ବିଜୟୱାଡା ୧୮/୦୭: ବିପୁଳ ଚୋରାମଦ ଜବତ କରିଥିଲା ପୋଲିସ ଓ ଅବକାରୀ ବିଭାଗ । ତାକୁ ନଷ୍ଟ କଲା ପୁରା ଷ୍ଟାଇଲରେ । କିଛି ବି ରହିଲାନି ପୁରା ମାଟିରେ ମିଶିଲା । ସେହି ମଦ ନଷ୍ଟର ଭିଡିଓ ଏବେ ଭାଇରାଲ । ବିଜୟୱାଡା ପୋଲିସର ଏପରି କାମକୁ ଇଣ୍ଟରନେଟ୍ରେ ପ୍ରଶଂସା ବହୁତ ।
ଦେଖନ୍ତୁ ଏହି ଭିଡିଓ । କିପରି ସଜାହୋଇ ଥୁଆ ହୋଇଛି ଧାଡି ଧାଡି ମଦ ବୋତଲ । ରଙ୍ଗ ବେରଙ୍ଗର ଆଉ ବିଭିନ୍ନ ଆକାରର ଦେଶୀ- ବିଦେଶୀ ମଦ ବୋତଲ । ଶହେ ଦୁଇ ଶହ କି ହଜାରେ ନୁହଁ ୧୪ ହଜାର ମଦ ବୋତଲ । ବିରାଟ ଜାଗାରେ ଏମିତି ସଜାହୋଇଛି, ଯେମିତି ସମସ୍ତେ ଦେଖିବେ ଆଉ ତାପରେ କ’ଣ ହେଲା ତାହା ବି ଦେଖନ୍ତୁ । ମାଡି ଚାଲିଛି ରୋଡ୍ ରୋଲର , ଆଉ ତାର ସେହି ଓଜନିଆ ଲୁହା ଚକ ତଳେ ଚୁରମାର ହୋଇଯାଉଛି ମଦ ବୋତଲ ସବୁ । ପିଚକି ପଡୁଛି ମଦ । ଏ ହେଇଛି ଆନ୍ଧ୍ରପ୍ରଦେଶର କ୍ରିଷ୍ଣା ଜିଲ୍ଲା ଅନ୍ତର୍ଗତ ମଛଲିପଟ୍ଟନମ୍ ସହରରେ ନିକଟରେ ସଙ୍ଗଠିତ ମଦ ନଷ୍ଟର ଦୃଶ୍ୟ ।
wp:html /wp:htmlକିଷ୍ଣା ଜିଲାର ପୋଲିସ ଅଧିକ୍ଷକ ଏମ୍. ରବିନ୍ଦ୍ରନାଥ ବାବୁଙ୍କ ସୂଚନା ଅନୁଯାୟୀ ତେଲେଙ୍ଗାନାରୁ ଆନ୍ଧ୍ରପ୍ରଦେଶ ଆସିଥିବା ଏହି ସବୁ ଚୋରା ମଦକୁ ଜବତ କରାଯାଇଥିଲା । ତେଲେଙ୍ଗାନା ସୀମାନ୍ତ କ୍ରିଷ୍ଣା ଏବଂ ପଶ୍ଚିମ ଗୋଦାବରୀ ଜିଲ୍ଲାର ଚେକ୍ ପୋଷ୍ଟ ଅତିକ୍ରମ କରି ଆନ୍ଧ୍ରରେ ପ୍ରବେଶ ବେଳେ ଆଉ ଲକ୍ଡାଉନ ସମୟରେ ହିଁ ୧୦ ଟି ଥାନାର ପୋଲିସ ଜବତ କରିଥିଲା ୩ ହଜାର ୨୦୭ ଲିଟର ମଦ । ଏହି ଚୋରା ମଦର ଦାମ ୭୨ ଲକ୍ଷ ଟଙ୍କା ।ଏହି ଘଟଣାରେ ୧୦ ଥାନାର ପୋଲିସ ୩୧୨ ମାମଲା ମଧ୍ୟ ରୁଜ୍ଜୁ କରିଛି । ଜବତ ପରେ ସେହି ମଦ ଗୁଡିକୁ ସହଜରେ ପୁରା ନଷ୍ଟ କରିବାକୁ ପୋଲିସ ରୋଡ ରୋଲର ଆଣିଥିଲା ଏବଂ ବୋତଲ ଗୁଡିକୁ ରୋଲକର ଚକା ଚଢିବା ଭଳି ସଜାଇ ତାହା ଉପରେ ଚଢାଇଥିଲା ।
ସୂଚନା ଯୋଗ୍ୟ ୟେ, ଆନ୍ଧ୍ରପ୍ରଦେସର ୱାଇ.ଏସ୍ ଜଗନ ମୋହନ ରେଡ୍ଡି ସରକାର ରାଜ୍ୟରେ ମଦ ବିକ୍ରି କମ୍ ଲାଗି ଏକାଧିକ ପଦକ୍ଷେପ ନେୋଇଛନ୍ତି । ରାଜ୍ୟରେ ମଦ ଦୋକାନ ସଂଖ୍ୟା ୨୦ ପ୍ରତିଶତ କମାଇ ଦେଇଛନ୍ତି . ତାହା ସହ ମଦର ଦାମ ପାଖାପାଖି ୭୫ ପ୍ରତିଶତ ବୃଦ୍ଧି କରିଛନ୍ତି । ସେଥିଲାଗି ଚୋରା ବେପାରୀ ତେଲେଙ୍ଗାନାରୁ ରାଜ୍ୟକୁ ଚୋରାରେ ମଦ ଆଣୁଥିବା ବେଳେ ଆନ୍ଧ୍ର ସରକାର ତା ଉପରେ କଡା ନଜର ରଖିଛନ୍ତି।