Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ନିଜ ବ୍ଲଗରେ ମୁଣ୍ଡ ନୁଆଇଁ ନିଜର ନିକଟତର ବନ୍ଧୁ ତଥା ଦିବଂଗତ ନେତା ଅମର ସିଂହଙ୍କୁ ଶ୍ରଦ୍ଧାଞ୍ଜଳି ଦେଲେ ବିଗ୍ ବି

2/08/2020 at 2:38 PM

ମୁମ୍ବାଇ ୦୨/୦୮ : କରୋନାରେ ସଂକ୍ରମିତ ମହାନାୟକ ଅମିତାଭ ବଚ୍ଚନ ନିଜ ବ୍ଲଗ ଜରିଆରେ ନିଜର ଆତ୍ମୀୟ ବନ୍ଧୁ ଓ ରାଜ୍ୟସଭା ସଦସ୍ୟ ଅମର ସିଂହଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି | ଅମର ସିଂହଙ୍କ ସହିତ ସେ ନିଜର ବନ୍ଧୁତ୍ୱକୁ ବି ମନେପକାଇଛନ୍ତି | ସିଙ୍ଗାପୁରର ଏକ ଘରୋଇ ହସ୍ପିଟାଲରେ ଶନିବାର ଦିନ ଅମର ସିଂହଙ୍କ ନିଧନ ହୋଇଛି | ୬୪ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି | ୨୦୧୧ ମସିହାରେ ଅମର ସିଂହଙ୍କ କିଡନୀ ଟ୍ରାନ୍ସପ୍ଲାଣ୍ଟ ହୋଇଥିଲା ଏବଂ ବହୁ ଦିନ ତାଙ୍କ ସ୍ୱାସ୍ଥ୍ୟ ଭଲ ନଥିଲା | ଗତ କିଛି ମାସ ହେଲା ସିଙ୍ଗାପୁର ହସ୍ପିଟାଲରେ ତାଙ୍କର ଚିକିତ୍ସା ଚାଲିଥିଲା |

ଅମିତାଭ ବଚ୍ଚନ ଓ ଅମର ସିଂହଙ୍କ ବନ୍ଧୁତ୍ୱ ପାଖାପାଖି ଦୁଇ ଦଶକରୁ ଅଧିକ ପୁରୁଣା | ବିଗ ବି ନିଜ ବ୍ଲଗରେ ମୁଣ୍ଡ ନୁଆଇଁ ବ୍ଲାକ ଆଣ୍ଡ ହ୍ୱାଇଟ ଫଟୋ ସେୟାର କରି ଲେଖିଛନ୍ତି,’ଶୋକରେ ବୁଡି, ମୁଣ୍ଡ ନୁଆଇଁ, କେବଳ ପ୍ରାର୍ଥନା ଅଛି, ଜୀବନ, ଅଗାଢ ସମ୍ପର୍କ ଓ ଆତ୍ମା ଆଉ ନାହିଁ |’ ଯେତେବେଳେ ଅମିତାଭ ବଚ୍ଚନଙ୍କ ପ୍ରଡକ୍ସନ ହାଉସ ବଚ୍ଚନ କର୍ପୋରେସନ ଲିମିଟେଡ଼ ଦେବାଳିଆ ହେବାକୁ ବସିଥିଲା ସେତେବେଳେ ଅମର ସିଂହ ତାଙ୍କୁ ସାହାଯ୍ୟ କରିଥିଲେ ଏବଂ ସେବେଠାରୁ ଉଭୟଙ୍କ ମଧ୍ୟରେ ବନ୍ଧୁତ୍ୱ ସ୍ଥାପନା ହୋଇଥିଲା ବୋଲି କୁହାଯାଏ | 

ଜୟା ବଚ୍ଚନଙ୍କୁ ରାଜନୀତିକୁ ଆଣିବାର ଶ୍ରେୟ ମଧ୍ୟ ଅମର ସିଂହକୁ ଯାଉଛି | ୨୦୦୪ ମସିହାରେ ସମାଜବାଦୀ ପାର୍ଟି ତରଫରୁ ଜୟା ରାଜ୍ୟସଭା ସଦସ୍ୟ ହୋଇଥିଲେ | କିନ୍ତୁ ପରେ ଅମିତାଭ ଓ ଅମର ସିଂହଙ୍କ ସମ୍ପର୍କ ଖଟା ହୋଇଯାଇଥିଲା | କାରଣ ଅମର ସିଂହଙ୍କୁ ସମାଜବାଦୀ ପାର୍ଟିରୁ ବହିଷ୍କାର କରାଯାଇଥିଲା କିନ୍ତୁ ଜୟା ଦଳରେ ରହିବାକୁ ନିଷ୍ପତ୍ତି ନେଇଥିଲେ |

ଚଳିତ ବର୍ଷ ଫେବୃଆରୀ ମାସରେ ଅମର ସିଂହ ବଚ୍ଚନ ପରିବାର ସହ ମତଭେଦ ଦୂର କରି ଏକ ଟ୍ୱିଟ କରି ଲେଖିଥିଲେ,’ଆଜି ମୋର ପିତାଙ୍କ ପୂଣ୍ୟତିଥୀ ଓ ବଚ୍ଚନ ପରିବାର ତରଫରୁ ସନ୍ଦେଶ ମିଳିଛି | ଜୀବନର ଏହି ସମୟରେ ଯେତେବେଳେ ମୁଁ ଜୀବନ ମୃତ୍ୟୁ ସହ ସଂଗ୍ରାମ କରୁଛି | ଈଶ୍ୱର ସମସ୍ତଙ୍କୁ ଭଲରେ ରଖନ୍ତୁ |’

   Related Posts