Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ଆନ୍ଧ୍ର ବିଧାୟକଙ୍କୁ ନକ୍ସଲଙ୍କ ହତ୍ୟା ଘଟଣା: ଫଟୋ ଜାରି କଲା ପୋଲିସ, ଓଡିଶା ସୀମାନ୍ତରେ ସତର୍କତା

25/09/2018 at 6:28 PM

ଭୁବନେଶ୍ବର୨୫|୯: ଆନ୍ଧ୍ରର ଜଣେ ବିଧାୟକ ଓ ଜଣେ ପୂର୍ବତନ ବିଧାୟକଙ୍କୁ ଗୁଳିକରି ହତ୍ୟା କରିବା ପରେ ଜାରି ହୋଇଛି ହତ୍ୟାକାରୀଙ୍କ ଫଟୋ । ଏଥିରେ ସଂପୃକ୍ତ ୩ ମାଓବାଦୀଙ୍କ ଫଟୋ ଜାରି କରିଛି ବିଶାଖପାଟଣା ଗ୍ରାମାଞ୍ଚଳ ପୋଲିସ । ଏମାନଙ୍କ ମଧ୍ୟରେ ଅଛନ୍ତି ୨ ମହିଳା କ୍ୟାଡର ମାଓବାଦୀ । ସେପଟେ ମାଲକାନଗିରି ଜିଲ୍ଲାରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।…

ଫଟୋରେ ଅଛନ୍ତି ୩ ଦୁର୍ଦ୍ଦାନ୍ତ ମାଓବାଦୀ । ଯେଉଁମାନେ ଆନ୍ଧ୍ରପ୍ରଦେଶ ବିଶାଖା ଜିଲ୍ଲା ଅରାକୁ ର ଟିଡିପି ବିଧାୟକ କିଡାରି ସର୍ବେଶ୍ବର ରାଓ ଏବଂ ପୂର୍ବତନ ବିଧାୟକ ସିଭେରୀ ସୋମାଙ୍କୁ ହତ୍ୟା ପାଇଁ ମାଷ୍ଟର ପ୍ଲାନ୍ କରିବା ସହ ଏଥିରେ ସାମିଲଥିଲେ । ଏହି ମାଓବାଦୀଙ୍କ ଫଟୋ ଜାରି କରିଛି ବିଶାଖପାଟଣା ଗ୍ରାମାଞ୍ଚଳ ପୋଲିସ । ଏହି ୩ ଦୁର୍ଦ୍ଦାନ୍ତ ମାଓବାଦୀ ହେଲେ ଆନ୍ଧ୍ର ପୂର୍ବ ଗୋଦାବରୀ ଜିଲ୍ଲା ଦବାପାଲେମ ଗାଁର ଜାଲୁମୁରୀ ଶ୍ରୀନୁ ବାବୁ ଓରଫ ସୁନିଲ୍‌ ଓରଫ ରିନୁ , ପଶ୍ଚିମ ଗୋଦାବରୀ ଜିଲ୍ଲା ଭୀମାଭରମର କାମେଶ୍ବରୀ ଓରଫ ସ୍ବରୂପା, ଭାଇଜାଗ୍‌ ପେଣ୍ଡୁର୍ତ୍ତି ମଣ୍ଡଳର ଭେଙ୍କଟା ରବି ଚୈତନ୍ୟ ଓରଫ ଅରୁଣା । ଏମାନଙ୍କ ମଧ୍ୟରେ ଅଛନ୍ତି ଦୁଇଜଣ ମହିଳା କ୍ୟାଡର ମାଓବାଦୀ । ବିଶେଷକରି ଏହି ହତ୍ୟା ଯୋଜନାର ମାଷ୍ଟର ପ୍ଲାନ କରିଥିଲେ ଏହି ୨ ମହିଳା ମାଓବାଦୀ । ଏମାନେ ସମସ୍ତେ ଆନ୍ଧ୍ର ଓଡିଶା ବର୍ଡର ନକ୍ସଲ ସଂଗଠନର ମାଓବାଦୀ ।ଏମାନଙ୍କୁ ଧରିବା ପାଇଁ ସୁରକ୍ଷା ବାହିନୀ ପକ୍ଷରୁ କୁମ୍ବିଂ ଅପରେସନ୍‌କୁ ଜୋରଦାର କରାଯାଇଛି ।

ସେପଟେ ଆନ୍ଧ୍ରର ଦୁଇ ଟିଡିପି ନେତାଙ୍କ ହତ୍ୟା ପରେ ମାଲକାନଗରି ଜିଲ୍ଲାରେ ସୁରକ୍ଷା ବ୍ୟାବସ୍ଥାକୁ କଡାକଡି କରାଯାଇଛି । ହତ୍ୟାକାଣ୍ଡ ପରେ ନକ୍ସଲମାନେ ଓଡିଶା ମୁହାଁ ହୋଇଛନ୍ତି । ଏମାନେ ଚିତ୍ରକୋଣ୍ଡା ବିଚ୍ଛିନ୍ନାଞ୍ଚଳରେ ଥିବା ଅନୁମାନ କରାଯାଉଛି ।ସେମାନଙ୍କୁ ଧରିବା ଲାଗି ସୀମାନ୍ତ ଅଞ୍ଚଳରେ ଏସ୍‌ଓଜି ଓ ଡିଭିଏଫ ବାହିନୀ ପକ୍ଷରୁ କୁମ୍ବିଂ ଅପରେସନ ଆରମ୍ଭ କରାଯାଇଛି । ଏହା ସହ ଜିଲ୍ଲାର ସମସ୍ତ ଥାନା ଓ ପୋଲିସ କ୍ୟାମ୍ପକୁ ଆଲର୍ଟ କରାଯାଇଛି । ଛତିଶଗୋଡ ଓ ଆନ୍ଧ୍ର ସୀମାନ୍ତ ଅଞ୍ଚଳରେ ନକ୍ସଲ ଅପରେସନ ଲାଗି ମାଲକାନଗିରି ପୋଲିସ ଡ୍ରୋକ୍ୟାମେରାର ସହାୟତା ନେଛି । ସେହିଭଳି ନକ୍ସଲ ପ୍ରବଣ ଅଞ୍ଚଳରେ ଖୋଲା ଖୋଲି ବୁଲୁଥିବା ନେତାଙ୍କୁ ସତର୍କ କରିଛନ୍ତି ମାଲକାନଗିରି ଏସପି । ବିଧାୟକ ଓ ସାଂସଦ କୌଣସି ସ୍ଥାନକୁ ଗଲେ ସ୍ଥାନୀୟ ଥାନା କିମ୍ବା ଏସପିଙ୍କୁ ଜଣାଇବାକୁ ନିର୍ଦ୍ଦେଶ ଦିଆଯାଇଛି ।

ଦୁଇ ଟିଡିପି ନେତାଙ୍କ ହତ୍ୟା ଅପରେସନ୍‌ରେ କେବଳ ଆନ୍ଧ୍ର ମାଓବାଦୀ ନୁହନ୍ତି ଛତିଶଗଡ ଓ ଓଡ଼ିଶାର ମାଓବାଦୀମାନେ ସାମିଲ ଥିବା ପୋଲିସ ଅନୁମାନ କରୁଛି ।….

   Related Posts