Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||
  • କମୁଛି କରୋନା ପ୍ରଭାବ: ୨୪ ଘଣ୍ଟାରେ ସୁସ୍ଥ ହୋଇ ଘରକୁ ଫେରିଲେ ୬୪୮ ସଂକ୍ରମିତ
  • ||
  • ଲଭ୍‌ ଜିହାଦ ଉପରେ ଅଧ୍ୟାଦେଶ ପାରିତ କଲା ୟୁପି କ୍ୟାବିନେଟ୍‌, ଧୋକା-ଧମକ ଦେଇ ଧର୍ମ ପରିବର୍ତ୍ତନ କରାଇଲେ ୧୦ ବର୍ଷ ଜେଲ୍‌
  • ||
  • ଅତ୍ୟଧିକ କାମର ବୋଝ ସହିନପାରି ଆଖି ବୁଜିଲେ ବାପା: ଉପର ଅଧିକାରୀଙ୍କ ବିରୋଧରେ ସଂଗୀନ ଅଭିଯୋଗ ଆଣିଲେ ଝିଅ, କହିଲେ…
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||
  • ୨ ବାରହା ଶିକାରୀ ଗରିଫ: ମାଂସ ଭାଗବଣ୍ଟା ବେଳେ ମାଡି ବସିଲେ ବନ ବିଭାଗର କର୍ମଚାରୀ
  • ||
  • କରୋନାରେ ଜୀବନ ହାରିଥିବା ଠିକାଦାରଙ୍କୁ ଆର୍ଥିକ ସହାୟତା ଦେଲା ଠିକାଦାର ସଂଘ
  • ||
  • ୧୦ ଡଲାରରୁ କମ୍‌ ମୂଲ୍ୟରେ ମିଳିବ ଋଷ କରୋନା ଭ୍ୟାକ୍‌ସିନ Sputnik V, ଜାନୁଆରୀରୁ ଆରମ୍ଭ ହେବ ଡେଲିଭରି
  • ||
  • ହାଇଓ୍ବା ଧକ୍କାରେ ଜଣେ ଶିଶୁଙ୍କ ସମେତ ୬ ଜଣଙ୍କ ମୃତ୍ୟୁ: ଚାଲି ଚାଲି ଯିବା ବେଳେ ପଛରୁ ମାଡିଗଲା
  • ||
  • ଭୁବନେଶ୍ୱର : ପୁରୀ ହାଜତ ମୃତ୍ୟୁ ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ
  • ||

ଭରତପୁର କୋଇଲା ଖଣିରେ ଅଘଟଣ : ହଠାତ୍ ସମୁଦ୍ର ଭଳି ମାଡି ଆସିଲା ୫୦ ଫୁଟ ଉଚ୍ଚର ମାଟି ଅତଡା, କିଛି ବୁଝିବା ପୂର୍ବରୁ ପୋତି ହୋଇଗଲେ ୩୦ ଜଣରୁ ଅଧିକ…

24/07/2019 at 5:05 PM

ଅନୁଗୋଳ ୨୪|୭: ତାଳଚେର ଏମସିଏଲ ଭରତପୁର କୋଇଲା ଖଣିରେ ଅଘଟଣ । କୋଇଲା ବ୍ଳାଷ୍ଟିଂ ବେଳେ ମାଟି ଧସି ୪ ରୁ ଅଧିକ ଶ୍ରମିକ ପୋତି ହୋଇପଡିଥିବା ଆଶଙ୍କା କରାଯାଉଛି । ୯ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଛି । ଫସି ରହିଥିବା ଶ୍ରମିକଙ୍କୁ ଉଦ୍ଧାର ପାଇଁ ମାଇନ୍ସ ରେସକ୍ୟୁ ଟିମ୍ ଉଦ୍ୟମ ଜାରି ରଖିଛି । ଘଟଣା ପାଇଁ ଏମସିଏଲକୁ ଦାୟୀ କରିଛନ୍ତି ସ୍ଥାନୀୟ ଲୋକ ।  

କୋଇଲା ଖଣିରେ ଦୁର୍ଘଟଣା। ତାଳଚେର ଭରତପୁର ପୋଖରିଆ କୋଇଲା ଖଣିରେ ଅତଡ଼ା ଖସି ଶ୍ରମିକଙ୍କ ଉପରେ ମାଡ଼ିଯାଇଛି । ୪ ରୁ ଅଧିକ ଶ୍ରମିକଙ୍କ ମୃତ୍ୟୁ ଆଶଙ୍କା । ୪ ଜଣ ଶ୍ରମିକ ମାଟି ତଳେ ପୋତି ହୋଇ ରହିଥିବା ଏମସିଏଲଅଧିକାରୀ କହୁଥିବା ବେଳେ ଏହି ସଂଖ୍ୟା ୬ ବୋଲି କହୁଛନ୍ତି ସ୍ଥାନୀୟ ଲୋକ ଓ ଉଦ୍ଧାର ହୋଇଥିବା ଶ୍ରମିକ ।

ସିକ୍ୟୁରିଟି ଗାର୍ଡ ରମେଶ ଦାସ, ଭଲବୋ ଡ୍ରାଇଭର ପପୁନ୍ ବିଶ୍ବାଳ, ପ୍ରଡକ୍ସନ ସୁପରଭାଇଜର ରଶ୍ମିରଂଜନ ବେହେରା ଏବଂ ଜଣେ ପମ୍ପ ଖଲାସୀ ଫସି ରହିଥିବା ଏମସିଏଲ ସୂଚନା ଦେଇଛି । ମାଟି ତଳୁ ୯ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଛି । ତାଳଚେର ସେଣ୍ଟ୍ରାଲ ହସ୍ପିଟାଲରେ ସେମାନଙ୍କ ଚିକିତ୍ସା ଚାଲିଛି । ୨୦ରୁ ଅଧିକ ହାଇଓ୍ଵା, ଲୋଡ୍‌ରର, ପମ୍ପ ମେସିନ୍ ମଧ୍ୟ ମାଟି ତଳେ ପୋତି ହୋଇ ରହିଛି । ଉଦ୍ଧାର ପାଇଁ ଏନଡିଆରଏଫର ସହାୟତା ନିଆଯାଇଛି ।

ମଙ୍ଗଳବାର ରାତି ପାଖାପାଖି ୧୧ ଟା । ଏମସିଏଲଠାରୁ ଠିକା ନେଇଥିବା ସିକଲ୍ କମ୍ପନୀ କାର୍ଯ୍ୟ ଚାଲିଥିଲା। ରାତି ସିଫଟ୍ ରେ ପାଖାପାଖି ଶହେ ଜଣ ଲୋକ କାମ କରୁଥିଲେ । ହଠାତ୍ ସମୁଦ୍ର ଭଳି ମାଡି ଆସିଲା ୫୦ ଫୁଟ ଉଚ୍ଚର ମାଟି ଅତଡା । କିଛି ବୁଝିବା ପୂର୍ବରୁ ପୋତି ହୋଇଗଲେ ୩୦ ଜଣରୁ ଅଧିକ । ଖବର ପାଇ ସ୍ଥାନୀୟ ଲୋକେ ଉଦ୍ଧାର କାର୍ଯ୍ୟରେ ଲାଗିପଡିଥିଲେ । ଶ୍ରମିକଙ୍କ ସୁରକ୍ଷା ଓ ଖଣି ସୁରକ୍ଷା କଥାକୁ ଅଣଦେଖା କରାଯାଇଥିବା ଶ୍ରମିକ ନେତା ଅଭିଯୋଗ କରିଛନ୍ତି । ଏଥିପାଇଁ ଦାୟୀ କରାଯାଇଛି ଏମସିଏଲକୁ ।

୨୦୧୩ରେ ଭରତପୁର ପୋଖରିଆ କୋଇଲା ଖଣିରେ ଘଟିଥିଲା ଦୁର୍ଘଟଣା । ଜଣଙ୍କର ଜୀବନ ଯାଇଥିଲା, ୨ ଜଣ ଗୁରୁତର ହୋଇଥିଲେ । ସେତେବେଳେ ବି ଏମସିଏଲକୁ ଦାୟୀ କରିଥିଲେ ଶ୍ରମିକ ଏବଂ ସ୍ଥାନୀୟ ଲୋକ । କିନ୍ତୁ ସେତେବେଳର ଅଘଟଣରୁ ଯେମିତି କାହାରିକି କିଛି ଶିକ୍ଷା ମିଳିନଥିଲା ।

   Related Posts