Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସଚିନ୍ ପାଇଲଟ୍‌ଙ୍କ ଫୁସଫୁସରେ ସଂକ୍ରମଣ, ଆଜି ଆସିବ ଟେଷ୍ଟ ରିପୋର୍ଟ
  • ||
  • ବରିଷ୍ଠ ବିଜେପି ନେତାଙ୍କ ବିବାଦୀୟ ବୟାନ୍-‘ମୁସଲମାନ୍ ପ୍ରାର୍ଥୀଙ୍କୁ କେବେ ବି ଦେବୁନି ଟିକେଟ୍’
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୩୯ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୧୮ କରୋନା ସଂକ୍ରମିତ, ୩୧୮୭୨୫ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆଜି ପ୍ରଧାନମନ୍ତ୍ରୀଙ୍କ ‘ଟିକା’ ସମୀକ୍ଷା, ଭ୍ୟାକସିନ୍ ବିକାଶରେ ଲାଗିଥିବା ୩ କମ୍ପାନୀ ସହ ଆଲୋଚନା
  • ||
  • ଆସନ୍ତାକାଲିଠୁ ପ୍ରସିଦ୍ଧ କୋଣାର୍କ ମହୋତ୍ସବ: କୋଭିଡ଼ କଟକଣା ମଧ୍ୟରେ ପାଳିତ ହେବ ଉତ୍ସବ
  • ||
  • ଆଜି ପବିତ୍ର କାର୍ତ୍ତିକ ପୂର୍ଣ୍ଣିମା : ଡଙ୍ଗା ଭସା ଉପରେ ରୋକ , କୋଭିଡ କଟକଣା ଯୋଗୁଁ ଉତ୍ସବ ଫିକା
  • ||
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||

ସୋନୁଙ୍କ ପରେ ପ୍ରବାସୀ ଶ୍ରମିକଙ୍କ ସାହାଯ୍ୟ ପାଇଁ ଆଗେଇ ଆସିଲେ ମହାନାୟକ ଅମିତାଭ୍ : ଆରମ୍ଭ କଲେ ବସ୍ ସେବା

29/05/2020 at 3:49 PM

ମୁମ୍ବାଇ ୨୯/୦୫ : ସାରା ଦେଶ ବର୍ତ୍ତମାନ କରୋନା ସଙ୍କଟ ଦେଇଗତି କରୁଛି | ସଂକ୍ରମଣ ରୋକିବା ପାଇଁ ଦେଶରେ ଲକଡାଉନ ଜାରି ରହିଛି | ଏଭଳି ସ୍ଥିତିରେ ପ୍ରବାସୀ ଶ୍ରମିକ କାମ ନ ପାଇ ପଲାୟ କରୁଛନ୍ତି | ଲକଡାଉନ ଯୋଗୁଁ ପ୍ରବାସୀ ଶ୍ରମିକ ଚାଲି ଚାଲି ନିଜ ନିଜ ଭିଟାମାଟିକୁ ଫେରି ଯାଉଛନ୍ତି | ପ୍ରବାସୀ ଶ୍ରମିକଙ୍କୁ ସାହାଯ୍ୟ କରିବାକୁ ସରକାର ଶ୍ରମିକ ସ୍ପେଶାଲ ଟ୍ରେନ ବ୍ୟବସ୍ଥା କରିଛନ୍ତି | ତଥାପି ଅନେକ ପ୍ରବାସୀ ଶ୍ରମିକ ଶହ ଶହ, ହଜାର ହଜାର କିଲୋମିଟର ଚାଲି ଚାଲି ପଳାୟନ କରୁଛନ୍ତି | ଶ୍ରମିକଙ୍କ ଦୁଃଖ ଦେଖି ନ ପାରି ତାଙ୍କୁ ସାହାଯ୍ୟ କରିବାକୁ ବଲିଉଡ ଅଭିନେତା ସୋନୁ ସୁଦ ଆଗେଇ ଆସିଛନ୍ତି | ସେ ନିଜ ଖର୍ଚ୍ଚରେ ବସ ଭଡା କରି ମୁମ୍ବାଇରେ ଥିବା ପ୍ରବାସୀ ଶ୍ରମିକଙ୍କୁ ତାଙ୍କ ଘରକୁ ପଠାଉଛନ୍ତି | ପ୍ରବାସୀଙ୍କ ସହାୟତା ପାଇଁ ସେ ଏକ ଟୋଲଫ୍ରି ନମ୍ବର ମଧ୍ୟ ଜାରି କରିଛନ୍ତି | ସୋନୁଙ୍କ ଏହି ମହାନତା ପାଇଁ ସାରା ଦେଶବାସୀ ତାଙ୍କୁ ପ୍ରଶଂସା କରୁଛନ୍ତି | ଏହି କ୍ରମରେ ବର୍ତ୍ତମାନ ବଲିଉଡର ମହାନାୟକ ଅମିତାଭ ବଚ୍ଚନ ମଧ୍ୟ ଯୋଡି ହୋଇଯାଇଛନ୍ତି | 

ଅମିତାଭ ବଚ୍ଚନ ପ୍ରବାସୀ ଶ୍ରମିକଙ୍କ ପାଇଁ ୧୦ଟି ବସ ବ୍ୟବସ୍ଥା କରିଛନ୍ତି | ଏହି ବସ ଯୋଗେ ଉତ୍ତର ପ୍ରଦେଶର ଶ୍ରମିକମାନଙ୍କୁ ସେମାନଙ୍କ ଅଞ୍ଚଳକୁ ପଠାଯିବ | ଅମିତାଭ ବଚ୍ଚନ ଏହି ପ୍ରବାସୀଙ୍କୁ ରାସନ, ସାନିଟାଇଜର, ଚପଲ ଯୋଗାଇଦେବେ ବୋଲି ଶୁଣିବାକୁ ମିଳିଛି |

ଅମିତାଭଙ୍କ ଦ୍ୱାରା ଆରମ୍ଭ ହୋଇଥିବା ଏହି ବସ ସର୍ଭିସ ପାଇଁ ଏକ ଟିମ କାମ କରୁଛି | ଟିମ ପ୍ରବାସୀ ଶ୍ରମିକଙ୍କୁ ଖାଦ୍ୟ ପ୍ୟାକେଟ, ପାଣି ବୋତଲ, ଚପଲ ଓ ଆବଶ୍ୟକୀୟ ସାମଗ୍ରୀ ଯୋଗାଇ ଦେଉଛି | ତାଙ୍କ ଟିମ ଜରିଆରେ ହଜାରେ ପ୍ରବାସୀଙ୍କୁ ସାହାଯ୍ୟ କରାଯାଉଛି | ତାଛଡା କରୋନା ସଂକ୍ରମଣକୁ ନେଇ ସମସ୍ତ ପ୍ରକାର ସାବଧାନତା ଅବଲମ୍ବନ କରାଯାଉଛି |

ଏହା ମଧ୍ୟରେ ସାମାଜିକ ଦୂରତା ପ୍ରତି ମଧ୍ୟ ଦୃଷ୍ଟି ଦିଆଯାଇଛି | ସାମାଜିକ ଦୂରତାକୁ ଦୃଷ୍ଟିରେ ରଖି ବସରେ ଅଧା ଯାତ୍ରୀ ଯାତ୍ରା କରୁଛନ୍ତି | ରିପୋର୍ଟ ଅନୁଯାୟୀ, ୫୨ ସିଟର ବସରେ ୨୫ ଯାତ୍ରୀଙ୍କୁ ଯିବାକୁ ଦିଆଯାଉଛି |

   Related Posts