ମୁମ୍ବାଇ ୧୬/୦୧ : 'କୌନ ବନେଗା କାରୋଡ଼ପତି' ସିଜନ-୧୨ର ସୁଟିଂ ପୁରା ହୋଇଯାଇଛି। ଖୁବ ଶୀଘ୍ର ଶୋ' ଶେଷ ହେବାକୁ ଯାଉଛି। ଶୋ' ନିର୍ମାତା ସିଜନର ଶେଷ ଏପିସୋଡକୁ ଦେଶଭକ୍ତି ହିସାବରେ ଶେଷ କରିବାକୁ ନିଷ୍ପତ୍ତି ନେଇଛନ୍ତି। ଜାନୁଆରୀ ୧୫, ସେନା ଦିବସ ଅବସରରେ ଶହୀଦ ଯବାନଙ୍କୁ ଶ୍ରଦ୍ଧାଞ୍ଜଳି ଦେଇ ଶେଷ ଏପିସୋଡ ସୁତ କରାଯାଇଥିଲା। ଗ୍ରାଣ୍ଡ ଫାଇନାଲ୍ ଏପିସୋଡରେ ଅମିତାଭ ବଚ୍ଚନ କାରଗିଲ ଯୋଦ୍ଧା ସୁବେଦାର ମେଜର ଯୋଗେନ୍ଦ୍ର ସିଂହ ଯାଦବ ଓ ସୁବେଦାର ସଂଜେ ସିଂହଙ୍କୁ ସ୍ୱାଗତ କରିବେ। ଏହା ପୂର୍ବରୁ ଶୋ'ରେ ମିଲିଟାରୀ ବ୍ୟାଣ୍ଡ ପରଫର୍ମ ହେବ। ସୋନି ଟିଭି ନିଜର ଇନଷ୍ଟାଗ୍ରାମ ଆକାଉଣ୍ଟରେ 'କୌନ ବନେଗା କାରୋଡ଼ପତି' ଶୋ'ର ଗ୍ରାଣ୍ଡ ଫାଇନାଲର ଟିଜର ସେୟାର କରିଛି। ଏଥିରେ ସେନା କର୍ମଚାରୀ ଷ୍ଟୁଡିଓରେ ପରେଡ ସହ ପରଫର୍ମ କରୁଥିବା ନଜର ଆସିଛନ୍ତି।

ଏହି ଭିଡିଓ ସେୟାର କରି ସୋନି ଟିଭି କ୍ୟାପ୍ସନ ଦେଇଛି, "ଆମେ ଏହି ମଞ୍ଚରୁ ଭାରତୀୟ ସେନାକୁ ସଲାମ ଜଣାଉଛୁ"

https://www.instagram.com/tv/CKENW4PHY-E/?utm_source=ig_embed

ସୋନି ଟିଭି ଆଉ ଏକ ପୋଷ୍ଟ ସେୟାର କରିଛି ଯେଉଁଥିରେ ପ୍ରତିଯୋଗୀ କିରଣ ବାଜପେୟୀଙ୍କ ସମ୍ପର୍କରେ କୁହାଯାଇଛି। ଏହି କ୍ଲିପିରେ କିରଣ ୧ କୋଟି ପ୍ରଶ୍ନ ପାଇଁ ଖେଳୁଥିବା ନଜର ଆସିଛନ୍ତି। ତେବେ ଦେଖିବା ବାକି ରହିଲା ସେ ଗୋଟିଏ କୋଟି ପ୍ରଶ୍ନର ଜବାବ ଦେଇ ପାରୁଛନ୍ତି ନା ନାହିଁ।

ଏହି ସିଜନରେ ୧ କୋଟି ଜିତିଥିବା ସମସ୍ତ ପ୍ରତିଯୋଗୀ ମହିଳା। ନାଜିଆ ନାସିମ, ମୋହିତା ଶର୍ମା, ଅନୁପା ଦାସ, ନେହା ଶାହ ଗୋଟିଏ କୋଟି ଟଙ୍କା ଜିତିଛନ୍ତି। ଏବେ ସୁଦ୍ଧା କୌଣସି ପ୍ରତିଯୋଗୀ ୭ କୋଟି ଜ୍ୟାକପଟ ଜିତି ନାହାନ୍ତି।