Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ଜେରକ୍ସ ଦୋକାନ ଚଳାଉଥିବା ଏହି ଦିବ୍ୟାଙ୍ଗ ଯୁବତୀଙ୍କୁ ଚିଠି ଲେଖନ୍ତି ଅମିତାଭ : ଜାଣନ୍ତୁ କାହିଁକି

2/06/2019 at 3:34 PM

ରାଜକୋଟ ୨/୬ : ଭୃଣ ହତ୍ୟାର ଅନେକ ମେସେଜ ସୋସିଆଲ ମିଡ଼ିଆରେ ଦେଖିବାକୁ ମିଳେ । ଶିଶୁ ଜନ୍ମ ହେବା ପୁର୍ବରୁ ଯଦି ବାପା ମା ଜାଣିବାକୁ ପାଆନ୍ତି ଯେ ତାଙ୍କର ଦିବ୍ୟାଙ୍ଗ ଶିଶୁ ଜନ୍ମ ହେବାର ଅଛି ତାହେଲେ ମଧ୍ୟ ଶିଶୁକୁ ଜନ୍ମ ହେବ ପୂର୍ବରୁ ହତ୍ୟା କରିଦିଅନ୍ତି । ଏହିଭଳି ଅନେକ ଘଟଣା ପ୍ରତିଦିନ କେଉଁଠି ନ କେଉଁଠି ଘଟିଥାଏ । ଝିଅ ଜନ୍ମ ହେବାରେ ଥିବା ଜାଣି ମଧ୍ୟ ଅନେକ ଲୋକ ଭୃଣ ହତ୍ୟା କରିଥାନ୍ତି । ଦୁନିଆ ଯେତେ ଆଗକୁ ଗଲେ ମଧ୍ୟ ସମାଜରେ ଆଜି ମଧ୍ୟ ହୀନ ମାନସିକତା ରହିଛି । ଲୋକେ ଭୁଲି ଯାଉଛନ୍ତି ଯେ, ଝିଅ ହେଉ କିମ୍ବା ଦିବ୍ୟାଙ୍ଗ, ସମସ୍ତେ ସମାଜକୁ ନିଜର ଯୋଗଦାନ ଦେଇପାରିବେ । ସେଥିପାଇଁ ତାଙ୍କୁ ସଠିକ ରାସ୍ତା  ଏବଂ ପ୍ରୋତ୍ସାହନ ମିଳିବା ଦରକାର ।

ଏହିଭଳି ଏକ ଘଟଣା ଦେଖିବାକୁ ମିଳିଛି ରାଜକୋଟ ଜିଲ୍ଲାରେ । ସମାଜ ପାଇଁ ଉଦାହରଣ  ସୃଷ୍ଟି କରିଛନ୍ତି ଏହି ଦିବ୍ୟାଙ୍ଗ ଯୁବତୀ । ଯୁବତୀଙ୍କ ଚିଠିର ଜବାବ ଦେଇଥାନ୍ତି ଅମିତାଭ ବଚ୍ଚନ ଏବଂ ତାଙ୍କ ପରିବାର । ଅମିତାଭ ନିଜେ ମଧ୍ୟ ଏହି ଯୁବତୀଙ୍କୁ ଚିଠି ଲେଖନ୍ତି । ଯୁବତୀଙ୍କ ମନୋବଳ ବଢାଇବା ପାଇଁ ଅମିତାଭ ତାଙ୍କୁ ଚିଠି ଲେଖନ୍ତି ।

ଗୁଜରାଟ ରାଜକୋଟ ଜିଲ୍ଲାର ଜେତପୁରର ବନ୍ଦନା କଟାରିୟା ଜନ୍ମରୁ ହିଁ ଦିବ୍ୟାଙ୍ଗ । ବନ୍ଦନାଙ୍କ ଶରୀରର ୮୦ ପ୍ରତିଶତ କାମ କରେନାହିଁ । ତଥାପି ସେ କାମ କରନ୍ତି । ତାଙ୍କର ଗୋଟିଏ ଜେରକ୍ସ ଦୋକାନ ଅଛି । ସେ ନିଜେ ଗ୍ରାହକଙ୍କୁ ଜେରକ୍ସ କରି ଦିଅନ୍ତି । ଜୀବନ ଜୀବିକା ପାଇଁ ସେ କାହା ଉପରେ ନିର୍ଭରଶୀଳ ନୁହନ୍ତି ।

ବନ୍ଦନା  ବାଣିଜ୍ୟରେ ସ୍ନାତକ କରିଛନ୍ତି । ସେ ନିଜ ଗୋଡରେ ମୋବାଇଲ, ଟିଭି, ଲାପଟପ ଓ ଜେରକ୍ସ ମେସିନ ଚଲାନ୍ତି । କୌଣସି ସମସ୍ୟା ହେଲେ ତାଙ୍କ ମା ତାଙ୍କୁ ସାହାଯ୍ୟ କରନ୍ତି । ଶରୀରରୁ ସେ ଦିବ୍ୟାଙ୍ଗ ହେଲେ ମଧ୍ୟ ମନରୁ ସେ କିଛି କରିବା ପାଇଁ ଇଛା ରଖିଛନ୍ତି ।

ବନ୍ଦନା ଅମିତାଭ ବଚ୍ଚନଙ୍କ ବହୁତ ବଡ ପ୍ରଶଂସକ । ବଚ୍ଚନ ପରିବାର ବନ୍ଦନାଙ୍କୁ ଅନେକ ଚିଠି ଲେଖିଛନ୍ତି । କିନ୍ତୁ ବନ୍ଦନା କେବେ ବଚ୍ଚନ ପରିବାର ସହ ସାକ୍ଷାତ କରିନାହାନ୍ତି । ଅମିତାଭଙ୍କ ଯେଉଁ ଜିନିଷ ବଜାରରେ ମିଳେ ବନ୍ଦନା ତାକୁ ସାଇତି ରଖନ୍ତି । ଅମିତାଭ ବଚ୍ଚନଙ୍କ ପେନ ହେଉ କି ତେଲ ଅଥବା ତାଙ୍କ ଫଟୋ । ସେ ନିଜ ଜେରକ୍ସ ଦୋକାନରେ ଅମିତାଭଙ୍କ ଅନେକ ଗୁଡ଼ାଏ ଫଟୋ ମଧ୍ୟ ଲଗାଇଛନ୍ତି ।

   Related Posts