Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||
  • ନଭେମ୍ବରରୁ ପର୍ଯ୍ୟଟକଙ୍କ ପାଇଁ ଖୋଲିବ ଶିମିଳିପାଳ ବ୍ୟାଘ୍ର ପ୍ରକଳ୍ପ
  • ||

ମୁସଲମାନ ବାପା ଏବଂ ଖ୍ରୀଷ୍ଟିଆନ ମା’ଠାରୁ କେମିତି ଜନ୍ମ ହେଲା ବ୍ରାହ୍ମଣ ସନ୍ତାନ : ପ୍ରମାଣ ମାଗିଲେ ବିବାଦୀୟ ମନ୍ତ୍ରୀ ହେଗଡେ

11/03/2019 at 7:05 PM

ଦିଲ୍ଲୀ ୧୧/୩ : ବିବାଦୀୟ ବୟାନ ଦେଇ ଅଧିକାଂଶ ସମୟରେ ଚର୍ଚ୍ଚାରେ ରହୁଥିବା କେନ୍ଦ୍ରମନ୍ତ୍ରୀ ଅନନ୍ତ କୁମାର ହେଗଡେ ପୁଣିଥରେ ଏକ ବିବାଦୀୟ ବୟାନ ଦେଇଛନ୍ତି | କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ଟାର୍ଗେଟ କରିଛନ୍ତି ହେଗଡେ | ସେ କହିଛନ୍ତି ଯେ, ମୁସଲମାନ ବାପା ଏବଂ ବିଦେଶୀ ଖ୍ରୀଷ୍ଟିଆନ ମା’ଠାରୁ ଜନ୍ମ ହୋଇଥିବା ସନ୍ତାନ ବ୍ରାହ୍ମଣ କେମିତି ହେଲା | କର୍ଣ୍ଣାଟକ ଭଟକଲରେ ଏକ ସମାରୋହରେ ଦଳର କର୍ମୀଙ୍କୁ ସମ୍ବୋଧିତ କରି ଏଭଳି ମନ୍ତବ୍ୟ ଦେଇଛନ୍ତି | ରାଜୀବ ଗାନ୍ଧୀ ଏବଂ ରାହୁଲ ଗାନ୍ଧୀ ‘ଗାନ୍ଧୀ’ କିଭଳି ହେଲେ ସେନେଇ ପ୍ରଶ୍ନ କରିଛନ୍ତି ହେଗଡେ | କଂଗ୍ରେସ ନେତାଙ୍କ ତରଫରୁ ଭାରତୀୟ ବାୟୁସେନା ଦ୍ୱାରା ଵାଲାକୋଟରେ କରାଯାଇଥିବା ଏୟାର ଷ୍ଟ୍ରାଇକର ପ୍ରମାଣ ମାଗିବା ପରେ ରାହୁଲଙ୍କୁ ବ୍ରାହ୍ମଣ ହେବାର ପ୍ରମାଣ ମାଗିଥିଲେ ହେଗଡେ |


ସେ କହିଥିଲେ ଯେ, ମୁସଲମାନର ସନ୍ତାନ (ରାଜୀବ ଗାନ୍ଧୀ) କେମିତି ବ୍ରାହ୍ମଣ ହେଲେ ତାର କ’ଣ ପ୍ରମାଣ ଅଛି କି ? ସେ କହିଥିଲେ ଯେ, ସେ ଥଟ୍ଟା କରୁନାହାନ୍ତି ବରଂ ଅନ ରେକର୍ଡ ପ୍ରଶ୍ନ କରୁଛନ୍ତି | ଯେତେବେଳେ ରାଜୀବ ଗାନ୍ଧୀଙ୍କ ମୃତ୍ୟୁ ହୋଇଥିଲା, ସେତେବେଳେ ପରିଚୟ ପାଇଁ ଡିଏନଏ ଟେଷ୍ଟ କରିବା ପାଇଁ କୁହାଯାଇଥିଲା | ସେତେବେଳେ ରାହୁଲ ଗାନ୍ଧୀଙ୍କ ଡିଏନଏ ଟେଷ୍ଟ କରିବା ପାଇଁ କୁହାଯିବାରୁ ସୋନିଆ ଗାନ୍ଧୀ ମନା କରିଦେଇଥିଲେ | ସୋନିଆ ଗାନ୍ଧୀ କହିଥିଲେ ପ୍ରିୟଙ୍କା ଗାନ୍ଧୀଙ୍କ ଡିଏନଏ ଟେଷ୍ଟ କରିଦିଅନ୍ତୁ | ତେବେ ସତ କ’ଣ ସମସ୍ତେ ଜାଣିଛନ୍ତି ତଥାପି ଏୟାର ଷ୍ଟ୍ରାଇକର ପ୍ରମାଣ ମାଗୁଛନ୍ତି | ପ୍ରମାଣ ମାଗିବାଔକାତ କଂଗ୍ରେସର ନାହିଁ ବୋଲି କହିଛନ୍ତି ବିଜେପି ନେତା ଅନନ୍ତ କୁମାର ହେଗଡେ |

   Related Posts