Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ଅମାନିଆଙ୍କୁ ବୁଝାଇବାକୁ ପୋଲିସର ପ୍ରୟାସ ଜାରି, ଗୀତ ଗାଇ ଲୋକଙ୍କୁ କଲେ ସଚେତନ

5/04/2020 at 11:00 AM

ଝାରସୁଗୁଡା ୦୫।୦୪: କରୋନା ସ୍ଥିତିକୁ ନିୟନ୍ତ୍ରଣରେ ଆଣିବାକୁ କେନ୍ଦ୍ର ସରକାର ସାରା ରାଜ୍ୟକୁ ୨୧ଦିନିଆ ଲକ୍‌ଡାଉନ୍‌ ଘୋଷଣା କରିଛନ୍ତି । ତେବେ ଲକ୍‌ଡାଉନ୍‌ ଘୋଷଣା ହୋଇଥିବା ବେଳେ ବି କେତେକ ଲୋକ ବିଭିନ୍ନ ଆଳ ଦେଖାଇ ନିୟମ ଭାଙ୍ଗୁଥିବା ଦେଖିବାକୁ ମିଳିଛି । ସାଧାରଣଲୋକମାନଙ୍କ ମଧ୍ୟରେ ଅଧିକ ଅଧିକରୁ ଲୋକ ନିୟମ ମାନୁଥିଲେ ମଧ୍ୟ କିଛି ଲୋକ ଏବେ ବି ନିୟମ ମାନିବାକୁ ନାରାଜ । ତେବେ ଏହିପରି ଲୋକଙ୍କୁ ବୁଝାଇବାକୁ ଅଭିନବ ଉପାୟ ଆପଣାଇଛନ୍ତି ଝାରସୁଗୁଡା ପୋଲିସ ।

ଲକଡାଉନକୁ ସଫଳ କରିବାକୁ ଗତକାଲି ପୋଲିସ ହାତଯୋଡ଼ିବା ପରେ ଆଜି ଗୀତ ମାଧ୍ୟମରେ ଲୋକଙ୍କୁ ମନାଇବାର ପ୍ରୟାସ କରିଛି। ରାଜ୍ୟରେ କରୋନା ଆକ୍ରାନ୍ତ ଙ୍କ ସଂଖ୍ୟା ବୃଦ୍ଧି ପାଇ ୨୧ରେ ପହଞ୍ଚିଛି। ତଥାପି ସାଧାରଣ ଲୋକଙ୍କ ଚେତା ପଶୁନି। ତେଣୁ ଲୋକେ କିପରି ଲକଡାଉନ ରେ ରହି କରୋନା ଯୁଦ୍ଧ କୁ ଜିତିବେ ସେଥିପାଇଁ ଦିନରାତି ଏକ କରିଦେଇଛି ପୋଲିସ।ଲକଡାଉନ ଅବଧି ସରି ଆସୁଥିବା ବେଳେ ଲୋକଙ୍କୁ ପୋଲିସ ଦିନକୁ ଦିନ କଠୋର ହେଉଛି। କାରଣ ସାଧାରଣ ଲୋକାଙ୍କୁ ପ୍ରଥମେ ବୁଝାଇବା ପରେ ଲକ୍ଷାଧିକ ଟଙ୍କା ଫାଇନ ଆଦାୟ କଲା ଝାରସୁଗୁଡ଼ା ପୋଲିସ। ଏଥିରେ ମଧ୍ୟ ଲୋକେ ବାହାନା କରି ଘରୁ ବାହାରିବା ଯୋଗୁଁ ଗତକାଲି ଝାରସୁଗୁଡା ପୋଲିସ ନିଜ ସମସ୍ୟା ଥିବା ସତ୍ତ୍ୱେ ଲୋକଙ୍କ ଜୀବନ ପାଇଁ ଦିନରାତି କାମ କରୁଥିବା କହି ପ୍ଲାକାର୍ଡ ଧରି ରାଜରାସ୍ତାରେ ହାତଯୋଡ଼ି ଥିଲା।

ଆଜି ପୋଲିସ ବିଭାଗରେ କାମ କରୁଥିବା ଜଣେ ହାବିଲଦାର ନିଜେ ଏକ ସୁନ୍ଦର ଗୀତ ଲେଖି ନିଜେ ଗାଇ ଝାରସୁଗୁଡା ସହରାଞ୍ଚଳରେ ବୁଲି ବୁଲି ସଚେତନତା ସୃଷ୍ଟି କରାଉଛନ୍ତି। ହାବିଲଦାର ଜଣଙ୍କ ଗୀତ ଗାଉଥିବା ବେଳେ ତାଙ୍କ ସହ ପ୍ରଶାସନିକ ଅଧିକାରୀମାନେ ଓ ପୋଲିସ ବିଭାଗର ବରିଷ୍ଠ ଅଧିକାରୀ ମାନେ ବୁଲି ତାଳି ମାରି ଉତ୍ସାହିତ କରୁଛନ୍ତି। ସହରର ମୁଖ୍ୟ ରାସ୍ତାରେ ସଂଗୀତର ତାଳେ ତାଳେ ସମସ୍ତ ଅଧିକାରୀ ମାନେ ଚାଲୁଥିବା ବେଳେ ନିଜ ଘର ବାଲକୁନି ଉପରେ ରହି ସ୍ଥାନୀୟ ବାସିନ୍ଦା ମଧ୍ୟ ପୋଲିସ ବାହିନୀକୁ ଉତ୍ସାହିତ କରିଥିଲେ। ବାସ୍ତବରେ ପୋଲିସର ଏଭଳି ପ୍ରୟାସକୁ ସମସ୍ତେ ପସନ୍ଦ କରୁଛନ୍ତି। ଫଳରେ ଆଗାମୀ କିଛି ଦିନରେ ଝାରସୁଗୁଡା ସହରର ଲକଡାଉନ ଅଧିକ ସଫଳ ହେବ ବୋଲି ଆଶା ପ୍ରକଟ କରି ଏଥିରେ ଅମାନିଆ ହେଲେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବା ଚେତାଵନୀ ଦେଇଛି ପୋଲିସ ଓ ଜିଲ୍ଲା ପ୍ରଶାସନ।

   Related Posts