Tuesday, October 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କୋଟି କୋଟି ଟଙ୍କା ସମ୍ପତ୍ତିର ମାଲିକ ହେଉଛନ୍ତି ଅମିତାଭ ବଚ୍ଚନ: ସମ୍ପତ୍ତିର ତାଲିକା ଦେଲେ ଜୟା, କେବଳ ଗାଡି ଅଛି ୧୨କୋଟି ଟଙ୍କାର

ମୁମ୍ବାଇ୧୦|୧୦: ବଲିଉଡ ଅଭିନେତା ତଥା ମହାନାୟକ ଅମିତାଭ ବଚ୍ଚନ ଆସନ୍ତା କାଲି ୭୭ତମ ଜନ୍ମଦିନ ପାଳନ କରିବେ। ଅମିତାଭ ବଚ୍ଚନ ଜଣେ ଏମିତି ଅଭିନେତା ଯିଏ ଆଜି ମଧ୍ୟ ଯୁବ ପୀଢି ସହ କାନ୍ଧ ମିଳାଇ ଚାଲୁଛନ୍ତି।ଫିଲ୍ମରେ ନିଜ ଅଭିନୟ ବ୍ୟତୀତ ସେ ନିଜ ସମ୍ପତ୍ତି ପାଇଁ ମଧ୍ୟ ଚର୍ଚ୍ଚାରେ ରୁହନ୍ତି। ଅମିତାଭ ବଚ୍ଚନ କୋଟି କୋଟି ସମ୍ପତ୍ତିର ମାଲିକ।

ଜୟା ଓ ଅମିତାଭଙ୍କ ବିଷୟରେ କହିବାକୁ ଗଲେ ଉଭୟଙ୍କର ପାଖାପାଖି ୧୦ ବିଲିୟନର ସମ୍ପତ୍ତି ଅଛି।ଗତ ବର୍ଷ ରାଜ୍ୟସଭା ନିର୍ବାଚନ ପାଇଁ ନାମାଙ୍କନ ଭରିବା ସମୟରେ ଜୟା ତାଙ୍କ ସମ୍ପତ୍ତି ବିଷୟରେ କହିଥିଲେ। ସୂଚନାଯୋଗ୍ୟ ଯେ, ଅମିତାଭ ବଚ୍ଚନ ଓ ଜୟା ବଚ୍ଚନଙ୍କ ପାଖରେ ୪୬୦ କୋଟି ଟଙ୍କାର ଅସ୍ଥାବର ସମ୍ପତ୍ତି ରହିଛି। ଏହା ସହ ୫୪୦ କୋଟି ଟଙ୍କାର ସ୍ଥାବର ସମ୍ପତ୍ତି ରହିଛି।   

ଉଭୟଙ୍କ ପାଖରେ ୧୨ଟି ଗାଡିର କଲେକସନ ଅଛି। ଏହି ଗାଡିଗୁଡିକର ଦାମ ପାଖାପାଖି ୧୩ କୋଟି ଟଙ୍କା।ଅପରପକ୍ଷରେ ଅମିତାଭଙ୍କ ପାଖରେ ୩କୋଟିରୁ ଅଧିକ ଟଙ୍କାର ଘଡି କଲେକ୍ସନ ଅଛି।ଜୟାଙ୍କ ପାଖରେ ୫୧ ଲକ୍ଷ ଟଙ୍କାର ଘଡି ଅଛି। ଏହା ବ୍ୟତୀତ ନୋଏଡା, ଅହମଦାବାଦ, ଗାନ୍ଧିନଗର, ପୁଣେ ଓ ଭୋପାଲ ଭଳି ଅନେକ ରାଜ୍ୟରେ କୋଟି କୋଟି ଟଙ୍କାର ସମ୍ପତ୍ତି ଅଛି।

ଭାରତ ବାହାରେ ଫ୍ରାନ୍ସରେ ମଧ୍ୟ ଉଭୟଙ୍କର ସ୍ଥାବର ସମ୍ପତ୍ତି ଅଛି। ଅମିତାଭ ଓ ଜୟାଙ୍କ ପାଖରେ ୬୨ କୋଟି ଟଙ୍କାର ସୁନା-ଚାନ୍ଦିର ଗହଣା ଅଛି। ଅମିତାଭ କହିଛନ୍ତି ଯେ, ତାଙ୍କର ଯାହା ସମ୍ପତ୍ତି ଅଛି ତାହା ତାଙ୍କ ପୁଅ ଅଭିଷେକ ଓ ଝିଅ ଶ୍ବେତା ମଧ୍ୟରେ ଅଧା ଅଧା ବଣ୍ଟା ଯିବ।

389 Views

   ସମ୍ବନ୍ଧିତ ଖବର