Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ବ୍ୟୁଟି ପାର୍ଲରରେ କାମ କରୁଥିବା ବେଳେ ନିଶାଭ୍ୟସ୍ତ ହେଲା ଝିଅ,ଏବେ ଘରେ ଶିକୁଳିରେ ବାନ୍ଧି ରଖିଛନ୍ତି ପରିବାର ଲୋକେ

28/08/2019 at 4:54 PM

ଅମୃତସର: ପଞ୍ଜାବରେ ଯୁବ ପୀଢିଙ୍କୁ  ନିଶା କିପରି କବଳିତ କରିଛି ତାର ଏକ ଉଦାହରଣ ଦେଖିବାକୁ ମିଳିଛି ଅମୃତସର ରଣଜିତ ଅଭେନ୍ୟୁ ସି ବ୍ଲକରେ । ୨୪ ବର୍ଷ ବୟସ୍କା ଜନୈକା ଯୁବତୀଙ୍କୁ ତାଙ୍କ ମା ଘରେ ଶିକୁଳିରେ ବାନ୍ଧି ରଖିଛନ୍ତି। ଘରେ ବନ୍ଧା ହୋଇ ରହିଲେ କାଳେ ନିଶାଭ୍ୟାସରୁ ମୁକ୍ତ ହୋଇଯିବ ବୋଲି ତାଙ୍କ ଭାବିଛନ୍ତି ପରିବାର ଲୋକେ। ଏଣୁ ଶିକୁଳିରେ ତାଲା ବି ପକାଇଛନ୍ତି।

ଯୁବତୀ ମାନସିକ ସ୍ତରରେ ବେଶ ସୁସ୍ଥ ।  ହେଲେ ସେ ନିଶା ବାବଦରେ କରୁଥିବା ଖର୍ଚ୍ଚ ଘର ଲୋକେ ଆଉ ଯୋଗାଇ ପାରୁ ନାହାନ୍ତି। ଏଣୁ ଗତ କିଛିମାସ ହେଲା ତାଙ୍କୁ ଏଭଳି ଜଞ୍ଜିରରେ ବାନ୍ଧି ରଖିଛନ୍ତି ।  କିନ୍ତୁ ଶିକୁଳି ଖୋଲିଦେଲେ ସେ ପୁଣି ନିଶାଖୋର ଲୋକଙ୍କ ସାଙ୍ଗରେ ମିଶି ନିଶା କରିବାର ଆଶଙ୍କାବି ରହିଛି। ଏଣୁ ପରିବାର ଲୋକେ କୌଣସି ଭଲ ହସ୍ପିଟାଲରେ ତାର ଚିକିତ୍ସା କରାଇବା ଲାଗି ସରକାରଙ୍କୁ ଗୁହାରି କରିଛନ୍ତି।

ଯୁବତୀଙ୍କ ମାଙ୍କ କହିବା ଅନୁସାରେ ତାଙ୍କ ଝିଅ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠ ପଢିଛି। ବ୍ୟୁଟି ପାର୍ଲର କାମ ଶିଖି ଗତ ୮-୯ ବର୍ଷ ହେଲା ସେ ଚଣ୍ଡିଗଡରେ ରହି କାମ କରୁଥିଲା। ଏଥିରୁ ସେ ଭଲ ଆୟ ବି କରୁଥିଲା। ହେଲେ ନିଶାଭ୍ୟାସରେ ପଡି ସେ ସବୁକିଛି ହରାଇଛି। ନିଶା ଲାଗି ଅର୍ଥାଭାବ ହେବାରୁ ସେ ଗୋଟି ଗୋଟି କରି ନିଜର ଗହଣା ବିକି ଦେଇଛି। ଶେଷରେ ପଇସା ଅଭାବ ହେବାରୁ ନିଜେ ଯିବାଆସିବା ଲାଗି କିଣିଥିବା ସ୍କୁଟରକୁ ବି ବିକି ଦେଇଛି। ତା ଅବସ୍ଥା ଦେଖି ପରିବାର ଲୋକେ ତାକୁ ଅମୃତସର ନେଇଆସିଥିଲେ। ହେଲେ ଏଠାରେ ବି ତାକୁ ନିଶା ଛାଡିନି। ନିଶା କରିବାକୁ ସେ ଘରୁ ଜିନିଷପତ୍ର ବିକିବାରୁ ପରିବାର ଲୋକେ ତାକୁ ହସ୍ପିଟାଲରେ ବି ଭର୍ତ୍ତି କରିଥିଲେ। ହେଲେ ତାକୁ ନିଶାଭ୍ୟାସରୁ ଏପର୍ଯ୍ୟନ୍ତ ମୁକ୍ତ କରାଯାଇପାରିନି।

   Related Posts