ନୂଆଦିଲ୍ଲୀ ୦୯/୦୬: ବଲିଉଡର ଫ୍ୟାଶନ ଆଇକନ୍ ସୋନମ କପୁର ଆଜି ତାଙ୍କର ୩୬ ତମ ଜନ୍ମଦିନ ପାଳନ କରୁଛନ୍ତି। ଜୁନ୍ ୯, ୧୯୮୫ ରେ ସୋନମ କପୁର ମୁମ୍ବାଇରେ ଜନ୍ମଗ୍ରହଣ କରିଥିଲେ। ତେଣୁ ଏହି ଦିନ ଅନିଲ କପୁର ଏବଂ ତାଙ୍କ ପରିବାର ପାଇଁ ଏକ ବିଶେଷ ଦିନ। ତାଙ୍କ ଝିଅର ଦିନକୁ ଆହୁରି ସ୍ୱତନ୍ତ୍ର କରିବା ପାଇଁ ଅନିଲ କପୁର ଇନଷ୍ଟାଗ୍ରାମରେ ତାଙ୍କ ଝିଅ ପାଇଁ ଏକ ବିଶେଷ ଏବଂ ମଜାଳିଆ ମେସେଜ୍ ଲେଖିଛନ୍ତି। ଏହା ସହିତ ସେ ସୋନମଙ୍କ ପିଲାଦିନର ଫଟୋ ସେୟାର କରିଛନ୍ତି। ଅନିଲ କପୁରଙ୍କ ଏହି ପ୍ରେମଭରା ପୋଷ୍ଟ ଉପରେ ସୋନମ କମେଣ୍ଟ ଦେଇଛନ୍ତି।
{"width":676,"height":380}
ଅନିଲ କପୁର ଇନଷ୍ଟାଗ୍ରାମରେ ଏକ ବିଶେଷ ନୋଟ୍ ଏବଂ ଫଟୋ ସେୟାର କରି ଝିଅକୁ ଜନ୍ମଦିନରେ ଅଭିନନ୍ଦନ ଜଣାଇଛନ୍ତି। ଏହି ଫଟୋଗୁଡ଼ିକର ରିଲରେ, ପ୍ରଥମ ଫଟୋରେ, କ୍ୟୁଟ୍ ସୋନମ ତାଙ୍କ ବାପାଙ୍କ କୋଳରେ ନଜର ଆସିଛନ୍ତି । ଦ୍ୱିତୀୟରେ ସେ ତାଙ୍କ ମା ସୁନୀତାଙ୍କ କୋଳରେ ନାଲି ରଙ୍ଗର ଡ୍ରେସ୍ ପିନ୍ଧିଥିବାର ଏବଂ ତୃତୀୟ ଫଟୋରେ ସୋନମଙ୍କୁ ତାଙ୍କ ବନ୍ଧୁ ଏବଂ ପରିବାର ଲୋକଙ୍କ ସହ କେକ୍ କାଟପଥିବାର ନଜର ଆସିଛନ୍ତି। ଏହି ଫଟୋ ମାଧ୍ୟମରେ ଅନିଲ କପୁର ତାଙ୍କ ଝିଅ ପ୍ରତି ନିଜର ପ୍ରେମ ପ୍ରଦର୍ଶନ କରିଛନ୍ତି।
wp:html/wp:html
ଅନିଲ କପୁରଙ୍କ ପୋଷ୍ଟରୁ ଜଣାପଡିଛି ଯେ ସେ ତାଙ୍କ ଝିଅ ଏବଂ ଜ୍ବାଇଁ ଆନନ୍ଦ ଅହୁଜାଙ୍କୁ ବହୁତ ମନେ ପକାଉଛନ୍ତି। ତାଙ୍କ ପୋଷ୍ଟରେ ଅନିଲ ସୋନମଙ୍କୁ ଏକ ସଫଳ ଜୀବନ ଏବଂ ସର୍ବଦା ସୁସ୍ଥ କାମନା କରିଛନ୍ତି। ସେ ଲେଖିଛନ୍ତି, " ସର୍ବଦା ନିଜ ସ୍ୱପ୍ନ ପଛରେ ଦୌଡୁଥିବା ଏବଂ ନିଜ ଦୃଦୟ କଥା ଶୁଣୁଥିବା ଝିଅ ସୋନମ କପୁର! ତୁମକୁ ପ୍ରତ୍ୟେକ ଦିନ ବଢୁଥିବାର ଦେଖି ଜଣେ ବାପା-ମା ଭାବରେ ଏକ ସ୍ୱପ୍ନ ସାକାର ହେବା ପରି ଲାଗୁଛି। ମୁଁ ବହୁତ ଭାଗ୍ୟବାନ ଯେ ମୋତେ ଏତେ ଭଲ ପିଲା ମିଳିଛନ୍ତି । ତୁମେ ବହୁତ ମଜବୁତ ଯାହା, ତଳେ ପଡିବା ବିନା ଦୟାଳୁ ରୁହ ଏବଂ ଆଗକୁ ବଢ ।“
ସେ ଆହୁରି ଲେଖିଛନ୍ତି, “ମୁଁ କୃତଜ୍ଞ ଯେ ତୁମେ ଆଉ ଆନନ୍ଦ ସୁରକ୍ଷିତ ଏବଂ ସୁସ୍ଥ ଅଛ ଏବଂ ଆମେ ତୁମ ସହିତ ରହିବାକୁ ଅପେକ୍ଷା କରିପାରିବୁ ନାହିଁ ... ଜନ୍ମଦିନର ଶୁଭେଚ୍ଛା ସୋନମ୍! ତୁମକୁ ବହୁତ ଭଲ ପାଏ ଏବଂ ତୁମକୁ ମନେ ପକାଉଛି ।''
ଅନିଲଙ୍କ ପୋଷ୍ଟରେ ସୋନମ ମଧ୍ୟ କମେଣ୍ଟ ଦେଇଛନ୍ତି। ସେ ଲେଖିଛନ୍ତି 'ଲଭ୍ ୟୁ ବାପା, ମୁଁ ତୁମକୁ ସବୁଠାରୁ ଅଧିକ ମନେ ପକାଉଛି' ଏବଂ ଏହା ସହିତ ଏକ ହୃଦୟ ଇମୋଜି ଦେଇଛନ୍ତି । କେବଳ ଏତିକି ନୁହେଁ ଆନନ୍ଦ ଅହୁଜା ଏବଂ ସୁନୀତା କପୁର ମଧ୍ୟ କମେଣ୍ଟ ଦେଇଛନ୍ତି।
