ଭୁବନେଶ୍ବର ୧୭/୦୪ : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଛନ୍ତି ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଓ୍ବାଇଏସ୍‌ଆର ଜଗନ ମୋହନ ରେଡ୍ଡୀ । ବଂଶଧାରା ନଦୀରେ ନେରାଡି ବ୍ୟାରେଜ୍‌ ନିର୍ମାଣ ପାଇଁ ନବୀନଙ୍କୁ ଜଗନ ମୋହନ ଚିଠି ଲେଖିଥିବା ସୂଚନା ମିଳିଛି । ତେବେ ବଂଶଧାରା ନଦୀ​‌ରେ ବ୍ୟାରେଜ୍‌ ନିର୍ମାଣ ହେଲେ ଆନ୍ଧ୍ର ଉପକୃତ ହେବା ସହି ଓଡିଶାର ଗଜପତି ଜିଲ୍ଲା ମଧ୍ୟ ଉପକୃତ ହୋଇପାରିବ ବୋଲି ଚିଠିରେ ଉଲ୍ଲେଖ ରହିଛି । ଏ ଦୃଷ୍ଟିରୁ ବ୍ୟାରେଜ୍‌ ନିର୍ମାଣ ପାଇଁ ଓଡିଶା, ଆନ୍ଧ୍ରକୁ ସହଯୋଗ କରୁ ବୋଲି କହିଛନ୍ତି ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ।