରୋନା ପଜିଟିଭ୍‌ ଚିହ୍ନଟ, ‘କୋଭାକ୍ସିନ୍‌’ର ପରୀକ୍ଷାମୂଳକ ଟିକା ନେଇଥିଲେ ଅନିଲ ଭିଜ୍‌

5/12/2020 at 12:25 PM

ଚଣ୍ଡିଗଡ଼ ୦୫।୧୨: ହରିୟାଣାର ମନ୍ତ୍ରୀ ଅନିଲ ଭିଜ୍‌ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି । କରୋନା ଭ୍ୟାକସିନ୍ କୋଭାକ୍ସିନ୍‌ର ପରୀକ୍ଷାମୂଳକ ଟିକା ନେଇଥିଲେ ମନ୍ତ୍ରୀ ଅନିଲ ଭିଜ୍‌ । ନଭେମ୍ବର ୨୦ରେ ସ୍ୱେଚ୍ଛାକୃତ ଭାବେ ନେଇଥିଲେ ଟୀକା । କରୋନା ପଜିଟିଭ୍‌ ନେଇ ମନ୍ତ୍ରୀ ଅନିଲ ଭିଜ୍‌ ନିଜେ ଟ୍ୱିଟ୍‌ କରି ସୂଚନା ଦେଇଛନ୍ତି ।

ହରିୟାଣାର ମନ୍ତ୍ରୀ ଅନିଲ ଭିଜ୍‌ ନିଜେ ଟ୍ୱିଟ୍‌ କରି କହିଛନ୍ତି ଯେ, ସେ କରୋନା ସଂକ୍ରମିତ ହୋଇଛନ୍ତି । କୋଭିଡ଼ ଆକ୍ରାନ୍ତ ଚିହ୍ନଟ ହେବା ପରେ ଅମ୍ବାଲା କେଣ୍ଟ ସ୍ଥିତ ଏକ ମେଡିକାଲରେ ଭର୍ତ୍ତି କରାଯାଇଛି । ତାଙ୍କ ସଂସ୍ପର୍ଶରେ ଆସିଥିବା ଲୋକମାନଙ୍କୁ କରୋନା ଟେଷ୍ଟ କରିବାକୁ ନିବେଦନ କରିଛନ୍ତି । ଏହା ଦେଶରେ ପ୍ରଥମ ଘଟଣା । ଜଣେ ଲୋକ ଭ୍ୟାକ୍‌ସିନ୍‌ର ଟ୍ରାଏଲ୍‌ରେ ଭାଗ ନେବା ପରେ କରୋନା ସଂକ୍ରମିତ ହୋଇଛନ୍ତି ।

ନଭେମ୍ବର ୨୦ରେ ହରିୟାଣାରେ କରୋନା ଦେଶୀ ଭ୍ୟାକସିନ୍‌ ‘କୋଭାକ୍ସିନ୍‌’ ତୃତୀୟ ପର୍ଯ୍ୟାୟର ପ୍ରଥମ ଟୀକା ହରିୟାଣାର ସ୍ୱାସ୍ଥ୍ୟ ମନ୍ତ୍ରୀ ଅନିଲ ଭିଜ୍‌ ନେଇଥିଲେ । ଅମ୍ବାଲା କେଣ୍ଟ ସ୍ଥିତ ଏକ ମେଡିକାଲରେ ତାଙ୍କୁ ଏହି ଟୀକା ଲଗାଯାଇଥିଲା । ଲଗାତର ଭାବେ ସେ ଡାକ୍ତରଙ୍କ ନୀରକ୍ଷଣରେ ରହିଥିଲେ । କୋଭାକ୍ସିନ୍‌ର ଟ୍ରାଏଲ୍‌ ହେବା ପୂର୍ବରୁ ତାଙ୍କ ସ୍ୱାସ୍ଥ୍ୟ ନେଇ ଅନେକ ପ୍ରକାର ଯାଞ୍ଚ କରାଯାଇଥିଲା । ସବୁ ଯାଞ୍ଚ ରିପୋର୍ଟ ସଠିକ୍‌ ଆସିବା ପରେ ତାଙ୍କୁ ଟ୍ରାଏଲ୍‌ରେ ଭାଗ ନେବା ପାଇଁ ଅନୁମତି ଦିଆଯାଇଥିଲା । ମନ୍ତ୍ରୀ ଅନିଲ ଭିଜ୍‌ ଟୀକା ନେବା ପରେ ଅଫିସ ମଧ୍ୟ ଆସୁଥିଲେ । ଡାକ୍ତରଙ୍କ ପରାମର୍ଶରେ ସେ ଅଫିସ ଆସୁଥିଲେ ।

ସୂଚନାଯୋଗ୍ୟ ଯେ, ହରିୟାଣାରେ କୋଭାକ୍ସିନର ଟୀକ ପରୀକ୍ଷଣର ଦ୍ୱାୟିତ୍ୱ ପଣ୍ଡିତ ଭଗବତ ଦୟାଲ ଶର୍ମା ସ୍ୱାସ୍ଥ୍ୟ ବିଜ୍ଞାନ ବିଶ୍ୱବିଦ୍ୟାଳୟରୁ ଦିଆଯାଇଛି । ପ୍ରଥମ ଡୋଜର ୨୮ ଦିନ ପରେ ଆଉ ଏକ ଡୋଜ ନେବାର ନିୟମ ରହିଛି । ୪୮ଦିନ ପରେ ତାଙ୍କ ଶରୀରର ଆଣ୍ଟିବଡ଼ ଟେଷ୍ଟ କରାଯିବ । ଯଦି ରିପୋର୍ଟ ସଠିକ୍ ଆସେ, ତେବେ ଆଉ ଏକ ଡୋଜ ଦିଆଯିବ । କୋଭାକ୍ସିନ୍‌ର ଏହି ପର୍ଯ୍ୟାୟରେ ପ୍ରାୟ ୨୫ହଜାରୁ ଅଧିକ ସ୍ୱେଚ୍ଛାସେବୀଙ୍କୁ ଆଗୀମୀ ଡୋଜ ଦିଆଯିବ । ସେପଟେ ବିଶ୍ୱବିଦ୍ୟାଳୟର କୁଳପତି କହିଛନ୍ତି ଯେ, କୋଭିକ୍ସନର ଟ୍ରାଏଲ୍‌ ବର୍ତ୍ତମାନ ପର୍ଯ୍ୟନ୍ତ କୌଣସି ବ୍ୟକ୍ତିଙ୍କ ଠାରେ ସାଇଡ଼ଇପେକ୍ଟ ଦେଖାଯାଇନାହିଁ ।

   Related Posts