Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

ଭାରତର ଐତିହାସିକ ବିଜୟରେ ୬ ହିରୋଙ୍କୁ SUV କାର୍ ଉପହାର ଦେବେ ଆନନ୍ଦ ମହିନ୍ଦ୍ରା

23/01/2021 at 4:02 PM

ନୂଆଦିଲ୍ଲୀ ୨୩/୦୧ : ଅଷ୍ଟ୍ରେଲିଆ ବିପକ୍ଷରେ ଭାରତୀୟ ଖେଳାଳି ଐତିହାସିକ ବିଜୟ ହାସଲ ପରେ ସାରା ବିଶ୍ୱରେ ଭାରତୀୟ ଖେଳାଳିଙ୍କ ପ୍ରଶଂସା ହେଉଛି। ଭାରତର ଯୁବ ଖେଳାଳି ଆକର୍ଷଣୀୟ ପ୍ରଦର୍ଶନ କରି ପ୍ରଶଂସକଙ୍କ ହୃଦୟ ଜିତିଛନ୍ତି। କ୍ରିକେଟ ବିଶେଷଜ୍ଞ ମଧ୍ୟ ଭୁରି ଭୁରି ଏହି ଖେଳାଳିଙ୍କର ପ୍ରଶଂସା କରୁଛନ୍ତି। ଭାରତର ଐତିହାସିକ ବିଜୟ ପରେ ବିସିସିଆଇ ଖେଳାଳିଙ୍କୁ ୫ କୋଟି ଟଙ୍କା ବୋନସ ପୁରସ୍କାର ଭାବେ ଦେବାକୁ ଘୋଷଣା କରିଛି। ମହିନ୍ଦ୍ରା ଆଣ୍ଡ ମହିନ୍ଦ୍ରା ଗ୍ରୁପ ଚେୟାରମ୍ୟାନ ଆନନ୍ଦ ମହିନ୍ଦ୍ରା ମଧ୍ୟ ଭାରତୀୟ ଖେଳାଳିଙ୍କୁ ଏକ ବଡ ଉପହାର ଦେବାକୁ ଘୋଷଣା କରିଛନ୍ତି। ସେ ନିଜ ଟ୍ୱିଟର ଆକାଉଣ୍ଟରେ ଟ୍ୱିଟ କରି ଘୋଷଣା କରିଛନ୍ତି।

ଆନନ୍ଦ ମହିନ୍ଦ୍ରା ୬ ଯୁବ ଖେଳାଳିଙ୍କୁ SUV କାର ଉପହାର ଦେବାକୁ ଘୋଷଣା କରିଛନ୍ତି। ଯେଉଁ ଯୁବ ଖେଳାଳି ଅଷ୍ଟ୍ରେଲିଆ ବିପକ୍ଷରେ ମୁଖ୍ୟ ଭୂମିକା ଗ୍ରହଣ କରିଥିଲେ ସେହି ୬ଜଣ ଯୁବ ଖେଳାଳିଙ୍କୁ (Mahindra Thar SUV) କାର ଦେବାକୁ ଘୋଷଣା କରିଛନ୍ତି। ମହମ୍ମଦ ସିରାଜ, ଟି ନଟରାଜନ, ଶାର୍ଦୁଲ ଠାକୁର, ୱାସିଂଟନ ସୁନ୍ଦର, ଶୁଭମନ ଗିଲ ଓ ନବଦ୍ୱୀପ ସାଇନିଙ୍କୁ ଉପହାର ଦେବାକୁ ଘୋଷଣା କରିଛନ୍ତି।

ଆନନ୍ଦ ମହିନ୍ଦ୍ରା କେଉଁ ଖେଳାଳିଙ୍କୁ ଉପହାର ଦେଇଥିବା ଏହା ପ୍ରଥମ ମାମଲା ନୁହେଁ। ସେ ପୂର୍ବରୁ ମଧ୍ୟ ଅନେକଥର ଖେଳାଳିଙ୍କୁ ଉପହାର ଦେଇ ଖେଳାଳିଙ୍କ ମନୋବଳ ବଢ଼ାଇଛନ୍ତି। ଆନନ୍ଦ ମହିନ୍ଦ୍ରା ଏହାପୂର୍ବରୁ ୨୦୧୭ ରେ କିଦାମ୍ବି ଶ୍ରୀକାନ୍ତଙ୍କୁ TUV 300 ଉପହାର ଦେଇଥିଲେ।

ଅଷ୍ଟ୍ରେଲିଆ ବିପକ୍ଷରେ ଐତିହାସିକ ବିଜୟରେ ମହମ୍ମଦ ସିରାଜ ମହତ୍ତ୍ୱପୂର୍ଣ୍ଣ ଭୂମିକା ନେଇଥିଲେ। ସିରାଜ ଆକର୍ଷଣୀୟ ପ୍ରଦର୍ଶନ କରି ୧୩ଟି ୱିକେଟ ନେବାରେ ସଫଳ ହୋଇଥିଲେ। ସେ ଶେଷ ଟେଷ୍ଟ ମ୍ୟାଚରେ ୫ଟି ୱିକେଟ ନେଇ ଅଷ୍ଟ୍ରେଲିଆକୁ ବଡ ସ୍କୋର କରିବାରେ ରୋକିଥିଲେ।

ପ୍ରଥମଥର ପାଇଁ ଭାରତ ବ୍ରିସବେନରେ ବିଜୟ ଲାଭ କରିଛି ଓ ଅଷ୍ଟ୍ରେଲିଆ ଟିମ ଗତ ୩୨ ବର୍ଷର ଇତିହାସରେ ପ୍ରଥମଥର ବ୍ରିସବେନରେ ଟେଷ୍ଟ ମ୍ୟାଚ ହାରିଛି।

   Related Posts