Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲୋକସଭାରେ ପାରିତ ହେଲା କୃଷି ଆଇନ ଉଚ୍ଛେଦ ବିଲ୍‌
  • ||
  • କୃଷକଙ୍କୁ ଦଳି ମାରିଲେ ୭ ଦନ୍ତା, ଖଣ୍ଡ ଖଣ୍ଡ କରିଦେଲେ ଶରୀର
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ, ୨୩୬ ମୃତ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୯କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୭ କରୋନା ସଂକ୍ରମିତ, ୧୦୪୮୮୮୦ରେ ପହଞ୍ଚିଲା ସଂଖ୍ୟା
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଓମିକ୍ରନ୍ ନେଇ AIIMS ମୁଖ୍ୟ ଗୁଲେରିଆ ଦେଲେ ଚେତାବନୀ, କହିଲେ ନୂଆ ଭାରିଆଣ୍ଟ ଭାକସିନକୁ ଦେଇପାରେ ଚକମା
  • ||

ଦିବଂଗତ ଭିଡିଓ ଜର୍ଣ୍ଣାଲିଷ୍ଟଙ୍କ ପରିବାରକୁ ସହାୟତା: ସମାଜସେବୀ ଏକେ ଦାସ ଦେଲେ ୧ ଲକ୍ଷ ଟଙ୍କାର ଚେକ୍

18/05/2020 at 9:54 PM

ଭୁବନେଶ୍ୱର, ୧୮|୦୫:  ବରିଷ୍ଠ ଭିଡିଓ ଜର୍ଣ୍ଣାଲିଷ୍ଟ ସୁକାନ୍ତ କୁମାର ପାଣିଗ୍ରାହୀଙ୍କ ଦେହାନ୍ତ ପରେ ଅନେକ ସହୃଦୟ ବ୍ୟକ୍ତି ତାଙ୍କ ପରିବାରକୁ ସହାୟତାର ହାତ ବଢାଇଛନ୍ତି । ସୁକାନ୍ତଙ୍କ ପରଲୋକରେ ତାଙ୍କ ପତ୍ନୀ ଓ ୭ ବର୍ଷର ଝିଅ ସମ୍ପୂର୍ଣ୍ଣ ଭାବେ ଭାଙ୍ଗି ପଡିଥିବା ବେଳେ ସମବେଦନା ସହ ସହାୟତାର ପ୍ରତିଶ୍ରୁତି ରଖିଛନ୍ତି ବହୁ ସହୃଦୟ ବ୍ୟକ୍ତି ।

ଏକେ ଦାସ ଆସୋସିଏଟସର ଚେୟାରମ୍ୟାନ ତଥା ସମାଜସେବୀ ଅମୀୟ ଦାସ ସୁକାନ୍ତଙ୍କ ପରିବାରକୁ ୧ ଲକ୍ଷ ଟଙ୍କାର ଚେକ୍ ପ୍ରଦାନ କରିଛନ୍ତି । ଅମୀୟ ଦାସ ସାମାଜିକ କାର୍ଯ୍ୟ ପାଇଁ ଜଣାଶୁଣା । ସେ ଅନେକ ଅସହାୟଙ୍କୁ ସହାୟତାର ହାତ ମଧ୍ୟ ବଢାଇଛନ୍ତି ।

ଅମୀୟ ଦାସ କହିଛନ୍ତି ଯେ, ରାଜ୍ୟରେ କାର୍ଯ୍ୟରତ ସାମ୍ବାଦିକଙ୍କ ମାନେ ପ୍ରତିକୂଳ ପରିସ୍ଥିତିରେ ନିଜ କାର୍ଯ୍ୟ ସମ୍ପାଦନ କରୁଛନ୍ତି । ସରକାର ମଧ୍ୟ ସାମ୍ବାଦିକଙ୍କ ପାଇଁ ବିଭିନ୍ନ ପଦକ୍ଷେପ ନେବା ଉଚିତ ।

ସୂଚନାଯୋଗ୍ୟ, ସୁକାନ୍ତ ଗତ ଶନିବାର କ୍ୟାନସରରେ ପ୍ରାଣ ହରାଇଥିଲେ । ତାଙ୍କ ଦେହାନ୍ତରେ ଘରେ କେବଳ ସ୍ତ୍ରୀ ଓ ୭ ବର୍ଷର ଝିଅ ରହିଛନ୍ତି । ସୁକାନ୍ତଙ୍କ ମୃତ୍ୟୁ ତାଙ୍କ ପରିବାରକୁ ଏକ ବଡ ଝଟକା ଦେଇଛି । ସେ ବିଭିନ୍ନ ଗଣମାଧ୍ୟମ ସଂସ୍ଥାରେ ଦୀର୍ଘ ୧୫ ବର୍ଷ ଧରି ଦାୟିତ୍ୱ ତୁଲାଇ ସାରିଛନ୍ତି ।

ଗତ ସେପ୍ଟେମ୍ବର ୨୦୧୯ରେ ସ୍ୱାସ୍ଥ୍ୟଜନିତ କାରଣରୁ ସେ ଆଉ ଚାକିରୀ କରିପାରି ନଥିଲେ । ଏପରି ଅବସ୍ଥାରେ ସେ ନିଜ ଚିକିତ୍ସା ସହ ପରିବାର ମଧ୍ୟ ଚଳାଉଥିଲେ । ଏପରିକି ସେ ୫ ଲକ୍ଷ ଟଙ୍କାର ଲୋନ ମଧ୍ୟ ନେଇଥିଲେ । ଡିସେମ୍ବର ୨୦୧୯ରେ ତାଙ୍କ ସ୍ୱାସ୍ଥ୍ୟାବସ୍ଥା ବିଗିଡିଥିଲା । ଏପରିକି ସେ ଗତ କିଛି ଦିନ ତଳେ ପକ୍ଷାଘାତର ଶିକାର ମଧ୍ୟ ହୋଇଥିଲେ । ଶେଷରେ ସେ ଗତ ଶନିବାର ଶେଷ ନିଶ୍ୱାସ ତ୍ୟାଗ କରିଛନ୍ତି ।  

ଆଉ ଯଦି କେହି ସହୃଦୟ ବ୍ୟକ୍ତି ତାଙ୍କ ପରିବାରକୁ ସାହାଯ୍ୟ କରିବାକୁ ଚାହାଁନ୍ତି ତେବେ ତାଙ୍କ ପତ୍ନୀଙ୍କ ଆକାଉଣ୍ଟ ନମ୍ବରରେ ଟଙ୍କା ପଠାଇପାରିବେ ।

ଆକାଉଣ୍ଟଧାରୀଙ୍କ ନାମ- ସ୍ୱାଗତିକା ସାବତ

ଆକାଉଣ୍ଟ ନମ୍ବର – ୩୩୨୨୪୩୦୫୨୧୧

ଭାରତୀୟ ଷ୍ଟେଟ୍ ବ୍ୟାଙ୍କ୍, ବ୍ରହ୍ମପୁର ଶାଖା

ଆଇଏଫଏସସି କୋଡ- SBIN0000033

   Related Posts