Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

ଅଣସରରେ ଶ୍ରୀଜିଉ, ଆଜିଠୁ ଶ୍ରୀମନ୍ଦିରରେ ପଟିଦିଅଁ ପୂଜା : ସେପଟେ ଅଲାରନାଥରେ ୧୪୪ ଧାରା, ୩୦ଯାଏଁ ଦର୍ଶନ ବନ୍ଦ

6/06/2020 at 7:28 AM

ପୁରୀ।ବ୍ରହ୍ମଗିରି ୬।୬: ସ୍ନାନମଣ୍ଡପରେ ୧୦୮ଗଡୁ ଜଳରେ ସ୍ନାନ ଯୋଗୁଁ ଅସୁସ୍ଥ ହୋଇପଡିଛନ୍ତି ଶ୍ରୀଜିଉ । ଶ୍ରୀମନ୍ଦିର ଅଣସରଘରେ ପ୍ରଭୁଙ୍କ ଗୁପ୍ତସେବା ଆରମ୍ଭ ହୋଇଛି । ଏଥିପାଇଁ ଆଜିଠାରୁ ପଟିଦିଅଁଙ୍କୁ ପୂଜା କରାଯିବ । ମହାପ୍ରଭୁ ଶ୍ରୀଜଗନ୍ନାଥଙ୍କ ପାଇଁ ନାରାୟଣ, ଶ୍ରୀବଳଭଦ୍ରଙ୍କ ପାଇଁ ଅନନ୍ତ ବାସୁଦେବ ଏବଂ ଦେବୀ ସୁଭଦ୍ରାଙ୍କ ପାଇଁ ଭୁବନେଶ୍ବରୀଙ୍କୁ ପୂଜା କରାଯିବା ବିଧି ରହିଛି ।

ପଟିଦିଅଁଙ୍କ ପାଖରେ ମଙ୍ଗଳଆଳତି, ଅବକାଶ, ଗୋପାଳବଲ୍ଲଭ, ସକାଳଧୂପ, ଭୋଗମଣ୍ଡପ, ସନ୍ଧ୍ୟାଆଳତି, ସନ୍ଧ୍ୟାଧୂପ, ବଡ଼ସିଂହାରବେଶ ଏବଂ ବଡ଼ସିଂହାର ଭୋଗ ସମେତ ଅନ୍ୟାନ୍ୟ ନୀତି ସମ୍ପନ୍ନ ହେବ । ମହାପ୍ରଭୁ ସମ୍ପୂର୍ଣ୍ଣ ସୁସ୍ଥହୋଇ ନବଯୌବନ ରୂପରେ ଭକ୍ତଙ୍କୁ ଦର୍ଶନଦେବା ପର୍ଯ୍ୟନ୍ତ ପଟିଦିଅଁଙ୍କୁ ପୂଜା କରାଯିବ ।

ଶ୍ରୀଜିଉ ଅସୁସ୍ଥ ଥିବାରୁ ଦଇତାପତି ସେବକମାନେ ଅଣସରଘରେ ଠାକୁରଙ୍କ ଗୁପ୍ତସେବା କରିବେ। ପ୍ରଭୁଙ୍କୁ ଜ୍ବର ହୋଇଥିବାରୁ ପଣା ଏବଂ ଚକଟା ଭୋଗ କରାଯିବ। ଏହିସମୟରେ ମହାପ୍ରଭୁଙ୍କ ଶୁକ୍ଳଫୁଲ ଏବଂ ସୂତାବସ୍ତ୍ର ପରିଧାନ କରିବେ। ଜ୍ବରପୀଡା ଲାଘବ ପାଇଁ ଠାକୁରଙ୍କୁ ଫୁଲୁରିତେଲ ମାଲିସ କରାଯିବା ସହ ଦଶମୂଳ ମହୋଷଧି ଖାଇବାକୁ ଦିଆଯିବ। ସମ୍ପୂର୍ଣ୍ଣ ସୁସ୍ଥହେବା ପରେ ଶ୍ରୀଜିଉ ଚକା ବିଜେ କରିବେ।

ସ୍ନାନଯାତ୍ରା ପରେ ଅଣସର ଘରେ ଅଛନ୍ତି ଶ୍ରୀଜିଉ । ପରମ୍ପରା ଅନୁସାରେ ଏହି ସମୟରେ ଅଲାରନାଥରେ ଦର୍ଶନ ଦେବେ । ତେବେ କୋଭିଡ୍ କଟକଣା ଯୋଗୁଁ ବ୍ର୍ରହ୍ମଗିରି ଅଲାରନାଥରେ ଭକ୍ତ ଦର୍ଶନ କରିପାରିବେ ନାହିଁ । ଅଲାରନାଥଙ୍କ ମନ୍ଦିର ଚାରିପାଖରେ ୧୪୪ ଧାରା ଜାରି କରାଯିବା ସହ ବାରିକେଡ୍ କରାଯାଇଛି । ଭକ୍ତଙ୍କୁ ଦର୍ଶନ ବାରଣ । ପ୍ରଶାସନ ଅଲାରନାଥ ମନ୍ଦିରର ସିଂହଦ୍ବାର, ଆନନ୍ଦବଜାର, ଲକ୍ଷ୍ମୀ ମନ୍ଦିର ରାସ୍ତା ଓ ଚନ୍ଦନ ଚକଡାକୁ ସିଲ୍ କରିଛି ।

୨୦ ତାରିଖ ପର୍ଯନ୍ତ ମନ୍ଦିର ଭିତରେ ଓ ବାହାରେ ୧୪୪ ଧାରା ଜାରି ହୋଇଛି । ସେହିପରି ୩୦ ତାରିଖ ପର୍ଯ୍ୟନ୍ତ କୌଣସି ଭକ୍ତ ଦର୍ଶନ କରିବା ପାଇଁ ମନ୍ଦିର ଭିତରକୁ ଯାଇପାରିବେ ନାହିଁ । ଗଣମାଧ୍ୟମର ପ୍ରତିନିଧିମାନଙ୍କୁ ମଧ୍ୟ ବାରଣ କରାଯାଇଛି ।

   Related Posts