ନୂଆଦିଲ୍ଲୀ ୨୫/୧୨ : ବଲିଉଡର ଭେଟେରାନ ଅଭିନେତା ଅମିତାଭ ବଚ୍ଚନ ତାଙ୍କ ସୋ ‘କୌନ ମନେଗା କରୋଡପତି’ ଏବଂ ତାଙ୍କର ଆଗାମୀ ଚଳଚ୍ଚିତ୍ରର ସୁଟିଂରେ ବହୁତ ବ୍ୟସ୍ତ ଅଛନ୍ତି । ନିକଟରେ ଅମିତାଭ ବଚ୍ଚନ ଏକ ସାକ୍ଷାତକାର ସମୟରେ ତାଙ୍କ ଚଳଚ୍ଚିତ୍ର ଶୋଲେ ବିଷୟରେ ଅନେକ କାହାଣୀ ସେୟାର କରିଛନ୍ତି । ସେ କହିଥିଲେ ଯେ ଶୋଲେ ଫିଲ୍ମ ସୁଟିଂ ସମୟରେ ସାଥୀ ଅଭିନେତା ଧର୍ମେନ୍ଦ୍ର ସତ ବନ୍ଧୁକରୁ ଗୁଳି ଚଳାଇଦେଇଥିଲେ । ତେବେ ଅମିତାଭ ବଚ୍ଚନ ଅଳ୍ପକେ ବର୍ତ୍ତି ଯାଇଥିଲେ । ଧର୍ମେନ୍ଦ୍ର ଏବଂ ଅମିତାଭ ବଚ୍ଚନଙ୍କ ସର୍ବକାଳୀନ ରେକର୍ଡ ଫିଲ୍ମ ଶୋଲେକୁ ୪୫ ବର୍ଷ ହୋଇଗଲାଣି ।
{"id":382785,"sizeSlug":"large","linkDestination":"none"}ଅମିତାଭ ବଚ୍ଚନ ଆହୁରି ମଧ୍ୟ କହିଛନ୍ତି ଯେ ଧର୍ମେନ୍ଦ୍ରଙ୍କ ସୁଟିଂ ସମୟରେ ଚଳାଇଥିବା ଗୁଳି ତାଙ୍କ କାନ ନିକଟ ଦେଇ ଚାଲିଯାଇଥିଲା ଏବଂ ଏକ ବଡ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଥିଲେ ବିଗ୍ ବି । କେବିସିର ପ୍ରତିଯୋଗୀ ପ୍ରୀତ ମୋହନ ସିଂ ସୋ ମଧ୍ୟରେ କହିଥିଲେ ଯେ ସେ ଶୋଲେ ଫିଲ୍ମକୁ ସେ ବହୁତ ପସନ୍ଦ କରନ୍ତି । ଏହା ପରେ ଅମିତାଭ ବଚ୍ଚନ ଫିଲ୍ମର ଏହି କାହାଣୀ ସମସ୍ତଙ୍କ ସହ ସେୟାର କରିଥିଲେ । ଏହି ଫିଲ୍ମ ସୁଟିଂ ସମୟର କିଛି ସ୍ମୁତି ବଖାଣିଛନ୍ତି ବିଗ୍ ବି । ଏହା ସହ ସେ କହିଛନ୍ତି ଏହି ଚଳଚ୍ଚିତ୍ର ତାଙ୍କ କ୍ୟାରିୟରର ଏକ ସ୍ବତନ୍ତ୍ର ଚଳଚ୍ଚିତ୍ର ଥିଲା ।
{"id":382786,"sizeSlug":"large","linkDestination":"none"}ବିଗ୍ ବି କହିଛନ୍ତି ଯେ ଏହି ଚଳଚ୍ଚିତ୍ରରେ ରିଅଲ ୱାଇଫ୍ ଜୟା ବଚ୍ଚନ ଏବଂ ଧର୍ମେନ୍ଦ୍ରଙ୍କ ରିଅଲ ପତ୍ନୀ ହେମା ମାଳିନୀ ମଧ୍ୟ ଏହି ଫିଲ୍ମରେ ଥିଲେ । ଏହି ଚଳଚ୍ଚିତ୍ରରେ ସଞ୍ଜୀବ କୁମାର, ଠାକୁର୍ ଚରିତ୍ରରେ ଅଭିନୟ କରିଥିଲେ ଏବଂ ଅମଜାଦ ଖାନ ଗବର ଭୂମିକାରେ ଅଭିନୟ କରିଥିଲେ । ଶୋଲେ ଚଳଚ୍ଚିତ୍ର ୪୫ ବର୍ଷ ଧରି ଦର୍ଶକଙ୍କ ଆଦୃତ ହୋଇ ରହିଛି ଏବଂ ଆଗାମୀ ଦିନରେ ମଧ୍ୟ ଦର୍ଶକଙ୍କ ହୃଦୟରେ ନିଜର ସ୍ବତନ୍ତ୍ର ସ୍ଥାନ ବଜାୟ ରଖିବ ।