Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||
  • ଜଗତସିଂହପୁରରେ ଲଗାଣ ବର୍ଷା, ଧାନ ଫସଲ କ୍ଷତିଗ୍ରସ୍ତ
  • ||

ଓକିଲଙ୍କ ଫି’ ଦେବାକୁ ଅନିଲ ଅମ୍ବାନି ବିକିଲେ ଗହଣା, ବ୍ୟବହାର କରୁଛନ୍ତି ଗୋଟିଏ ଗାଡ଼ି

26/09/2020 at 12:48 PM

ନୂଆଦିଲ୍ଲୀ ୨୬/୦୯: ଋଣରେ ବୁଡ଼ିଥିବା ଭାରତୀୟ ଉଦ୍ୟୋଗୀ ଅନିଲ ଅମ୍ବାନୀଙ୍କ ଆର୍ଥିକ ସ୍ଥିତି ଖୁବ୍ ବିଗିଡ଼ି ଯାଇଛି। ଅନିଲ ଲଣ୍ଡନ ଅଦାଲତକୁ କହିଛନ୍ତି ସେ ଏବେ ବିଳାସମୟ ଜୀବନ ଛାଡ଼ି ସାଧାରଣ ଜୀବନ ଜିଉଛନ୍ତି। ଏପରିକି ତାଙ୍କ ପାଖରେ ଓକିଲଙ୍କ ଫି’ ଦେବା ପାଇଁ ଗହଣା ବିକିବାକୁ ପଡୁଛି। ଏହା ସହ ସେ ଏବେ ଗୋଟିଏ କାର୍ ବ୍ୟବହାର କରୁଛନ୍ତି।

ଅମ୍ବାନି କହିଛନ୍ତି ଜାନୁଆରୀ ଓ ଜୁନ୍ ୨୦୨୦ ମଧ୍ୟରେ ସେ ୯.୯ କୋଟି ଟଙ୍କାର ଗହଣା ବିକିଛନ୍ତି। ଏହା ସହ ଏବେ ତାଙ୍କ ପାଖରେ ଏମିତି କିଛି ବସ୍ତୁ ନାହିଁ ଯାହାର କିଛି ମୂଲ୍ୟ ଥିବ। ତେବେ ତାଙ୍କ ପାଖରେ କେବେ ରଲ୍ସ ରୟସ୍ ନ ଥିଲା  କି କୌଣସି ଲଗଜରିୟସ ଗାଡ଼ି କେବେ ବ୍ୟବହାର କରି ନାହାନ୍ତି। ସେ କେବଳ ଗୋଟିଏ ହିଁ ଗାଡ଼ି ଚଳାଇ ଆସୁଛନ୍ତି।

ବ୍ରିଟେନ ହାଇକୋର୍ଟ ମେ ୨୨ରେ ପାରିତ କରିଥିବା ଏକ ଆଦେଶରେ ଅମ୍ବାନି କହିଥିଲେ ଚୀନ ବ୍ୟାଙ୍କର ୫,୨୮୧ କୋଟି ଟଙ୍କା ଋଣକୁ ଜୁନ୍ ୧୨ ସୁଦ୍ଧା ପରିଶୋଧ କଲେ। ଏହା ସହ ଅମ୍ବାନି ସାତ କୋଟି ଟଙ୍କା ଆଇନଗତ ଖର୍ଚ ପାଇଁ ପରିଶୋଧ କରିବାକୁ କୁହାଗଲା।

ଜୁନ୍ ୧୫ରେ ଇଣ୍ଡଷ୍ଟ୍ରିଆଲ ଆଣ୍ଡ୍ କମର୍ସିଆଲ ବ୍ୟାଙ୍କ ଅଫ୍ ଚାଇନା ନେତୃତ୍ବରେ ଚୀନ ବ୍ୟାଙ୍କକୁ ଅନିଲ ଅମ୍ବାନିଙ୍କ ସମ୍ପତିକୁ ଖୁଲାସା କରିବା ଦାବି କରିଥିଲେ। ଜୁନରେ ଏଫିଡେଟ୍ ମାଧ୍ୟମରେ ମାଷ୍ଟର ଡେଭିସନ ଅମ୍ବାନୀଙ୍କୁ ତାଙ୍କ ସବୁ ସମ୍ପତିର ଖୁଲାସା କରିବା ଆଦେଶ ଦେଇଥିଲେ। ଯାହାର ମୂଲ୍ୟ ଥିଲା ୭୪ ଲକ୍ଷ ଟଙ୍କାରୁ ଅଧିକ।

କୋର୍ଟ ଜାଣିଲେ ଯେ ଅମ୍ବାନିଙ୍କ ବ୍ୟାଙ୍କ ବାଲାନ୍ସ ୨୦୧୯ ଡିସେମ୍ବର ୩୧ ସୁଦ୍ଧା ୪୦.୨ ଲକ୍ଷ ଟଙ୍କା ଥିଲା ଓ ଜାନୁଆରୀ ୨୦୦୨ରେ ଏହା ହ୍ରାସ ପାଇଁ ୨୦.୮ ଟଙ୍କା ହୋଇଗଲା। ଅମ୍ବାନି କୋର୍ଟରେ କହିଛନ୍ତି ସେ ଭାରତରେ ସବୁଠୁ ଧନୀ ଲୋକରେ ସାମିଲ ହେଲେ ମଧ୍ୟ ମାତ୍ର ତାଙ୍କ ପାଖରେ କେବଳ ୧,୧୦,୦୦୦ ଡଲାରର ମୂଲ୍ୟର ଗୋଟିଏ କଳାକୃତି ରହିଛି।

ବ୍ରିଟେନ କୋର୍ଟକୁ କହିଛନ୍ତି ଏବେ ସେ ଖୁବ୍ କମ୍ ଖର୍ଚ କରୁଛନ୍ତି। ତେବେ ତାଙ୍କ ସ୍ତ୍ରୀ ଓ ପରିବାର ହିଁ ଏହାକୁ ବହନ କରୁଛନ୍ତି। ତାଙ୍କର କୌଣସି ଚାକଚକ୍ୟ ଜୀବନ ନାହିଁ। ନାଁ ଆମଦାନୀର ଅନ୍ୟ କିଛି ବିକଳ୍ପ ରହିଛି। ସେ ଏବେ ଓକିଲଙ୍କ ପିସ୍ ପାଇଁ ଅଳଙ୍କାର ବିକୁଥିବା ବେଳେ ଅନ୍ୟ ଖର୍ଚ ପାଇଁ ସମ୍ପତି ବିକିବା ନିମନ୍ତେ କୋର୍ଟର ଅନୁମତି ଦରକାର।

ତେବେ ଇଣ୍ଡଷ୍ଟ୍ରିଆଲ ଆଣ୍ଡ କମର୍ସିଆଲ ବ୍ୟାଙ୍କ ଅଫ୍ ଚାଇନା, ଏକ୍ସପୋର୍ଟ ଆଣ୍ଡ ଇମପୋଟ୍ ବ୍ୟାଙ୍କ ଅଫ୍ ଚାଇନା ଓ ଚାଇନା ଡେଭଲପମେଣ୍ଟ ବ୍ୟାଙ୍କ କହିଛନ୍ତି ଅନିଲଙ୍କ ବିରୋଧରେ ସବୁ ଆଇନଗତ ବିକଳ୍ପ ବ୍ୟବହାର କରାଯିବ।

   Related Posts