Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୩୧ ଯାଏଁ ଅନ୍ତରାଷ୍ଟ୍ରୀୟ ବିମାନ ସେବା ବନ୍ଦ, କରୋନା ପ୍ରଭାବ
  • ||
  • କଟକ : ବସ୍‌ ଷ୍ଟାଣ୍ଡରେ ଠିଆ ହୋଇଥିବା ବସ୍‌ରେ ଲାଗିଗଲା ନିଆଁ, କେଇ ମିନିଟ୍‌ରେ ଜଳିଗଲା ସମ୍ପୂର୍ଣ୍ଣ ବସ୍
  • ||
  • କନ୍ଧମାଳ : ଜଗାକୁ ଏକା କରି ଚାଲିଗଲା କାଳିଆ, ମା’ ଆଖିରୁ ଶୁଖୁନି ଲୁହ : ମରଶରୀର ପହଞ୍ଚିବା ପରେ ଗାଁରେ ଶୋକାକୂଳ ପରିବେଶ
  • ||
  • କୋରାପୁର : କୋରାପୁର ବସ୍ ଷ୍ଟାଣ୍ଡରୁ ୩ଲକ୍ଷରୁ ଅଧିକ ଟଙ୍କାର ନକଲି ନୋଟ୍ ଜବତ, ଜଣେ ଗିରଫ
  • ||
  • କଟକ : ବାହା ବେଦୀରୁ ବ୍ୟାଙ୍କ୍ ମ୍ୟାନେଜରଙ୍କୁ ଉଠାଇନେଲା ପୋଲିସ, IIFL ଲୁଟ୍ ଘଟଣାରେ ରହିଛି ଲିଙ୍କ୍
  • ||
  • ସୋର : ପାଣିରୁ ଉଦ୍ଧାର ହେଲା ବୃଦ୍ଧଙ୍କ ମୃତଦେହ, ହତ୍ୟା ସନ୍ଦେହ
  • ||
  • ପୁରୀ : ପଞ୍ଚୁକର ଦ୍ବିତୀୟ ଦିନ, ବାଙ୍କଚୁଡା ବେଶରେ ବିଭୂଷିତ ମହାପ୍ରଭୁ
  • ||
  • ଚଣ୍ଡିଖୋଲ : ନିର୍ମାଣଧୀନ ପାଣି ଟାଙ୍କି ଉପରେ ଚଢି ଆତ୍ମହତ୍ୟା ଉଦ୍ୟମ କଲେ ଯୁବକ, ଉଦ୍ଧାର କଲେ ଅଗ୍ନିଶମ କର୍ମଚାରୀ
  • ||
  • କୋରାପୁଟ : କୋରାପୁଟ ଜିଲ୍ଲାରୁ ୮୫ଲକ୍ଷ ଟଙ୍କାର ଗଞ୍ଜେଇ ଜବତ, ଅଭିଯୁକ୍ତ ଫେରାର
  • ||
  • ଚାକିରୀଆଙ୍କ ପାଇଁ ବଡ ଖବର: ୮ଘଣ୍ଟା ବଦଳରେ ହୋଇପାରେ ୧୨ ଘଣ୍ଟା ସିଫ୍ଟ
  • ||

ସୀମା ଟପୁଛି ଆନ୍ଧ୍ରର ଦାଦାଗିରି, ଶୋଇ ରହିଛି ଜିଲ୍ଲା ପ୍ରଶାସନ, ଗୋଟିଏ ପରେ ଗୋଟିଏ ଗାଁକୁ କବ୍‌ଜା କରିବାକୁ ଲାଗି ପଡିଛି ପଡୋଶୀ ରାଜ୍ୟ

13/11/2020 at 6:30 PM

ଜୟପୁର ୧୩।୧୧:  ଦିନକୁ ଦିନ ସୀମା ଟପୁଛି ଆନ୍ଧ୍ରର ଦାଦାଗିରି । ୪ ଦିନ ହେବ କୋରାପୁଟ ପଟାଙ୍ଗୀ ସୀମାନ୍ତ ସମ୍ବାଇରେ ପଥର ପକାଇ ରାସ୍ତା ଅବରୋଧ କରି ରଖିଛି ଆନ୍ଧ୍ର । ଏପଟେ ନାହିଁରେ ତେଲ ପକାଇ ବସିଛି କୋରାପୁଟ ଜିଲ୍ଲା ପ୍ରଶାସନ। ସମ୍ବାଇ ସରପଞ୍ଚ ଅବରୋଧ ହଟାଇବାକୁ ଯାଇଥିବା ବେଳେ ଆନ୍ଧ୍ର ପଟୁ ତାଙ୍କୁ ସଂଘବଦ୍ଧ ଆକ୍ରମଣ ହୋଇଛି। ଜିଲ୍ଲା ପ୍ରଶାସନ ବିଶାଖାପାଟଣା ପ୍ରଶାସନ ସହ ଆଲୋଚନା କରିବାର ଦ୍ବାହି ଦେଇ ଦିନକୁ ଦିନ ସମୟ ଗଡ଼ାଇ ଚାଲିଛି।

ଦିନକୁ ଦିନ ଆନ୍ଧ୍ରର ନକ୍ସା କୋରାପୁଟ ଜିଲ୍ଲା ଭିତରକୁ ମେଲିମେଲି ଚାଲିଥିବା ବେଳେ, ପ୍ରଶାସନ ଗାନ୍ଧିଙ୍କ ତିନି ମାଙ୍କଡ଼ ଭଳି ବ୍ୟବହାର କରୁଛି । ସବୁ ଜାଣି, ସବୁ ଶୁଣି କାହିଁକି ଯେ ଆନ୍ଧ୍ର ପ୍ରତି କୋରାପୁଟ ପ୍ରଶାସନ ନିରବ ରହିଛି ବୁଝା ପଡ଼ୁନି । ୪ ଦିନ ହେବ କୋରାପୁଟ ପଟାଙ୍ଗୀ ସୀମାନ୍ତ ସମ୍ବାଇରେ ପଥର ପକାଇ ରାସ୍ତା ଅବରୋଧ କରି ରଖିଛି ଆନ୍ଧ୍ର । ବିସ୍ତାରବାଦୀ ଚିନ୍ତାଧାରା ନେଇ ଓଡ଼ିଶାର ଗୋଟିଏ ପରେ ଗୋଟିଏ ଗାଁକୁ କବ୍‌ଜା କରିବାକୁ ଦମ୍ ଲଗାଇଛି । ଶେଷରେ ସମ୍ବାଇ ସରପଞ୍ଚ ପିଲ୍କୁ ଗୁଣ୍ଠା ଗ୍ରାଉଣ୍ଡ ଜିରୋରେ ପହଞ୍ଚି ଅବରୋଧ ହଟାଇବାକୁ ଚେଷ୍ଟା କରିଥିବା ବେଳେ ଦେଖନ୍ତୁ ତାଙ୍କ ସହ କଣ ଘଟୁଛି । କିଛି ଲୋକ ଦାଦାଗିରି ଦେଖାଇ ସଂଘବଦ୍ଧ ଭାବେ ଘେରି ଠେଲାପେଲା କରୁଛନ୍ତି । ଆଉ ସାଦା କାଗଜରେ ନକ୍ସା ଦେଖାଇ ଚାଲି ଯିବାକୁ ଧମକ ଦେଉଛନ୍ତି ।

କୋରାପୁଟ ଜିଲ୍ଲା ପ୍ରଶାସନ କିନ୍ତୁ ଘଟଣାକୁ ଗୁରୁତ୍ବର ସହ ନେବା ଭଳି ମନେ ହେଉନି । ପୂର୍ବରୁ ସମ୍ବାଇ ସରପଞ୍ଚ  ଏନେଇ ପଟାଙ୍ଗୀ ଥାନାରେ ମାମଲା ଦାୟର କରିଥିବା ବେଳେ ଉପଜିଲ୍ଲାପାଳ, ପଟାଙ୍ଗୀ ବିଧାୟକ ଓ ସୁନାବେଡ଼ା ଏସଡିପିଓ ସମ୍ବାଇରେ ପହଞ୍ଚି ଆନ୍ଧ୍ର ଫଳକ ହଟାଇଥିଲେ । ଉତ୍ତେଜନା ଲାଗି ରହିଥିବାକୁ ପୋଲିସ କାନ୍ଧରେ ଦାୟିତ୍ବ ଥୋଇ ଦେଇ ଝାଡ଼ିଝୁଡ଼ି ହୋଇଯାଇଛନ୍ତି । ତେବେ ଆଲୋଚନା ମାଧ୍ୟମରେ ସୀମା ବିବାଦର ସମାଧାନ ହେବ କହି ସବୁଦିନ ଭଳି ପ୍ରତିକ୍ରିୟା ରଖିଛନ୍ତି କୋରାପୁଟ ଜିଲ୍ଲାପାଳ।

କୋଟିଆ ହେଉ କି ନାରାୟଣପାଟଣା ଅବା ସମ୍ବାଇ । ସବୁଠି ଆନ୍ଧ୍ର ଓଡ଼ିଶାକୁ ନାଲିଆଖି ଦେଖାଇ ଚାଲିଛି । ତେବେ ପୂର୍ବରୁ ଲୋକଙ୍କୁ ପ୍ରଲୋଭନ ଦେଇ ନିଜ ପକ୍ଷକୁ ଆଣୁଥିବା ଆନ୍ଧ୍ର ଏବେ ମାରପିଟ୍‌କୁ ଓହ୍ଲାଇବା ନୂଆ ଟେନସନ୍‌କୁ ଜନ୍ମ ଦେଇଛି।

   Related Posts