Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||
  • ଭୁବନେଶ୍ବର : ସାଲିଆ ସାହିରୁ ୫ଶହ ଲିଟରରୁ ଅଧିକ ଦେଶୀ ମଦ ଜବତ, ୯ ଅଭିଯୁକ୍ତ ଗିରଫ
  • ||

ଅମ୍ଫାନ ଚ୍ୟାଲେଞ୍ଜ : ବାତ୍ୟା ମୁକାବିଲା ଦକ୍ଷତାର ପୁଣିଥରେ ପ୍ରମାଣ ଦେଲା ଓଡିଶା ପ୍ରଶାସନ

20/05/2020 at 5:32 PM

ଭୁବନେଶ୍ୱର ୨୦/୦୫ : ଗୋଟେ ପଟେ କରୋନା ଯୁଦ୍ଧ । ଆଉ ଗୋଟେ ପଟେ ବାତ୍ୟା ଅମ୍ଫାନର ମୁକାବିଲା । ରାଜ୍ୟ ସରକାରଙ୍କ ପାଇଁ ସୃଷ୍ଟି କରିଥିଲା ବଡ଼ ଚାଲେଂଜ ।  ଅମ୍ଫାନ୍‌ର ମୁଭମେଣ୍ଟକୁ ନେଇ ଭାରତୀୟ ପାଣିପାଗ ବିଭାଗର ସୂଚନା ଅନୁସାରେ ଉପକୂଳ ଓଡ଼ିଶାରେ ବାତ୍ୟାର ମୁକାବିଲା ପାଇଁ ଜୋରଦାର ପ୍ରସ୍ତୁତି କରିଥିଲେ ରାଜ୍ୟ ସରକାର । ବିପଦ ଛୁଇଁବା ପୂର୍ବରୁ ପ୍ରାୟ ଲକ୍ଷାଧିକ ଲୋକଙ୍କୁ ସୁରକ୍ଷିତ ସ୍ଥାନାନ୍ତର କରାଯାଇଥିଲା । ପ୍ରଭାବିତ ହେବାକୁ ଥିବା ଅଂଚଳରେ ଏନଡିଆରଏଫ, ଓଡ୍ରାଫ୍‌, ଅଗ୍ନିଶମ ବାହିନୀଙ୍କୁ ତୟାର ରଖାଯାଇଥିଲା ।

ବାତ୍ୟା ଅମ୍ଫାନ୍‌କୁ ନେଇ ଭାରତୀୟ ପାଣିପାଗ ବିଭାଗର ପ୍ରତ୍ୟେକଟି ସୂଚନାକୁ ବେଶ୍‌ ଗୁରୁତ୍ବ ଦେଇ ମୁକାବିଲା ପ୍ରସ୍ତୁତି ଆରମ୍ଭ କରିଥିଲେ ରାଜ୍ୟ ସରକାର । ବାରମ୍ବାର ପ୍ରସ୍ତୁତିର ସମୀକ୍ଷା କରିବା ସହ ଜିରୋ କାଜୁଆଲିଟି ଉପରେ ଗୁରୁତ୍ବ ଦେଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସମ୍ଭାବ୍ୟ ପ୍ରଭାବିତ ଜିଲ୍ଲାର ଜିଲ୍ଲାପାଳମାନଙ୍କୁ ବିଭିନ୍ନ ସତର୍କତାମୂଳକ ପଦକ୍ଷେପ ଗ୍ରହଣ କରିବାକୁ ନିର୍ଦେଶ ଦିଆଯାଇଥିଲା ।

ଯେଉଁ ଅଂଚଳରେ ଅଧିକ ପବନ ଓ ବର୍ଷାର ସମ୍ଭାବନା ଥିଲା ସେହି ଅଂଚଳରେ ଲୋକଙ୍କୁ ସୁରକ୍ଷା ଦେବାକୁ ଆରମ୍ଭ ହୋଇଥିଲା ପ୍ରସ୍ତୁତି । ସମୁଦ୍ର ଉପକୂଳରୁ ୫କିଲୋମିଟର ପର୍ଯ୍ୟନ୍ତ ରହୁଥିବା ଲୋକଙ୍କୁ ସୁରକ୍ଷିତ ସ୍ଥାନାନ୍ତର ଥିଲା ଜିଲ୍ଲା ପ୍ରଶାସନ ପାଇଁ ମୁଖ୍ୟ ଚାଲେଂଜ୍‌ । ୧୯ ଅପରାହ୍ଣରୁ ଆରମ୍ଭ କରାଯାଇଥିଲା ଲୋକଙ୍କୁ ସ୍ଥାନାନ୍ତର ପ୍ରକ୍ରିୟା । ରାତି ୧୧ଟା ସୁଦ୍ଧା ଉପକୂଳବର୍ତ୍ତୀ ଜିଲ୍ଲାଗୁଡ଼ିକରେ  ପ୍ରାୟ ଲକ୍ଷେ ୬ହଜାର ଲୋକଙ୍କୁ ସ୍ଥାନୀୟ ଅଂଚଳରେ ବିଭିନ୍ନ ବାତ୍ୟା ଆଶ୍ରୟସ୍ଥଳକୁ ନିଆଯାଇଥିଲା । ଯେଉଁଠି ସେମାନଙ୍କ ରହିବା ଓ ଖାଇବାପିଇବା ବ୍ୟବସ୍ଥା କରାଯାଇଥିଲା ।ପ୍ରଭାବିତ ଆଶଙ୍କା ଥିବା ଅଂଚଳରେ ଗର୍ଭବତୀ ମହିଳାମାନଙ୍କୁ ହସ୍ପିଟାଲକୁ ନିଆଯାଇଥିଲା ।      

ବାତ୍ୟା ପରବର୍ତ୍ତୀ ମୁକାବିଲା ପାଇଁ ଏନଡିଆରଏଫ୍‌, ଓଡ୍ରାଫ୍‌, ଅଗ୍ନିଶମ ବାହିନୀ, ବନ ବିଭାଗ କର୍ମଚାରୀଙ୍କୁ ମୁତୟନ କରାଯାଇଥିଲା । ପବନ ଯୋଗୁଁ ଗଛ, ବିଦ୍ୟୁତ୍‌ ଖୁଣ୍ଟ ଉପୁଡ଼ି ଦୀର୍ଘ ସମୟ ରାସ୍ତା ଅବରୋଧ  ନହୁଏ ସେଥି ପ୍ରତି ଅଧିକ ଗୁରୁତ୍ବ ଦିଆଯାଇଥିଲା । କେନ୍ଦ୍ରାପଡ଼ାରେ ପବନବର୍ଷା ସମୟରେ  ରାସ୍ତାରୁ ୨୨ଟି ଗଛ ହଟାଇ ଜଣେ ଗର୍ଭବତୀ ମହିଳାଙ୍କୁ ହସ୍ପିଟାଲରେ ପହଞ୍ଚାଇବା ଘଟଣା ପ୍ରଶାସନିକ ପୂର୍ବ ପ୍ରସ୍ତୁତିର ଏକ ବଡ଼ ଉଦାହରଣ ଭାବେ ନିଆଯାଇପାରେ । ସେହିଭଳି ବାତ୍ୟା ଯିବା ପରେ ପ୍ରଭାବିତ ଅଂଚଳରେ ବିଦ୍ୟୁତ୍‌ ରିଷ୍ଟୋରେସନ ହେଉ କି ପିଇବା ପାଣି ଯୋଗାଇବା ସେସବୁ ପ୍ରତି ମଧ୍ୟ ଗୁରୁତ୍ବ ଦେଇଥିଲେ ସରକାର ।

ପ୍ରଥମ ଥର ପାଇଁ ବାତ୍ୟା ପ୍ରଭାବିତ ଅଂଚଳରେ ଗଛକାଟି ରାସ୍ତା ସଫା କାମରେ ବନବିଭାଗ ଟିମ୍‌କୁ ନିୟୋଜିତ କରାଯାଇଥିଲା । ଗ୍ରାଉଣ୍ଡ ଜିରୋରେ ପ୍ରାୟ ୩ହଜାରରୁ ଅଧିକ କର୍ମଚାରୀ ବାତ୍ୟା ମୁକାବିଲା କାର୍ଯ୍ୟରେ ଲାଗିଥିଲେ ।

   Related Posts